ຄວາມຈຶງ? ຝ່າຍບໍລິຫານ ແມນຢູ ລົງມະຕິແຕ່ງຕັ້ງ ໂຊລຊາ ຄຸມທີມຖາວອນແລ້ວ

ເດິ ຊັນ ສື່ຂອງອັງກິດຕີຂ່າວບອດບໍລິຫານຂອງແມນຢູເຊັສເຕີ ຢູໄນເຕັດ ມີມະຕິແລ້ວວ່າຈະໃຫ້ ໂອເລ ກຸນນາ ໂຊລຊາ ໄດ້ເປັນຜູ້ຈັດການທີມແບບຖາວອນ ໂດຍອາດຈະລໍຖ້າປະກາດຫຼັງຈົບລະດູການນີ້.

ບອດບໍລິຫານຂອງແມນເຊັສເຕີ ຢູໄນເຕັດ ຍອດສະໂມສອນຈາກເວທີພຣີເມຍ ລີກ ຂອງອັງກິດ ຕັດສິນໃຈແລ້ວວ່າ ຈະແຕ່ງຕັ້ງໃຫ້ ໂອເລ ກຸນນາ ໂຊລຊາ ຜູ້ຈັດການທີມຊົ່ວຄາວ ຊາວນັອກແວ ຂຶ້ນຄຸມທີມແບບຖາວອນຕາມລາຍງານຂອງເດິ ຊັນ ສື່ທີ່ມີຊື່ສຽງຂອງອັງກິດ.

ในภาพอาจจะมี 1 คน, ภาพระยะใกล้ และสถานที่กลางแจ้ง

ໂຊລຊາ ຖືກແມນຢູໄນເຕັດ ຢືມຕົວມາກຈາກ ໂມລ ສະໂມສອນຈາກນັອກແວ ເມື່ອວັນທີ 19 ທັນວາ ປີທີ່ຜ່ານມາ ໂດຍສັນຍາຈະມີຜົນຈົນຈົບລະດູການນີ້ ເຊິ່ງ ແມນຢູ  ຫວັງຈະໃຫ້ ໂຊລຊາ ເຂົ້າມາກອບກູ້ສະຖານະການຂອງທີມທີ່ເຄີຍມີຜົນງານຢູ່ໃນສະພາບຕົກຕ່ຳ ພາຍໃຕ້ການຄຸມທີມຂອງ ໂຊເຊ ມູຣິນໂຢ ເຊິ່ງຜູ້ຈັດການທີມຊົ່ວຄາວກໍສ້າງຜົນງານໄດ້ດີຫຼາຍຈົນ ແມນຢູ ກາຍເປັນຄົນລະທີມຈາກກ່ອນໜ້ານີ້ ຫຼັງພາທີມຊະນະເຖິງ 10 ນັດ ສະເໝີ 1 ນັດ ຈາກການຄຸມທີມທັງໝົດ 11 ນັດ ໃນທຸກລາຍການ ແລະ ໄຊຊະນະນັດຫຼ້າສຸດ ທີມກໍ່ເລື່ອນຕໍາແໜ່ງ ຂຶ້ນໄປຢູ່ອັນດັບ 4 ຂອງລີກແລ້ວ.

ຜົນງານອັນສຸດປະທັບໃຈຂອງ ໂຊລຊາ ເຮັດໃຫ້ກ່ອນໜ້ານີ້ມີກະແສຂ່າວວ່າຝ່າຍບໍລິຫານລະດັບສູງຂອງແມນຢູ ເລິ່ມພິຈາລະນາໃຫ້ຕົນຂຶ້ນເປັນຕົວເລືອກອັນດັບ 1 ສໍາລັບຕໍາແໜ່ງຜູ້ຈັດການທີມແບບຖາວອນຄົນໃໝ່ແລ້ວ ຫຼັງຈາກກ່ອນໜ້ານີ້ ຂ່າວຫຼາຍສຳນັກຄາດການວ່າ ເປົ້າໝາຍເບີ 1 ຂອງພວກເຂົາຄື ເມົາລິຊິໂອ ໂປເຊັດຕິໂນ່ ຜູ້ຈັດການທີມຮ່ວມລີກຂອງ ທັອດແນັມຮັອດ ສະເປີ ໂດຍມີຂ່າວລືວ່າ ຈິມ ໂຊລບັກເຄັນ ຜູ້ຈັດການສ່ວນຕົວຂອງໂຊລຊາ ໄດ້ຫາລືກັບບອດບໍລິຫານບາງຄົນຂອງທີມລະຫວ່າງການແຂ່ງຂັນນັດຫຼ້າສຸດທີ່ ແມນຢູ ບຸກໄປຊະນະ ຟູແລ່ມ 3-0 ໃນລີກ ເມື່ອວັນເສົາ ທີ 9 ກຸມພາ ທີ່ຜ່ານມາດ້ວຍ.

ในภาพอาจจะมี 3 คน, ผู้คนกำลังเล่นกีฬา และสถานที่กลางแจ้ง

%d bloggers like this: