ມອບເງິນເກືອບ 1 ຕື້ກີບ ໃຫ້ຜູ້ໄດ້ຮັບຜົນກະທົບຢູ່ສະໜາມໄຊ

ເພື່ອເປັນການປະກອບສ່ວນຊ່ວຍເຫຼືອ ຜູ້ປະສົບໄພພິບັດນໍ້າຖ້ວມທີ່ເມືອງໜາມໄຊ ແຂວງອັດຕະປືໃນທ້າຍເດືອນ ກໍລະກົດ 2018 ຜ່ານມາ ຫຼາຍພາກສ່ວນກໍ່ໄດ້ເລັ່ງໃຫ້ການຊ່ວຍເຫຼືອທາງດ້ານວັດຖຸ ແລະ ເງິນສົດ ພ້ອມທັງຟື້ນຟູພື້ນທີ່ ທີ່ໄດ້ຮັບຜົນກະທົບໃຫ້ກັບຄືນສູ່ສະພາບປົກກະຕິໂດຍໄວ.

ในภาพอาจจะมี 9 คน, ผู้คนกำลังยืน และสถานที่ในร่ม

ເມື່ອວັນທີ 6 ກຸມພາ 2019 ຜ່ານມາ ທ່ານ ສະເຫຼີມໄຊ ກົມມະສິດ ລັດຖະມົນຕີກະຊວງການຕ່າງປະເທດ ພ້ອມດ້ວຍຄະນະ ໄດ້ລົງໄປເຄື່ອນໄຫວຢ້ຽມຢາມພໍ່ແມ່ປະຊາຊົນ ທີ່ໄດ້ຮັບຜົນກະທົບຈາກເຫດການໄພພິບັດນໍ້າຖ້ວມຢູ່ເມືອງສະໜາມໄຊ, ໂດຍໄດ້ຮັບການຕ້ອນຮັບຢ່າງອົບອຸ່ນຈາກອຳນາດການປົກຄອງແຂວງ, ເມືອງ ແລະ ພໍ່ແມ່ປະຊາຊົນເປັນຢ່າງດີ.

ในภาพอาจจะมี 2 คน, ผู้คนกำลังนั่ง, ตาราง และสถานที่ในร่ม

ການລົງເຄື່ອນໄຫວຢ້ຽມຢາມຜູ້ໄດ້ຮັບຜົນກະທົບໃນຄັ້ງນີ້ ແມ່ນເພື່ອນຳເອົາເງິນສົດຈຳນວນ 950ລ້ານກີບ ແລະ ເຄື່ອງອຸປະໂພກບໍລິໂພກອີກຈຳນວນໜຶ່ງໄປມອບໃຫ້ແກ່ປະຊາຊົນຜູ້ໄດ້ຮັບຜົນກະທົບຈາກໄພພິບັດນໍ້າຖ້ວມ ຢູ່ເມືອງສະໜາມໄຊ, ແຂວງອັດຕະປື ໃນທ້າຍເດືອນກໍລະກົດ 2018 ຜ່ານມາ, ເຊິ່ງຕາງໜ້າຮັບໂດຍທ່ານ ບຸນຮຽນ ແກ້ວບົວພາດ, ປະທານກວດກາພັກ-ລັດແຂວງອັດຕະປື; ເງິນ ແລະ ເຄື່ອງດັ່ງກ່າວແມ່ນໄດ້ຮັບການປະກອບສ່ວນຈາກພີ່ນ້ອງເຊື້ອຊາດລາວຢູ່ປະເທດຕ່າງໆ, ລວມທັງ ຈາກພະນັກງານກະຊວງການຕ່າງປະເທດ ທັງຢູ່ພາຍໃນ ແລະ ປະຈຳການຢູ່ຕ່າງປະເທດ ແລະ ຈາກບັນດາອົງການຈັດຕັ້ງສາກົນ ປະຈຳ ສປປ ລາວ ອີກຈຳນວນໜຶ່ງ.

ในภาพอาจจะมี 13 คน, คนที่ยิ้ม, ผู้คนกำลังยืน และสถานที่ในร่ม

ທ່ານ ບຸນຮຽນ ແກ້ວບົວພາດ, ປະທານກວດກາພັກ-ລັດແຂວງອັດຕະປື, ໄດ້ລາຍງານສະພາບຄວາມຄືບໜ້າໃນການແກ້ໄຂ ແລະ ຟື້ນຟູ ຊີວິດການເປັນຢູ່ຂອງ ພໍ່ແມ່ປະຊາຊົນທີ່ໄດ້ຮັບຜົນກະທົບຈາກເຫດການໄພພິບັດໃຫ້ຮູ້ວ່າ ມາຮອດປະຈຸບັນ ແມ່ນໄດ້ຮັບການແກ້ໄຂໂດຍພື້ນຖານ, ປະຊາຊົນທີ່ໄດ້ຮັບຜົນກະທົບທັງໝົດແມ່ນໄດ້ຍົກຍ້າຍເຂົ້າພັກເຊົາຢູ່ເຮືອນພັກເຊົ່າຊົ່ວຄາວ ທີ່ທາງການໄດ້ຈັດສັນໃຫ້ ແລະ ໄດ້ຮັບການສະໜອງເຂົ້າກິນ, ເງິນອູດໜູນ, ການບໍລິການດ້ານສາທາລະນະສຸກ ແລະ ອື່ນໆ.

ในภาพอาจจะมี 1 คน, กำลังนั่ง

ສຳລັບວຽກງານຈຸດສຸມໃນສະເພາະໜ້າ ແມ່ນການສ້າງເຮືອນຖາວອນ, ຟື້ນຟູພື້ນຖານໂຄງລ່າງ, ພື້ນຖານການຜະລິດ ເພື່ອຊຸກຍູ້ປະຊາຊົນຫັນເຂົ້າສູ່ການຜະລິດໂດຍໄວ ແນ່ໃສ່ເລັ່ງລັດປົວແປງຊີວິດການເປັນຢູ່ຂອງເຂົາເຈົ້າ ໃຫ້ກັບເຂົ້າສູ່ສະພາບປົກກະຕິ.

ในภาพอาจจะมี 10 คน, คนที่ยิ้ม, ผู้คนกำลังยืน

 

ຂໍ້ມູນ: ກະຊວງການຕ່າງປະເທດ

%d bloggers like this: