ເຮົາມາຮູ້ກັນ! ຈຳແນກຈັ່ງໃດຈິ່ງຮູ້ວ່າ ທຸລະກິດຂະໜາດນ້ອຍ ແລະ ກາງ

ທຸລະກິດຂະໜາດນ້ອຍ ແລະ ຂະໜາດກາງ ເປັນຄຳສັບທີ່ໄດ້ຍິນເກືອບຕະຫຼອດ ແລະ ເປັນເສດຖະກິດຂະໜາດໃຫຍ່ກວ່າອັດຕາສ່ວນຫຼາຍຢູ່ປະເທດເຮົາ ແຕ່ເຊື່ອວ່າຫຼາຍທ່ານໆທີ່ດຳເນີນທຸລະກິດ ຫຼື ກຳລັງດຳເນີນທຸລະກິດ ຫຼື ສາມັນຊົນທົ່ວໄປກໍ່ດີ; ອາດມີຄວາມສົງໄສວ່າ ທຸລະກິດຂະໜາດນ້ອຍ ແລະ ຂະໜາດກາງນີ້, ເພີ່ນມີການຈັດແບ່ງຂອບເຂດ, ຂະແໜງການ ແລະ ຄວນມີມູນຄ່າຊັບສິນເທົ່າໃດຈຶ່ງສາມາດຈັດຢູ່ໃນໜວດຂະແໜງວິສາຫະກິດຂະໜາດນ້ອຍ ແລະ ຂະໜາດກາງ.

 

ในภาพอาจจะมี หนึ่งคนขึ้นไป, พื้นหญ้า, ท้องฟ้า, สถานที่กลางแจ้ง และธรรมชาติ

ພາບປະກອບຂ່າວ (ບໍ່ມີສ່ວນກ່ຽວຂ້ອງໃດໆກັບເນື້ອໃນ)

 

ສະນັ້ນມື້ນີ້, ແອັດມິນຈະມານຳສະເໜີ ຮູບແບບໃນການຈັດແບ່ງຂະແໜງວິສາຫະກິດຂະໜາດນ້ອຍ ແລະ ຂະໜາດກາງ ສຳລັບທ່ານໃດທີ່ກຳລັງມີຄຳຖາມນີ້ໃນໃຈ ອົງປະກອບຂອງມັນຈະມີຫຍັງແດ່ມາເບິ່ງນຳກັນເລີຍ!!

ในภาพอาจจะมี หนึ่งคนขึ้นไป, พื้นหญ้า, สถานที่กลางแจ้ง, ธรรมชาติ และน้ำ

ພາບປະກອບຂ່າວ (ບໍ່ມີສ່ວນກ່ຽວຂ້ອງໃດໆກັບເນື້ອໃນ)

 

ເພື່ອເປັນການຜັນຂະຫຍາຍມາດຕາ 2 ຂອງກົດໝາຍວ່າດ້ວຍການສົ່ງເສີມວິສາຫະກິດຂະໜາດນ້ອຍ ແລະ ຂະໜາດກາງ ສະບັບເລກທີ 11/ສພຊ, ລົງວັນທີ 21 ທັນວາ 2011 ກ່ຽວກັບການຈັດແບ່ງຂະໜາດວິສາຫະກິດຂະໜາດນ້ອຍ ແລະ ກາງ ໃຫ້ຊັດເຈນ ແລະ ແທດເໝາະກັບສະພາບເສດຖະກິດຂອງ ສປປ ລາວ ໃນແຕ່ລະໄລຍະ, ແນໃສ່ປະຕິບັດນະໂຍບາຍສົ່ງເສີມວິສາຫະກິດຂະໜາດນ້ອຍ ແລະ ກາງ ໃຫ້ຖືກເປົ້າໝາຍ ປະກອບສ່ວນສົ່ງເສີມ ແລະ ພັດທະນາວິສາຫະກິດຂະໜາດນ້ອຍ ແລະ ກາງ ໃຫ້ເຂັ້ມແຂງ.

ในภาพอาจจะมี ท้องฟ้า, สถานที่กลางแจ้ง และธรรมชาติ

ພາບປະກອບຂ່າວ (ບໍ່ມີສ່ວນກ່ຽວຂ້ອງໃດໆກັບເນື້ອໃນ)

ລັດຖະບານ ຈຶ່ງໄດ້ອອກດຳລັດ ເລກທີ 25/ລບ ລົງວັນທີ 16 ມັງກອນ 2017 ວ່າດ້ວຍການຈັດແບ່ງຂະໜາດວິສາຫະກິດຂະໜາດນ້ອຍ ແລະ ກາງ. ເຊິ່ງການຈັດແບ່ງແມ່ນອີງໃສ່ຈຳນວນແຮງງານສະເລ່ຍໃນປີ ຫຼື ມູນຄ່າຊັບສິນທັງໝົດ ຫຼື ລວມຍອດລາຍຮັບທຸລະກິດປະຈຳປີຂອງວິສາຫະກິດທີ່ໄດ້ຂຶ້ນທະບຽນ ແລະ ເຄື່ອນໄຫວຖືກຕ້ອງຕາມກົດໝາຍ ໂດຍອີງຕາມຂະໜາດວິສາຫະກິດທີ່ດຳເນີນການຜະລິດສິນຄ້າ, ການຄ້າ ແລະ ການບໍລິການ.

ໃນນີ້, ວິສາຫະກິດຂະໜາດນ້ອຍ ແລະ ຂະໜາດກາງ ຈະແບ່ງອອກເປັນ 3 ຂະໜາດຄື: ຈຸນລະວິສາຫະກິດ, ວິສາຫະກິດຂະໜາດນ້ອຍ ແລະ ວິສາຫະກິດຂະໜາດກາງ ເຊິ່ງແຕ່ລະຂະໜາດມີລາຍລະອຽດດັ່ງນີ້:

ในภาพอาจจะมี 1 คน

ພາບປະກອບຂ່າວ (ບໍ່ມີສ່ວນກ່ຽວຂ້ອງໃດໆກັບເນື້ອໃນ)

 

ຈຸນລະວິສາຫະກິດ: ແມ່ນວິສາຫະກິດຂະໜາດນ້ອຍສຸດ ທີ່ມີເງື່ອນໄຂໃດໜຶ່ງປະກອບມີດັ່ງນີ້:

ຂະແໜງວິສາຫະກິດ ການຜະລິດສິນຄ້າ, ປະກອບມີແຮງງານສະເລ່ຍໃນປີແມ່ນ 1-5 ຄົນ; ມີມູນຄ່າຊັບສິນທັງໝົດບໍ່ເກີນ 100.000.000 ກີບ; ມີຍອດລາຍຮັບທຸລະກິດປະຈໍາປີ ບໍ່ເກີນ 400.000.000 ກີບ;ຂະແໜງການຄ້າ, ປະກອບມີແຮງງານສະເລ່ຍ 1-5 ຄົນໃນປີ, ມີມູນຄ່າຊັບສິນທັງໝົດບໍ່ເກີນ 150.000.000 ກີບ ແລະ ຍອດລາຍຮັບທຸລະກິດປະຈໍາປີ ບໍ່ເກີນ 400.000.000 ກີບ; ຂະແໜງການບໍລິການ, ປະກອບມີແຮງງານສະເລ່ຍໃນແຕ່ລະປີ 1-5 ຄົນ, ມີມູນຄ່າຊັບສິນທັງໝົດບໍ່ເກີນ 200.000.000 ກີບ ແລະ ຍອດລາຍຮັບທຸລະກິດປະຈໍາປີບໍ່ເກີນ 400.000.000 ກີບ.

ในภาพอาจจะมี หนึ่งคนขึ้นไป, ต้นพืช, พื้นหญ้า, สถานที่กลางแจ้ง และธรรมชาติ

ພາບປະກອບຂ່າວ (ບໍ່ມີສ່ວນກ່ຽວຂ້ອງໃດໆກັບເນື້ອໃນ)

 

ວິສາຫະກິດຂະໜາດນ້ອຍ: ແມ່ນມີເງື່ອນໄຂດັ່ງນີ້: ຂະແໜງການວິສາຫະກິດ ການຜະລິດສິນຄ້າ ປະກອບມີແຮງງານສະເລ່ຍໃນປີ 6-50 ຄົນ, ມີມູນຄ່າຊັບສິນທັງໝົດບໍ່ເກີນ 1.000.000.000 ກີບ, ມີຍອດລາຍຮັບທຸລະກິດປະຈຳປີບໍ່ເກີນ 2.000.000.000 ກີບ; ຂະແໜງການຄ້າ, ປະກອບມີແຮງງານສະເລ່ຍໃນປີ 6-50 ຄົນ, ມີມູນຄ່າຊັບສິນທັງໝົດບໍ່ເກີນ 1.000.000.000 ກີບ ແລະ ມີຍອດລາຍຮັບທຸລະກິດປະຈຳປີບໍ່ເກີນ 3.000.000.000 ກີບ; ຂະແໜງການບໍລິການ, ປະກອບມີແຮງງານສະເລ່ຍໃນປີ 6-50 ຄົນ, ມີມູນຄ່າຊັບສິນທັງໝົດບໍ່ເກີນ 1.500.000.000 ກີບ ແລະ ຍອດລາຍຮັບທຸລະກິດປະຈຳປີບໍ່ເກີນ 1.500.000.000 ກີບ.

ในภาพอาจจะมี 1 คน, กำลังนั่ง, สถานที่กลางแจ้ง และธรรมชาติ

ພາບປະກອບຂ່າວ (ບໍ່ມີສ່ວນກ່ຽວຂ້ອງໃດໆກັບເນື້ອໃນ)

 

ສ່ວນວິສາຫະກິດຂະໜາດກາງ: ທີ່ມີເງື່ອນໄຂໃດໜຶ່ງປະກອບມີດັ່ງນີ້: ຂະແໜງວິສາຫະກິດ ການຜະລິດສິນຄ້າ, ປະກອບມີແຮງງານສະເລ່ຍໃນປີ 51-99 ຄົນ, ມີມູນຄ່າຊັບສິນທັງໝົດບໍ່ເກີນ 4.000.000.000 ກີບ, ມີຍອດລາຍຮັບທຸລະກິດປະຈໍາປີບໍ່ເກີນ 4.000.000.000 ກີບ; ຂະແໜງການຄ້າ ປະກອບມີແຮງງານສະເລ່ຍໃນປີ 51-99 ຄົນ, ມີມູນຄ່າຊັບສິນທັງໝົດບໍ່ເກີນ 4.000.000.000 ກີບ ແລະ ຍອດລາຍຮັບທຸລະກິດປະຈຳປີບໍ່ເກີນ 6.000.000.000 ກີບ; ສ່ວນຂະແໜງການບໍລິການ ປະກອບມີແຮງງານສະເລ່ຍໃນປີ 51-99 ຄົນ, ມີມູນຄ່າຊັບສິນທັງໝົດບໍ່ເກີນ 6.000.000.000 ກີບ ແລະ ຍອດລາຍຮັບທຸລະກິດປະຈຳປີບໍ່ເກີນ 4.000.000.000 ກີບ.

ในภาพอาจจะมี หนึ่งคนขึ้นไป, ผู้คนกำลังนั่ง และสถานที่ในร่ม

ພາບປະກອບຂ່າວ (ບໍ່ມີສ່ວນກ່ຽວຂ້ອງໃດໆກັບເນື້ອໃນ)

 

%d bloggers like this: