ອາຍຸກວ່າ 512 ປີ! ນັກວິໄຈຄົ້ນພົບ ປາສະຫຼາມຍຸກດຶກດຳບັນ

ປາສະຫຼາມກຣີນແລນ (Greenland Shark) ຄື ປາສະຫຼາມກິນເນື້ອຂະໜາດໃຫຍ່ຮອງຈາກປາສະຫຼາມຂາວ ແຕ່ດ້ວຍຄວາມທີ່ມັນອາໄສຢູ່ໃນນຳທີ່ເລິກລະດັບ ກວ່າ 600 ແມັດ ນັບຈາກໜ້ານ້ຳ ຈຶ່ງບໍ່ຄ່ອຍຖືກພົບເຫັນ ແລະ ເປັນທີ່ຮູ້ຈັກຫຼາຍ.

ຍ້ອນເຫດຜົນນີ້ ນັກວິໄຈຈຶ່ງພະຍາຍາມຕາມຫາເພື່ອການສຶກສາກ່ຽວກັບມັນໃຫ້ຫຼາຍກວ່າເກົ່າຈົນໃນທີ່ສຸດພວກເຂົາກໍ່ໄດ້ໄປພົບກັບປາສະຫຼາມສາຍພັນນີ້ ທີ່ມີຄວາມຍາວ ປະມານ 5,5 ແມັດ ອາຍຸຍືນເຖິງ 512 ປີ.

ในภาพอาจจะมี น้ำ

ເມື່ອບໍ່ເທົ່າໃດເດືອນ ກ່ອນທີ່ທີມນັກວິໄຈຈາກຫຼາຍປະເທດ ໄດ້ຮ່ວມກັນສໍາຫຼວດ ແລະ ຄົ້ນພົບປາສະຫຼາມຕົວດັ່ງກ່າວບໍລິເວນມະຫາສະມຸດແອັດແລນຕິກເໜືອ ເຊິ່ງເປັນແຫຼ່ງທີ່ຢູ່ອາໄສຂອງປາສະຫຼາມສາຍພັນນີ້.

ແລະ ຫຼ້າສຸດໃນໄລຍະຕົ້ນເດືອນກຸມພາ 2019 ທ່ານ ຈູລິອັສ໌ ເນລສັນ (Julius Nielsen) ນັກຊີວະວິທະຍາດ້ານທະເລ ໜຶ່ງໃນທີມວິໄຈໄດ້ສຶກສາ ແລະ ກວດສອບກ່ຽວກັບອາຍຸຂອງປາສະຫຼາມທີ່ພວກເຂົາພົບຈົນເຮັດໃຫ້ຮູ້ວ່າມັນໜ້າຈະຖືກໍາເນີດຂຶ້ນມາໃນປີ 1505.

ในภาพอาจจะมี หนึ่งคนขึ้นไป, น้ำ และสถานที่กลางแจ้ง

ນັ້ນໝາຍຄວາມວ່າ ປາສະຫຼາມກີນແລນ ຕົວທີ່ພົບນີ້ອາດມີອາຍຸບໍ່ຕ່ໍາກວ່າ 512 ປີເລີຍ ຖືວ່າສູງກວ່າທີ່ບັນດານັກວິໄຈເຄີຍຄາດຄະເນກ່ຽວກັບອາຍຸໄຂຂອງປາສະຫຼາມກຣີນແລນທົ່ວໆໄປ ເຊິ່ງມີອາຍຸໄຂ ປະມານ 400 ປີ.

ໂດຍການວິເຄາະອາຍຸຂອງປາສະຫຼາມຕົວດັ່ງກ່າວນັ້ນ ພວກເຂົາໄດ້ໃຊ້ວິທີການວິເຄາະຕາມແບບຈໍາລອງທາງຄະນິດສາດສຶກສາບໍລິເວນເລນແກ້ວຕາ ແລະ ແກ້ວຕາເບິ່ງຄວາມສອດຄ່ອງກັນຂອງຂະໜາດຕົວ.

ในภาพอาจจะมี น้ำ และสถานที่กลางแจ้ง

ຈາກການໃຊ້ວິທີການເຫຼົ່ານັ້ນ ເຮັດໃຫ້ປາສະຫຼາມກຣີນແລນຕົວນີ້ ມີອາຍຸຢ່າງໜ້ອຍ 272 ປີ ແຕ່ຈາກການສຶກສາລັກສະນະອື່ນໆເພີ່ມຕື່ມແລ້ວ ມັນມີຄວາມເປັນໄປໄດ້ສູງທີ່ຈະມີອາຍຸເຖິງ 512 ປີ.

ດ້ວຍເຫດນີ້ເອງ ການຄົ້ນພົບໃນຄັ້ງນີ້ ຈຶ່ງຖືກຕີພິມລົງໃນວາລະສານ Science ວ່າ ປາສະຫຼາມກຣີນແລນຕົວນີ້ ຄື “ສັດມີກະດູກສັນຫຼັງ ທີ່ມີອາຍຸຫຼາຍທີ່ສຸດໃນໂລກ” ໃນປັດຈຸບັນ.

ในภาพอาจจะมี น้ำ

ສໍາລັບປາສະຫຼາມກຣີນແລນນັ້ນ ບໍ່ໄດ້ຖືກຄົ້ຮພົບວ່າເປັນສັດທີ່ມີອາຍຸຍືນຢ່າງດຽວ ແຕ່ຈາກການສຶກສາ ແລະ ວຽກງານວິໄຈກ່ອນໜ້ານີ້ ໄດ້ມີຄຳຖາມລະບຸເອົາໄວ້ວ່າ ມີຄວາມເປັນໄປໄດ້ສູງທີ່ພວກມັນກິນ “ໝີຂາວ” ເປັນອາຫານ?.

ຖືເປັນການຄົ້ນພົບຄັ້ງຍິ່ງໃຫຍ່ ແລະ ອາດນັບໄດ້ວ່າເປັນບາດກ້າວສໍາຄັນທີ່ເຮັດໃຫ້ຄົນທົ່ວໂລກໄດ້ຮູ້ຈັກກັບສິ່ງມີຊີວິດໃຕ້ທ້ອງທະເລເລິກຊະນິດນີ້ກັນຫຼາຍຍິ່ງຂຶ້ນອີກດ້ວຍ.

ในภาพอาจจะมี น้ำ และสถานที่กลางแจ้ง

ດ້ວຍຄວາມລຶກລັບໃນນ້ຳ ທີ່ກວມເອົາ ປະມານ 71% ຂອງເນື້ອທີ່ຂອງໂລກນັ້ນຍັງມີອີກຫຼາຍສິ່ງທີ່ເຮັດໃຫ້ຄົນເຮົາຍັງບໍ່ຮູ້ ແລະ ເປັນສິ່ງທ້າທາຍຕໍ່ນັກຄົ້ນຄວ້າທົ່ວໂລກ ທີ່ພະຍາຍາມຊອກຫາປິດສະໜາເຫຼົ່ານັ້ນ ໃຫ້ໄດ້ຄຳຕອບທີ່ຊັດເຈນທີ່ສຸດ ແລະ ຫວັງວ່າ ຈະມີຫຼາຍໆເລື່ອງລາວຕໍ່ຈາກນີ້ ທີ່ນັກວິຈາຈະໄຂປິດສະໜາແລ້ວນຳມາເຜີຍແຜ່ສູ່ຊາວໂລກໄດ້ຮຽນຮູ້.

ທີ່ມາ physics-astronomy

%d bloggers like this: