ຈີນເຜີຍ ‘ການຄ້າລະຫວ່າງປະເທດ’ ເດືອນມັງກອນ ຂະຫຍາຍຕົວ 8,7%

ໃນວັນພະຫັດ ທີ 14 ກຸມພາ ສໍານັກງານພາສີທົ່ວໄປຂອງຈີນ ເປີດເຜີຍປະລິມານການຂາຍສິນຄ້າລະຫວ່າງປະເທດຂອງຈີນ ໃນເດືອນມັງກອນ ທີ່ຜ່ານມາ ໄດ້ປັບເພິ່ມຂຶ້ນ 8,7% ເມື່ອທຽບປີຕໍ່ປີ ຄິດເປັນ 2.73 ລ້ານລ້ານຢວນ (ກວ່າ 3,4 ລ້ານຕື້ກີບ).
ລາຍງານລະບຸວ່າ ປະລິມານການສົ່ງອອກເພີ່ມຂຶ້ນ 13,9% ເມື່ອທຽບປີຕໍ່ປີ ຄິດເປັນ 1,5 ລ້ານລ້ານຢວນ (ປະມານ 1,89 ລ້ານຕື້ກີບ) ສ່ວນປະລິມານການນໍາເຂົ້າເຕີບໂຕ 29% ຄິດເປັນ 1,23 ລ້ານລ້ານຢວນ (ປະມານ 1,55 ລ້ານຕື້ກີບ).

ການສົ່ງອອກ ແລະ ການນໍາເຂົ້າຜະລິດຕະພັນ ພາຍໃຕ້ໝວດການຄ້າທົ່ວໄປເພິ່ມຂຶ້ນ 13% ເມື່ອທຽບປີຕໍ່ປີ ຄິດເປັນ 1,66 ລ້ານລ້ານຢວນ (ປະມານ 2,1 ລ້ານຕື້ກີບ) ຄິດເປັນສັດສ່ວນ 60,9% ຂອງການຄ້າລະຫວ່າງປະເທດທັງໝົດ ແລະ ສູງຂຶ້ນ 23% ຈາກໄລຍະເວລາດຽວກັນຂອງປີກ່ອນ.

ການຄ້າຂອງຈີນກັບສະຫະພາບເອີຣົບ (EU) ກຸ່ມປະເທດອາຊຽນ ແລະ ຍີ່ປຸ່ນ ເພີ່ມຂຶ້ນ 17,6% 7,8%  ແລະ 6,5% ຕາມລໍາດັບ ສ່ວນການສົ່ງອອກ ແລະ ການນໍາເຂົ້າຈາກອາເມຣິກາ ເພິ່ມຂຶ້ນ 1,9% ແລະ ຫຼຸດລົງ 38,6%.

ດ້ານການຄ້າຂອງຈີນກັບກຸ່ມປະເທດຕາມແຜນທີ່ລິເລິ່ມໜຶ່ງແຖບໜຶ່ງເສັ້ນທາງ (BRI) ມີການເຕີບໂຕໄວກວ່າອັດຕາສະເລ່ຍ ໂດຍປະລິມານການຄ້າລວມແມ່ນຄົງຕົວຢູ່ 770.800 ລ້ານຢວນ (ປະມານ 9,76 ແສນຕື້ກີບ) ເພິ່ມຂຶ້ນ 11,5% ເມື່ອທຽບປີຕໍ່ປີ.

ລາຍງານເສີມວ່າ ກຸ່ມຜູ້ປະກອບການພາກເອກະຊົນມີບົດບາດຫຼາຍຂຶ້ນ ໂດຍຄິດເປັນສັດສ່ວນ 42,3% ຂອງການຄ້າລະຫວ່າງປະເທດທັງໝົດເພີ່ມຂຶ້ນ 3% ເມື່ອທຽບປີຕໍ່ປີ.

%d bloggers like this: