ອິດສະຣາແອນ ສ້າງກຳແພງກັ້ນເຂດກາຊາ

ທ່ານ ເບນຈາມິນ ເນທັນຢາຮູ ນາຍົກລັດຖະມົນຕີອິດສະຣາແອນ ກ່າວໃນກອງປະຊຸມສະໄໝສາມັນຂອງຄະນະລັດຖະບານ ທີ່ຈັດຂຶ້ນເມື່ອບໍ່ດົນມານີ້ວ່າ: ອິດສະຣາແອນ ໄດ້ເລີ່ມກໍ່ສ້າງກຳແພງກັ້ນຊາຍແດນຕາມເຂດກາຊາ ເພື່ອສະກັດກັ້ນບໍ່ໃຫ້ຜູ້ກໍ່ການຮ້າຍທີ່ມາຈາກເຂດກາຊາ ຂ້າມຊາຍແດນມາສ້າງຄວາມບໍ່ສະຫງົບໃນດິນແດນອິດສະຣາແອນ.

ນອກຈາກນີ້, ຫາກການເຄື່ອນໄຫວຂອງຜູ້ປະທ້ວງຢູ່ເຂດກາຊາ ຍັງມີຢູ່ ອິດສະຣາແອນ ກໍຈະໃຊ້ກຳລັງອາວຸດເຂົ້າປາບປາມ.
ດ້ານກະຊວງປ້ອງກັນປະເທດອິດສະຣາແອນ ອອກຖະແຫຼງການວ່າ: ອິດສະຣາແອນ ໄດ້ເລີ່ມກໍ່ສ້າງກຳແພງກັ້ນຕາມຊາຍແດນລະຫວ່າງ ອິດສະຣາແອນ ກັບ ເຂດກາຊາ ໂດຍກຳແພງກັ້ນມີຄວາມຍາວປະມານ 65 ກິໂລແມັດ, ສູງ 6 ແມັດ, ມີນ້ຳໜັກປະມານ 20 ພັນໂຕນ.

ກາຊາ ເປັນເຂດທີ່ມັກເກີດຄວາມສັບສົນວຸ້ນວາຍແກ່ຍາວ ຍ້ອນອິດສະຣາແອນ ປິດລ້ອມເປັນເວລາຫຼາຍປີ, ແບ່ງແຍກລະຫວ່າງຝ່າຍການເມືອງຕ່າງໆໃນປາແລັສຕິນ ແລະ ກໍ່ເຫດຮ້າຍແຮງຈົນມີຜູ້ບາດເຈັບ ແລະ ລົ້ມຕາຍຈຳນວນຫຼາຍ.

ສະຖິຕິ ຊີ້ວ່າ: ມີພົນລະເມືອງປາແລັສ ຕິນ ເສຍຊີວິດປະມານ 240 ຄົນ ນັບແຕ່ເກີດມີການປະທ້ວງຢູ່ລຽບຕາມເຂດກາຊາ ເຊິ່ງເລີ່ມຂຶ້ນມາຕັ້ງແຕ່ວັນທີ 30 ມີນາປີກ່ອນ ເພື່ອສະເໜີໃຫ້ຝ່າຍອິດສະຣາແອນ ອະນຸຍາດໃຫ້ຜູ້ລີ້ໄພຊາວປາແລັສຕິນ ໄດ້ກັບບ້ານເກີດເມືອງນອນຂອງພວກເຂົາ.

%d bloggers like this: