2018 ຄຳມ່ວນ ມີຜູ້ເສຍຊີວິດ 32 ລາຍ ຍ້ອນອຸບັດຕິເຫດ

ອຸບັດຕິເຫດເປັນເຫດສຸດວິໄສທີ່ທຸກຄົນບໍ່ຢາກໃຫ້ເກີດຂຶ້ນ ແຕ່ດ້ວຍຈຳນວນພາຫະນະທີ່ເພີ່ມຂຶ້ນບວກກັບການຂັບຂີ່ຂອງຜູ້ໃຊ້ລົດໃຊ້ຖະໜົນບາງຄັ້ງຂັບລົດໃນສະພາບທີ່ບໍ່ພ້ອມ, ຂັບໄວເກີນທີ່ຄວນຈະເປັນສົ່ງຜົນໃຫ້ມີອຸປະຕິເຫດເກີດຂຶ້ນຕາມມາ.  ສະເພາະແຂວງຄໍາມ່ວນໃນປີ 2018 ຜ່ານມາ ມີອຸບັດເຫດເກີດຂຶ້ນທັງໝົດ 60 ລາຍ, ທຽບໃສ່ປີ 2017 ເພີ່ມຂຶ້ນ 5 ລາຍ ໃນນີ້, ມີພາຫະນະເປ່ເພທັງໝົດ 93 ຄັນ, ມີຜູ້ໄດ້ຮັບບາດເຈັບ 123 ຄົນ, ເສຍຊີວິດ 32 ຄົນ, ເພີ່ມຂຶ້ນ 15 ຄົນທຽບໃສ່ປີ 2017, ລວມມູນຄ່າເສຍຫາຍ 2 ຕື້ກວ່າກີບ.

ในภาพอาจจะมี 1 คน, กำลังนั่ง และสถานที่กลางแจ้ง

ທ່ານ ພັນໂທ ພອນໄຊ ສຸວັນນະບຸບຜາ ຫົວໜ້າພະແນກຕໍາຫຼວດຈະລາຈອນ ປກສ ແຂວງຄຳມ່ວນ ໄດ້ລາຍງານໃຫ້ຮູ້ວ່າ: ໃນປີ 2018 ຜ່ານມາແຂວງຄຳມ່ວນ ແມ່ນມີອຸບັດຕິເຫດເກີດຂຶ້ນຫຼາຍພໍສົມຄວນ ສາຍເຫດທີ່ພາໃຫ້ເກີດອຸບັດຕິເຫດ ກໍ່ເນື່ອງມາຈາກ ການເພີ່ມຂຶ້ນຂອງຍານພາຫະນະ, ຜູ້ຂັບຂີ່ບໍ່ປະຕິບັດຕາມກົດລະບຽບຈະລາຈອນ, ເມົາແລ້ວຂັບຂີ່ລົດໄວ, ສະພາບເຕັກນິກລົດບໍ່ຮັບປະກັນ, ດັດແປງສະພາບເຕັກນິກລົດ, ສະພາບຂອງເສັ້ນທາງເປ່ເພ, ເປັນຂຸມ, ປ້າຍກຳນົດ, ປ້າຍເຕືອນບໍ່ທັນຄົບຖ້ວນ ແລະ ການຈອດລົດຊະຊາຍຕາມເຂດຫວງຫ້າມ.

ในภาพอาจจะมี 1 คน, กำลังนั่ง

 

ຕໍ່ກັບສະພາບການດັ່ງກ່າວ ທາງເຈົ້າໜ້າທີ່ຕໍາຫຼວດຈະລາຈອນ ປກສ ແຂວງ ໄດ້ເອົາໃຈໃສ່ປ້ອງກັນບັນຫາທີ່ອາດເກີດຂຶ້ນໂດຍການວາງມາດຕະການ ແລະ ວິທີແກ້ໄຂ ແມ່ນໄດ້ສຸມໃສ່ເພີ່ມທະວີວຽກງານການເມືອງ ນຳພາແນວຄິດ ໃຫ້ມີຄວາມໜັກແໜ້ນ, ເຂັ້ມງວດໃນການປະຕິບັດກົດລະບຽບວິໄນຂອງກຳລັງເຈົ້າໜ້າທີ່, ເພີ່ມທະວີວຽກງານໂຄສະນາ ໃຫ້ສັງຄົມໄດ້ຮັບຮູ້ ແລະ ເຂົ້າໃຈເຖິງຂໍ້ກຳນົດກົດລະບຽບຕ່າງໆໃນການໃຊ້ລົດໃຊ້ຖະໜົນ, ເພີ່ມທະວີວຽກງານກວດກາ, ການລະບາຍການສັນຈອນ ໂດຍສະເພາະໃນເວລາໂມງເຂົ້າການ, ເລີກການ ທີ່ເປັນຊ່ວງເວລາທີ່ລົດມີຄວາມແອອັດຫຼາຍ ພ້ອມທັງເພີ່ມທະວີວຽກງານການບັງຄັບໃຊ້ກົດໝາຍໃຫ້ຫຼາຍຂຶ້ນ ແລະ ເຂັ້ມງວດກວ່າເກົ່າ.

ในภาพอาจจะมี 1 คน, ต้นไม้ และสถานที่กลางแจ้ง

ในภาพอาจจะมี หนึ่งคนขึ้นไป, ผู้คนกำลังนั่ง, ต้นไม้ และสถานที่กลางแจ้ง

 

Cr ຄຳມ່ວນ

 

%d bloggers like this: