ພາກເໜືອ! ອາກາດຍັງຈະໜາວເຢັນ ພ້ອມມີຝົນຕົກກະຈາຍ

ກົມອຸຕຸນິຍົມ ແລະ ອຸທົກກະສາດ ລາຍງານສະພາບອາກາດຂອງເຊົ້າມື້ນີ້ ວັນທີ 11 ກຸມພາ 2019 ວ່າ: ຄວາມກົດດັນອາກາດສູງຂອງອາກາດເຢັນທີ່ປະເທດຈີນ ໄດ້ເພີ່ມກໍາລັງແຮງຂຶ້ນເລັກນ້ອຍຍັງສືບຕໍ່ແຜ່ລົງມາປົກຄຸມຢູ່ທົ່ວທຸກພາກຂອງປະເທດລາວດ້ວຍກໍາລັງອ່ອນ ຫາ ປານກາງ, ສົມທົບກັບສອງຂະບວນລົມຕາເວັນຕົກພັດປົກຄຸມພາກເໜືອ ແລະ ກະແສລົມຕາເວັນຕົກສ່ຽງໃຕ້ ຍັງພັດປົກຄຸມພາກກາງ ແລະ ພາກໃຕ້.

ເຊິ່ງຈະເຮັດໃຫ້ມີຝົນຕົກໃນລະດັບຄ່ອຍເປັນບາງໂອາກາດຢູ່ບາງທ້ອງຖິ່ນ ໃນແຕ່ລະພາກ ແລະ ອາກາດຍັງຈະສືບຕໍ່ ເຢັນ ຫາ ໜາວເຢັນ ພ້ອມມີໝອກໜາປົກຫຸ້ມໃນຕອນກາງຄືນ ຫາ ຕອນເຊົ້າຢູ່ແຂວງ ພາກເໜືອ, ແຂວງ ໄຊສົມບຸນ ແລະ ເຂດພູພຽງບໍລະເວນ. ສ່ວນພາກກາງ ແລະ ພາກໃຕ້ ອາກາດຍັງສືບຕໍ່ຮ້ອນຢູ່ທົ່ວໄປໃນຕອນບ່າຍ ພ້ອມມີລົມພັດແຮງເປັນບາງໂອກາດຢູ່ບາງທ້ອງຖິ່ນ.

ພາກເໜືອດ້ານຕາເວັນອອກ: ອາກາດເຢັນຫາໜາວເຢັນ ພ້ອມມີໝອກບາງປົກຫຸ້ມຢູ່ທົ່ວໄປ ແລະ ໝອກໜາປົກຫຸ້ມຢູ່ບາງທ້ອງຖິ່ນໃນຕອນເຊົ້າ ແລະ ຈະມີຝົນຕົກກະຈາຍໃນລະດັບຄ່ອຍ ພ້ອມມີລົມພັດແຮງເປັນບາງໂອກາດຢູ່ບາງທ້ອງຖິ່ນແຂວງ ຊຽງຂວາງ ອຸນຫະພູມ 10-29 ອົງສາ.

ພາກເໜືອ ດ້ານຕາເວັນຕົກ: ອາກາດເຢັນຫາໜາວເຢັນໃນຕອນກາງຄືນຫາຕອນເຊົ້າ ແລະ ຈະມີຝົນຕົກໃນລະດັບຄ່ອຍຢູ່ບາງທ້ອງຖິ່ນ ແຂວງ ໄຊຍະບູລີ ອຸຫະພູມ ໃນລະຫວ່າງ 8-33 ອົງສາ.

;

ພາກກາງ: ອາກາດເຢັນໃນຕອນເຊົ້າ ພ້ອມມີໝອກບາງປົກຫຸ້ມຢູ່ທົ່ວໄປ ແລະ ຈະມີຝົນຕົກໃນລະດັບຄ່ອຍຢູ່ບາງທ້ອງຖິ່ນແຂວງວຽງຈັນ ພ້ອມມີລົມພັດແຮງເປັນບາງໂອກາດ ອຸນຫະພູມໃນລະຫວ່າງ 15-34 ອົງສາ.

ສຳລັບນະຄອນຫຼວງວຽງຈັນ:  ອາກາດເຢັນໃນຕອນເຊົ້າ ພ້ອມມີໝອກບາງປົກຫຸ້ມຢູ່ທົ່ວໄປ ແລະ ຈະມີຝົນຕົກກະຈາຍໃນລະດັບຄ່ອຍເປັນບາງໂອກາດ ອຸນຫະພູມລະຫວ່າງ 21-34 ອົງສາ.

ສະເພາະແຂວງ ໄຊສົມບູນ: ອາກາດຍັງຈະໜາວເຢັນ ແລະ ຈະມີຝົນຕົກກະຈາຍໃນລະດັບຄ່ອຍເປັນບາງໂອກາດຢູ່ບາງບໍລິເວນ ອຸນຫະພູມລະຫວ່າງ 8-29 ອົງສາ.

     ພາກໃຕ້: ອາກາດຮ້ອນ ແລະ ຈະມີຝົນຕົກກະຈາຍຢູ່ບາງທ້ອງຖິ່ນຕື່ມອີກ ອຸນຫະພູມໃນລະຫວ່າງ 13-37 ອົງສາ. ສໍາລັບເຂດພູພຽງບໍລິເວນ ອາກາດຍັງໜາວເຢັນ ແລະ ຈະມີຝົນຕົກໃນລະດັບຄ່ອຍຕື່ມອີກ ພ້ອມມີລົມພັດແຮງເປັນບາງໂອກາດ ອຸນຫະພູມໃນລະຫວ່າງ 10-28 ອົງສາ.

ໃນຂະນະທີ່ ສະພາບອາກາດມື້ນີ້ໜາວສຸດຢູ່ ວຽງພູຄາ ອຸນຫະພູມຢູ່ທີ່ 7 ອົງສາ; ຮອງລົງມາແມ່ນ ອຸດົມໄຊ, ເມືອງສິງ, ໄຊສົມບູນ  9 ອົງສາ; ປາກຊ່ອງ ອຸນຫະພູມ 10 ອົງສາ; ຊຽງຂວາງ 11 ອົງສາ; ດາກຈຶງ 12 ອົງສາ; ຫຼວງພະບາງ ແລະ ໄຊຍະບູລີ 13 ອົງສາ; ນິຄົມ34 ອຸນຫະພູມຢູ່ທີ່ 14 ອົງສາ ແລະ ຫຼັກ 20 ອຸນຫະພູມ 15 ອົງສາ ຕາມດໍາລັບ, ສ່ວນນະຄອນຫຼວງວຽງຈັນ 23 ອົງສາ.

ในภาพอาจจะมี ท้องฟ้า, เมฆ, สถานที่กลางแจ้ง และธรรมชาติ

 

ไม่มีคำอธิบายรูปภาพ

ไม่มีคำอธิบายรูปภาพ

ไม่มีคำอธิบายรูปภาพ

ไม่มีคำอธิบายรูปภาพ

%d bloggers like this: