ຈີນກຽມເປີດໂຄງການ “ທາງດ່ວນອັດສະລິຍະ 5G” ສາຍທໍາອິດຂອງປະເທດ

ສໍານັກຂ່າວຊິນຫົວລາຍງານວ່າ ຈີນກຽມເປີດໂຄງການທາງດ່ວນອັດສະລິຍະເຄືອຂ່າຍສັນຍານ 5ຈີ (5G) ສາຍທໍາອິດຂອງປະເທດ ໃນມົນທົນຫູເປີ່ຍ ທາງຈີນຕອນກາງ ຫຼັງຈາກຜູ້ໃຫ້ບໍລິການດ້ານການສື່ສານໂທລະຄົມມະນາຄົມ ແລະ ທາງດ່ວນສາມາດບັນລຸຂໍ້ຕົກລົງຄວາມຮ່ວມມື.

ໄຊນາ ໂມບາຍ (China Mobile) ສາຂາຫູເປີ່ຍ ລະບຸວ່າ ບໍລິສັດກໍາລັງວາງແຜນການຈັດຕັ້ງສະຖານີສົ່ງສັນຍານ 5ຈີ ຕາມເສັ້ນທາງດ່ວນຂອງມົນທົນ ເພື່ອທົດລອງດ່ານເກັບຄ່າຜ່ານທາງອັດສະລິຍະລວມເຖິງລະບົບຂັບເຄື່ອນອັດໂນມັດ ດ້ວຍສັນຍານ 5ຈີ.

ລາຍງານລະບຸວ່າ ທາງດ່ວນອັດສະລິຍະເຄືອຂ່າຍສັນຍານ 5ຈີ ຈະສາມາດເກັບຮວບຮວມຂໍ້ມູນທາງການຈະລາຈອນແບບທັນທີ (real-time) ແລະ ດໍາເນີນການປະເມີນຜົນຜ່ານລະບົບຂໍ້ມູນຂະໜາດໃຫຍ່ ຫຼື ບິ໊ກ ດາຕ້າ (Big Data).

ທັງນີ້ ມີການກໍ່ສ້າງສະຖານີສົ່ງສັນຍານ 5ຈີ ຈໍານວນ 31 ແຫ່ງ ໃນນະຄອນອູ່ຮັ່ນ ເມືອງເອກຂອງມົນທົນຫູເປີ່ຍ ເມື່ອນັບຮອດໝົດປີ 2018 ໂດຍໄຊນາ ໂມບາຍ ໄດ້ວາງແຜນງົບປະມານເງິນພັນລ້ານຢວນ ເພື່ອກໍ່ສ້າງສະຖານີອື່ນໆ ເພິ່ມອີກ 2.000 ແຫ່ງ ໃນປີນີ້.

%d bloggers like this: