ເດັກນ້ອຍ ຝາແຝດສອງຫົວ ໃນປະເທດເຢເມນ ເສຍຊີວິດຍ້ອນຂາດການປິ່ນປົວ

ເດັກນ້ອຍຝາແຝດສອງຫົວ ແຕ່ມີຮ່າງກາຍດຽວ ເຊິ່ງເກີດໃນປະເທດເຢເມນທີ່ຈໍາເປັນຕ້ອງໄດ້ຮັບການປິ່ນປົວຢ່າງເລັ່ງດ່ວນໃນຕ່າງປະເທດ ແຕ່ບໍ່ທັນການນ້ອງໄດ້ເສຍຊີວິດລົງແລ້ວ ຕາມລາຍງານຂອງກະຊວງສາທາລະນະສຸກເຢເມນ.

ສໍານັກຂ່າວຣອຍເຕີລາຍງານຈາກນະຄອນຫຼວງຊານາ ປະເທດເຢເມນ ເມື່ອວັນອາທິດ ທີ 10 ກຸມພາ ວ່າ ກະຊວງສາທາລະນະສຸກຂອງເຢເມນ ຖະແຫຼງການວ່າ ຄະນະແພດໄດ້ທຳການປິ່ນປົວຝາແຝດສອງຫົວຮ່າງກາຍດຽວ ເປັນເດັກນ້ອຍເພດຊາຍ ອາຍຸ 2 ອາທິດ ຊື່ ອັບ ອັລ-ຄາເລັກ ກັບ ອັບ ອັລ-ຣາຮິມ ໃນເມືອງຂອງນະຄອນຫຼວງຊານາ ແລະ ບອກວ່າເດັກຈະບໍ່ມີທາງລອດຊີວິດໄດ້ ເພາະລະບົບສາທາລະນະສຸກໃນປະເທດທີ່ຜະເຊີນກັບພາວະສົງຄາມຄວາມຂັດແຍ່ງພາຍໃນປະເທດ ເຊິ່ງຈໍາເປັນຢ່າງຍິ່ງທີ່ຈະຕ້ອງສົ່ງຕົວໄປປິ່ນປົວໃນຕ່າງປະເທດ ແຕ່ສະໜາມບິນໃນນະຄອນຫຼວງຊານາ ຕົກຢູ່ໃນການຢຶດຄອງຂອງກຸ່ມກະບົດຮູຕີ ທີ່ຫ້າມຍົນໂດຍສານພົນລະເມືອງຂຶ້ນລົງ ມາຕັ້ງແຕ່ປີ 2015 ເພາະປະເທດຊາອຸດີ ອາຣະບີ ນໍາກອງທັບພັນທະມິດຄວບຄຸມໜ້າຟ້າຂອງເຢເມນ ມີພຽງຍົນຂອງສະຫະປະຊາຊາດເທົ່ານັ້ນ ທີ່ສາມາດລົງຈອດໄດ້ ແລະ ການກັບມາເປີດສະໜາມບິນໄດ້ອີກຄັ້ງ ກໍ່ເປັນປະເດັນສໍາຄັນຂອງການເຈລະຈາສັນຕິພາບ ໂດຍມີສະຫະປະຊາຊາດເປັນຝ່າຍກາງ ເຊິ່ງເລິ່ມນຳພາ ຕັ້ງແຕ່ເດືອນທັນວາ ປີຜ່ານມາ ທີ່ນະຄອນຫຼວງສະຕັອກໂຮມ ປະເທດສະວີເດັນ.

ในภาพอาจจะมี 1 คน, กำลังนั่ง และสถานที่ในร่ม

ສໍານັກຂ່າວເອັສພີເອ ຂອງຊາອຸດິ ອາຣະບີ ລາຍງານວ່າ ອົງກອນຂອງຊາອຸ ໃຊ້ຊື່ສູນກະສັດຊັລມານ ເພື່ອການບັນເທົາທຸກ ແລະ ວຽກງານດ້ານມະນຸດສະທໍາ ບອກວ່າ ກໍາລັງຫາທາງທີ່ຈະນໍາເດັກນ້ອຍຝາແຝດໄປປິ່ນປົວໃນຕ່າງປະເທດ.

ສ່ວນຖະແຫຼງການຂອງກະຊວງສາທາລະນະສຸກຂອງເຢເມນ ລະບຸວ່າ ເດັກນ້ອຍຝາແຝດໄດ້ເສຍຊີວິດລົງແລ້ວ ມັນສະທ້ອນໃຫ້ເຫັນເຖິງສະຖານະການດ້ານສາທາລະນະສຸກ ແລະ ມະນຸດສະທໍາຂອງເດັກນ້ອຍ ໃນປະເທດເຢເມນທີ່ຕ້ອງອາໄສຢູ່ຮ່ວມກັບພະວະສົງຄາມຄວາມຂັດແຍ່ງພາຍໃນປະເທດ.

ไม่มีคำอธิบายรูปภาพ

ສົງຄາມຄວາມຂັດແຍ່ງໃນປະເທດເຢເມນ ຜ່ານມາ 4 ປີແລ້ວ ເກີດຈາກກຸ່ມຂະບວນການຮູຕີ ທີ່ເປັນພັນທະມິດກັບປະເທດອິຣ່ານ ໄດ້ຕໍ່ສູ້ກັບຝ່າຍລັດຖະບານທີ່ເປັນພັນທະມິດກັບປະເທດຊາອຸ ເຊິ່ງຫາທາງທີ່ຈະຟື້ນຟູອໍານາດຂອງລັດຖະບານ ທ່ານ ອັບດ໌-ຮັບບູ ມາຊູ ຮາດີ້ ທີ່ຖືກໂຄ່ນລົ້ມລົງຈາກອໍານາດ ໃນນະຄອນຫຼວງຊານາ ໂດຍກຸ່ມຮູຕີ ເມື່ອປີ 2014 ສົງຄາມຄວາມຂັດແຍ່ງພາກຊີວິດຜູ້ຄົນໄປຫຼາຍສິບພັນຄົນ, ເສດຖະກິດຫຼົ້ມສະຫຼາຍ ແລະ ປະຊາຊົນນັບລ້ານຄົນຕ້ອງອົດຢາກ.

%d bloggers like this: