ສາວວຽງຈັນສິງ – ໜຸ່ມວຽງຈັນຄວາຍ ກຽມລຸຍຣັກບີ້ ບາງກອກ ໃນອາທິດນີ້

ສາວຣັກບີ້ສະໂມສອນວຽງຈັນສິງ ແຊັມການແຂ່ງຂັນຣັກບີ້ຍິງ ລາຍການຣັກບີ້ ດີເຮັຈ໌ແອລ ນະຄອນຫຼວງວຽງຈັນ 10 ຄົນ ( DHL VIENTIANE 10S ) ທີ່ນະຄອນຫຼວງວຽງຈັນ ເປັນເຈົ້າພາບ ຜ່ານມາວາງແຜນກຽມລຸຍການແຂ່ງຂັນຣັກບີ້ ບາງກອກ 10 ຄົນ ( Bangkok 10’s ) ທີ່ປະເທດໄທ ໃນອາທິດນີ້ ສ່ວນສະໂມສອນຣັກບີ້ຊາຍ ວຽງຈັນຄວາຍ ເປັນຕົວແທນທີມຊາຍເຂົ້າຮ່ວມລາຍການດັ່ງກ່າວ.

ອີງຕາມການໃຫ້ສຳພາດຂອງ ທ່ານ ປີຊາ ວົງເດືອນເພັງ ຜູ້ຈັດການຝ່າຍພັດທະນາກີລາຣັກບີ້ ສະຫະພັນກີລາຣັກບີ້ແຫ່ງຊາດລາວ ໃນວັນທີ 13 ກຸມພາຜ່ານມາ ໃຫ້ຊາບວ່າ : ສະຫະພັນກີລາຣັກບີ້ແຫ່ງຊາດລາວ ຕົກລົງເຫັນດີໃຫ້ສະໂມສອນຣັກບີ້ຍິງ ວຽງຈັນສິງ ແຊັມການແຂ່ງຂັນຣັກບີ້ຍິງ ລາຍການຣັກບີ້ ດີເຮັຈ໌ແອລ ນະຄອນຫຼວງວຽງຈັນ 10 ຄົນ ທີ່ນະຄອນຫຼວງວຽງຈັນ ເປັນເຈົ້າພາບ ລະຫວ່າງວັນທີ 26 – 27 ມັງກອນຜ່ານມາ ແລະ ສະໂມສອນຣັກບີ້ຊາຍ ວຽງຈັນຄວາຍ ເຂົ້າຮ່ວມການແຂ່ງຂັນລາຍການຣັກບີ້ ບາງກອກ 10 ຄົນ ທີ່ນະຄອນຫຼວງບາງກອກ ປະເທດໄທ ເປັນເຈົ້າພາບ ໃນລະຫວ່າງວັນທີ 16 – 17 ກຸມພາ 2019.

“ ທັງ 2 ທີມ ແມ່ນໄດ້ມີການຝຶກຊ້ອມກັນມາແຕ່ເດືອນມັງກອນ ພາຍຫຼັງສຳເລັດການແຂ່ງຂັນຣັກບີ້ ລາຍການຣັກບີ້ ດີເຮັຈ໌ແອລ ນະຄອນຫຼວງວຽງຈັນ 10 ຄົນ ທີ່ນະຄອນຫຼວງວຽງຈັນ ເປັນເຈົ້າພາບຜ່ານມາ ກໍໄດ້ຝຶກຊ້ອມກັນຕໍ່ເລີຍ. ຈົນເຖິງປັດຈຸບັນນີ້ ຖືໄດ້ວ່າທັງ 2 ທີມ ແມ່ນມີຄວາມພ້ອມດີສົມຄວນ ໂດຍສະເພາະ ສາວຣັກບີ້ສະໂມສອນວຽງຈັນສິງ ທີ່ຫາກໍ່ໄດ້ແຊັມລາຍການຣັກບີ້ ດີເຮັຈ໌ແອລ ນະຄອນຫຼວງວຽງຈັນ 10 ຄົນ ແລະ ສາມາດເອົາຊະນະແຊັມເກົ່າ ສະໂມສອນທະຫານອາກາດ ຂອງປະເທດໄທ ໄປໄດ້ ແລະ ຄາດວ່າລາຍການນີ້ ສາວຣັກບີ້ວຽງຈັນສິງ ຈະສາມາດສ້າງຜົນງານອອກມາດີໄດ້.

ຈາກ:ຄໍາສອນ

%d bloggers like this: