14 ກຸມພາ!! ທ້າຮັບລົມໜາວ ຮັກສາຮ່າງກາຍໃຫ້ອົບອຸ່ນເດີ

ກົມອຸຕຸນິຍົມ ແລະ ອຸທົກກະສາດ ໄດ້ຄາດຄະເນສະພາບອາກາດໃນໄລຍະວັນທີ 11 ຫາ 17 ກຸມພາ 2019 ວ່າ: ໄລຍະວັນທີ 11-13 ກຸມພາ 2019 ຄວາມກົດດັນສູງຂອງອກາດໜາວເຢັນທີ່ປະເທດຈີນ ຈະແຜ່ລົງມາປົກຄຸມຢູ່ທົ່ວທຸກພາກຂອງປະເທດລາວດ້ວຍກຳລັງອ່ອນ ຫາ ປານກາງ ສົມທົບກັບສອງຂະບວນລົມຕາເວັນຕົກພັດປົກຄຸມພາກເໜືອ ແລະ ກະແສລົມຕາເວັນອອກຍັງພັດປົກຄຸມພາກກາງ ແລະ ພາກໃຕ້ ເຊິ່ງລັກສະນະເຊັ່ນນີ້ ຈະເຮັດໃຫ້ອາກາດເຢັນພ້ອມມີໝອກບາງປົກຫຸ້ມຢູ່ທົ່ວໄປໃນແຕ່ລະພາກ ໃນຕອນເຊົ້າ ແລະ ຈະມີຝົນຕົກໃນລະດັບຄ່ອຍຢູ່ບາງທ້ອງຖິ່ນແຂວງພາກເໜືອ, ແຂວງ ໄຊສົມບູນ ແລະ ເຂດພູພຽງບໍລິເວນ ພ້ອມມີໝອກໜາປົກຫຸ້ມຢູ່ບາງທ້ອງຖິ່ນ.

ຈາກນັ້ນ, ໃນວັນທີ 14 ຫາ 17 ກຸມພາ 2019 ຄວາມກົດດັນສູງຂອງອາກາດເຢັນທີ່ປະເທດຈີນ ຈະອ່ອນກຳລັງລົງປົກຄຸມຢູ່ທົ່ວທຸກພາກຂອງປະເທດລາວ, ພ້ອມດຽວກັນກະແສລົມຕາເວັນອອກສ່ຽງເໜືອພັດປົກຄຸມ ເຊິ່ງຈະເຮັດໃຫ້ ອຸນຫະພູມອາກາດສືບຕໍ່ເຢັນໃນຕອນເຊົ້າ ຢູ່ທົ່ວໄປໃນແຕ່ລະພາກ, ຕອນບ່າຍອາກາດຈະຮ້ອນ ພ້ອມມີລົມພັດແຮງເປັນບາງໂອກາດຢູ່ບາງທ້ອງຖິ່ນ. ເຊິ່ງສະພາບອາກາດໃນແຕ່ລະພາກດັ່ງລຸ່ມນີ້:

ພາກເໜືອດ້ານຕາເວັນອອກ: ໃນໄລຍະວັນທີ 11-13 ກຸມພາ 2019 ອາກາດຍັງຈະໜາວເຢັນ ພ້ອມຈະມີຝົນຕົກໃນລະດັບຄ່ອຍ ແລະ ມີລົມພັດແຮງຢູ່ບາງທ້ອງຖິ່ນ ແຂວງ ຜົ້ງສາລີ, ຫົວພັນ ແລະ ຊຽງຂວາງ. ຈາກນັ້ນ, ວັນທີ 14-17 ກຸມພາ 2019 ອຸນຫະພູມອາກາດຈະເຢັນ ພ້ອມມີລົມພັດແຮງເປັນບາງໂອກາດ ອຸນຫະພູມຕໍ່າສຸດ 13-15 ອົງສາ.

ພາກເໜືອດ້ານຕາເວັນຕົກ: ໄລຍະວັນທີ 11-13 ກຸມພາ 2019 ອາກາດຍັງຈະເຢັນ ຫາ ໜາວເຢັນ, ພ້ອມຈະມີຝົນຕົກໃນລະດັບຄ່ອຍ ແລະ ມີລົມພັດແຮງຢູ່ບາງທ້ອງຖິ່ນແຂວງຫຼວງນໍ້າທາ, ອຸດົມໄຊ, ບໍ່ແກ້ວ, ຫຼວງພະບາງ ແລະ ໄຊຍະບູລີ. ຈາກນັ້ນ, ວັນທີ 14-17 ກຸມພາ 2019 ອາກາດຍັງສືບຕໍ່ເຢັນໃນຕອນເຊົ້າ ແລະ ໃນຕອນບ່າຍອາກາດຮ້ອນ ພ້ອມມີລົມພັດແຮງເປັນບາງໂອກາດ ອຸນຫະພູມຢູ່ລະຫວ່າງ 15-34 ອົງສາ.

ພາກກາງ: ໄລຍະວັນທີ 13-17 ກຸມພາ 2019 ອາກາດຍັງຈະເຢັນໃນຕອນກາງຄືນ ຫາ ຕອນເຊົ້າ ພ້ອມມີໝອກບາງປົກຫຸ້ມຢູ່ທົ່ວໄປ ແລະ ໃນຕອນບ່າຍອາກາດຮ້ອນຂຶ້ນ ພ້ອມມີລົມພັດແຮງເປັນບາງຖອກາດຢູ່ບາງທ້ອງຖິ່ນ ທາງດ້ານຕາເວັນອອກຂອງພາກ, ອຸນຫະພູມຕໍ່າສຸດ 19 ອົງສາ ແລະ ສູງສຸດ35 ອົງສາ.

ສະເພາະແຂວງ ໄຊສົມບູນ, ເຂດຫຼັກ 20, ເມືອງ ວຽງທອງ ແລະ ເມືອງ ນາກາຍ: ໃນໄລຍະວັນທີ 11-17 ກຸມພາ 2019 ໂດຍທົ່ວໄປອາກາດຍັງຈະໜາວເຢັນ ພ້ອມມີໝອກໜາປົກຫຸ້ມໃນຕອນເຊົ້າ ແລະ ຈະມີຝົນຕົກກະຈາຍຢູ່ບາງບໍລິເວນ ອຸນຫະພູມຈະຫຼຸດລົງຕໍ່າສຸດເຖິງ 11 ອົງສາ.

ພາກໃຕ້: ໃນໄລຍະວັນທີ 11-17 ກຸມພາ 2019 ອາກາດຈະເຢັນໃນຕອນເຊົ້າ ພ້ອມມີໝອກບາງປົກຫຸ້ມຢູ່ທົ່ວໄປ, ສ່ວນຕອນບ່າຍອາກາດຈະຮ້ອນຂຶ້ນ ພ້ອມມີລົມພັດແຮງເປັນບາງໂອກາດຢູ່ບາງທ້ອງຖິ່ນ.

ສະເພາະເຂດພູພຽງບໍລິເວນ: ໄລຍະວັນທີ 11-17 ກຸມພາ 2019 ອາກາດຍັງສືບຕໍ່ໜາວເຢັນ ພ້ອມມີໝອກໜາປົກຫຸ້ມໃນຕອນເຊົ້າ ອຸນຫະພູມຕໍ່າສຸດ 8-10 ອົງສາ ແລະ ສູງສຸດ 26-28 ອົງສາ.

ນະຄອນຫຼວງວຽງຈັນ: ໃນໄລຍະວັນທີ 11-17 ກູມພາ 2019 ອາກາດຈະເຢັນໃນຕອນກາງຄືນ ຫາ ຕອນເຊົ້າ ພ້ອມມີໝອກບາງປົກຫຸ້ມຢູ່ທົ່ວໄປ, ສ່ວນຈອນບ່າຍອາກາດຈະຮ້ອນຂຶ້ນ ແລະ ມີລົມພັດແຮງຢູ່ບາງບໍລິເວນ ອຸນຫະພູມຢູ່ລະຫວ່າງ 21-35 ອົງສາ.

ในภาพอาจจะมี ข้อความ

ในภาพอาจจะมี ข้อความ

ในภาพอาจจะมี ข้อความ

%d bloggers like this: