ເຮືອມາເລເຊຍ ຕຳກັບ ເຮືອຂົນສິນຄ້າເກຣັກ ໃນທະເລພິພາດໃກ້ປະເທດສິງກະໂປ

ປະເທດສິງກະໂປຮຽກຮ້ອງໃຫ້ມາເລເຊຍ ຢຸດເດີນທາງເຮືອຜ່ານໜ້ານ້ຳບໍລິເວນຕູອັສ ທີ່ຢູ່ທາງເໜືອບໍ່ຫ່າງຈາກລັດຍະໂຮຂອງອີກຝ່າຍ ຫຼັງເກີດເຫດເຮືອບັນທຸກສິນຄ້າຂອງປະເທດເກຣັກຕຳກັບເຮືອຂອງລັດຖະບານມາເລເຊຍ ເມື່ອວັນເສົາ ທີ່ຜ່ານມາ.

ສໍານັກຂ່າວຕ່າງປະເທດລາຍງານຈາກປະເທດສິງກະໂປ ເມື່ອວັນຈັນ ທີ 11 ກຸມພາ ວ່າ ກະຊວງການຕ່າງປະເທດຂອງສິງກະໂປ ອອກຖະແຫຼງການເມື່ອວັນອາທິດ ວ່າ ເກີດເຫດເຮືອບັນທຸກສິນຄ້າ “ເອັມວີພີ ພິຣິອັສ” ຕິດທຸງຊາດເກຣັກ ຕໍາກັບເຮືອສຳຫຼວດ “ໂພລາຣິສ” ຂອງສຳນັກງານທ່າເຮືອມາເລເຊຍ ທີ່ເຂດບໍລິເວນຊາຍຝັ່ງພາກພື້ນຕູອັສ ທາງພາກຕາເວັນຕົກສຽງເໜືອຂອງປະເທດສິງກະໂປ ໂດຍເຫດການໄດ້ເກີດຂຶ້ນເມື່ອວັນເສົາ ທີ່ຜ່ານມາ. ທັງນີ້ ຖະແຫຼງການຂອງລັດຖະບານສິງກະໂປ ລະບຸດ້ວຍວ່າ ໜ້ານ້ຳບໍລິເວນດັ່ງກ່າວຖືເປັນອານາເຂດພາຍໃຕ້ອະທິປະໄຕຂອງຕົວເອງ ແລະ ມີການຮຽກຮ້ອງມາຕະຫຼອດ ວ່າ ໃຫ້ມາເລເຊຍຫຼີກລ່ຽງການນໍາເຮືອເຂົ້າມາໂດຍບໍ່ໄດ້ຮັບອະນຸຍາດ ເຫດການທີ່ເກີດຂຶ້ນຖືເປັນການເຈດຕະນາຄຸກຄາມຄວາມປອດໄພດ້ານການເດີນເຮືອ ເຖິງວ່າບໍ່ມີຜູ້ໄດ້ຮັບບາດເຈັບ ແລະ ມີນ້ຳມັນຮົ່ວໄຫຼອອກອອກຈາກເຮືອ ແຕ່ຖ້າເກີດກໍລະນີຊ້ຳອີກມາເລເຊຍ “ຕ້ອງຮັບຜິດຊອບ”.

ຂະນະທີ່ກະຊວງການຕ່າງປະເທດມາເລເຊຍ ອອກຖະແຫຼງການຕອບໂຕ້ທັນທີ ວ່າ ລັດຖະບານກົວລາລຳເປີ ມີນະໂຍບາຍຊັດເຈນມາຕະຫຼອດ ໃນການປົກປ້ອງອະທິປະໄຕ ແລະ ຄວາມຊື່ສັດຕໍ່ດິນແດນການປົກຄອງ ຕະຫຼອດຈົນປະໂຫຍດຂອງມະເລເຊຍ ໃນການເດີນທາງເຮືອບໍລິເວນນີ້ ແລະ ຢືນຢັນວ່າ ເຮືອທັງສອງລຳມີການຕິດຕໍ່ສື່ສານເລື່ອງການຫຼົບຫຼີກແລ້ວ ແຕ່ມັນກໍ່ເກີດເຫດຂຶ້ນຈົນໄດ້ ໂດຍກັບຕັນເຮືອຂອງເກຣັກ ກ່າວວ່າ ຈະເປັນຝ່າຍຖອຍອອກໃຫ້ກ່ອນ ແຕ່ສຸດທ້າຍເຫດການກໍ່ຍັງເກີດຂຶ້ນ ມາເລເຊຍຈຶ່ງຈຳເປັນຕ້ອງຄວບຄຸມຕົວລູກເຮືອ ແລະ ຢຶດເຮືອຂອງເກຣັກໄວ້ກ່ອນເພື່ອການໄຕສວນ.

ອີກປະການໜຶ່ງ ຄວາມສຳພັນລະດັບລັດຖະບານ ລະຫວ່າງ ມາເລເຊຍ ກັບ ສິງກະໂປ ຢູ່ໃນຂັ້ນເຢັນຊາຕັ້ງແຕ່ມາເລເຊຍ ໄລ່ ສິງກະໂປອອກຈາກການເປັນສະມາຊິກຂອງສະຫະພັນລັດ ເມື່ອປີ 1965 ໂດຍນອກເໜືອຈາກຂໍ້ພິພາດເລື່ອງໜ້ານ້ຳ ທີ່ຢູ່ທາງພາກເໜືອຂອງປະເທດສິງກະໂປ ແລະ ທາງພາກໃຕ້ຂອງລັດຍະໂຮ ທີ່ຢູ່ປາຍສຸດຂອງເຂດແຫຼມມາລາຢູແລ້ວ ທັງສອງປະເທດຍັງມີຄວາມຂັດແຍ່ງຄັ້ງໃໝ່ ທີ່ເປັນຜົນມາຈາກຂໍ້ຕົກລົງຂາຍນ້ຳຈືດທີ່ໃຊ້ມາຕັ້ງແຕ່ປີ 1962 ເມື່ອ ດຣ. ມະຫາເຖນ ກ່າວວ່າ ລາຄາບໍ່ສອດຄ່ອງກັບສະຖານະການປັດຈຸບັນ ແລະ ມາເລເຊຍຕ້ອງການຂຶ້ນລາຄາ ເມື່ອສັນຍາສະບັບປັດຈຸບັນຄົບອາຍຸ 99 ປີ ໃນປີ 2061 ຈາກລາຄາ 3 ເຊັນເປັນ 50 ເຊັນ ຕໍ່ 1.000 ກັລລອນ

%d bloggers like this: