2 ທີມຈາກແມນເຊັສເຕີ ອອກໄປຢາມ! ຜົນຈັບສະຫຼາກ ເອັຟເອ ຄັບ ຮອບ 8 ທີມສຸດທ້າຍ

ຜົນການຈັບສະຫຼາກຮອບ 8 ທີມສຸດທ້າຍ ມີຂຶ້ນທີ່ສະໜາມສະແຕມຟອດ ບຣິກ ບ້ານຂອງເຊລຊີ ພາຍຫຼັງການແຂ່ງຂັນຄູ່ບິ໊ກແມັດ ລະຫວ່າງ ເຊລຊີ ພົບກັບ ແມນເຊັສເຕີ ຢູໄນເຕັດ ເມື່ອກາງຄືນວັນຈັນ ທີ 18 ກຸມພາ ທີ່ຜ່ານມາ ສິ້ໜສຸດລົງ ເຊິ່ງຮອບກ່ອນຮອງຊະນະເລີດ ຫຼື ຮອບ 8 ທີມສຸດທ້າຍ ປີນີ້ ມີທີມຈາກພີເມຍ ລີກ ຜ່ານເຂົ້າມາ 6 ທີມ ສ່ວນອີກ 2 ທີມມາຈາກເດິ ແຊມປ້ຽນຊິບ.

ເຊິ່ງຜົນການຈັບສະຫຼາກປະກົດ ວ່າ ແມນເຊັສເຕີ ຢູໄນເຕັດ ແຊັມລາຍການນີ້ 12 ສະໄໝ ທີ່ສາມາດບຸກໄປເອົາຊະນະແຊັມເກົ່າ ເຊລຊີ ເຖິງຖິ່ນ 2-0 ຈະບຸກໄປຢາມ ວູຟ ແຮັມຕັນວັນເດີເລີ ທີມຮ່ວມລີກກ ເປັນ 3 ຕິດຕໍ່ກັນແລ້ວທີ່ແມນຢູ ຕ້ອງເປັນຝ່າຍອອກໄປຢາມ ນັບແຕ່ເລິ່ມລົງແຂ່ງຂັນໃນຮອບທີ 4.

ຂະນະທີ່ ທີມວາງອັນດັບງໜຶ່ງ ວ່າຈະເປັນແຊັມຂອງລາຍການນີ້ ເຊັ່ນ ແມນເຊັສເຕີ ຊິຕີ້ ເຊິ່ງຮອບທີ່ຜ່ານມາ ງ່າຍສຸດໆ ເມື່ອບຸກໄປເອົາຊະນະ ນິວພອດ ທີມຈາກລີກ ທູ 4-1 ຈະບຸກຢາມ ສະວອນຊີ ຊິຕີ້.

ໂດຍຮອບ8 ທີມສຸດທ້າຍນີ້ ຈະເລິ່ມແຂ່ງຂັນລະຫວ່າງວັນສຸກ ທີ 15 ມີນາ – ວັນຈັນ ທີ 18 ມີນາ ນີ້.

  ສະຫຼຸບຜົນການຈັບສະຫຼາກ ເອັຟເອ ຄັບ ອັງກິດ ຮອບ 8 ທີມສຸດທ້າຍມີດັ່ງນີ້:

  • ສະວອນຊີ ຊິຕີ້ (ແຊັມປ້ຽນຊິບ) ພົບ ແມນເຊັສເຕີ ຊິຕີ້ (ພຣີເມຍ ລີກ)

  • ວັດຟອດ (ພຣີເມຍ ລີກ) ພົບ ຄຣິສຕັລ ພາເລຊ (ພຣີເມຍ ລີກ)

  • ວູຟ ແຮັມຕັນ ວັນເດີເລີ (ພຣີເມຍລີກ) ພົບ ແມນເຊັສເຕີ ຢູໄນເຕັດ (ພຣີເມຍ ລີກ)

  • ມິນວອລ (ແຊັມປ້ຽນຊິບ) ພົບ ໄບຕັນ & ໂຮບ ອັລບ້ຽນ (ພຣີເມຍ ລີກ)

%d bloggers like this: