ມາແລ້ວ ມິວສິກ ວິດີໂອເພງ “ເຈັບແທ້” ຂອງ ຕູ່ ຮີ່ໂລ້ ຮ້ອງຮ່ວມ ກາຍ ແລະ ແພັດ

ຫຼັງຈາກທີ່ໄດ້ປ່ອຍເພງເຕັມອອກມາກັບເພງ “ເຈັບແທ້” ເປັນເພງແນວໃຫມ່ ປະສົມປະສານລູກທົ່ງແນ່ ສະຕິງແນ່ ແລະ ມີແລັບມາປົນນໍາອີກ ເປັນ ເພງໃຫມ່ຫຼ້າສຸດ ຂອງ ຕູ່ ຮີໂລ ສິນລະປິນນັກຮ້້ອງທີ່ຫຼາຍຄົນຮູ້ຈັກກັນດີ.

ປັດຈຸບັນແມ່ນໄດ້ປ່ອຍມິວສິກວິດີໂອເພງອອກມາແລ້ວ ມີ ຕູ່ຮີ່ໂລ້ເປັນໂຕເອກໃນເອັມວີ ແລະ ໄດ້ສາວ ຕູ່ ທິດາ ສິດທິໄຊ Miss Tourism International Laos 2018 ຜູ້ທີ່ໄດ້ຮັບລາງວັນ Miss Socialite ໃນເວທີການປະກວດດັ່ງກ່າວ ຢູ່ກົວລາລຳເປີ ປະເທດມາເລເຊຍ ເປັນຜູ້ສະແດງໂຕເອກໃນເອັມວີນໍາ ນອກນັ້ນຍັງມີຜູ້ສະແດງຮ່ວມອີກຫຼາຍໆຄົນ ໄປຊົມກັນເລີຍ.

ເຊິ່ງວ່າເພງ “ເຈັບແທ້” ນີ ກະໄດ້ ກາຍ ບີຮີ່ໂລ ມາຮ້ອງຮ່ວມນໍາ ໃນທ່ອນເພງທີ່ເປັນທ່ອນແລັບ ກາຍເອງກໍເປັນນັກຮ້ອງເຊັ່ນດຽວກັນ ວົງ ບີ່ຮີ່ໂລ ທີ່ມີຫຼາຍໆເພງດັງທັງເພງດ່ຽວ ແລະ ເພງເປັນວົງ ເປັນທີ່ຮູ້ຈັກກັນໃນເມື່ອກ່ອນ ແລະ ກໍ່ໄດ້ຫ່າງຫາຍໄປໃນໄລຍະໜຶ່ງ ກັບມາເທື່ອນີ້ ບໍ່ທໍາມະດາເດີ້ ເພາະເພງນີ້ ກາຍເປັນຄົນແຕ່ງເອງ ພ້ອມຮ້ອງທ່ອນແລັບນໍາ.

ນອກຈາກນັ້ນ ຍັງໄດ້ສາວອີກຄົນ ຄືສາວແພັດ ເພັດດາວອນ ນັກຮ້ອງສຽງດີ ທີ່ສ້າງຊື່ສຽງໃຫ້ກັບປະເທດເຮົາໃນການທີ່ ເພິ່ນໄດ້ຄວ້າແຊມ 21 ສະໄໝ ໃນລາຍການ ສຶກວັນດວນເພງ ເປັນລາຍການປະກວດຮ້ອງເພງຂອງປະເທດໄທ ນັບວ່າໃຜໆກໍ່ຮູ້ຈັກ ສາວ ແພັດ ດີ ມາຮ້ອງຮ່ວມເພງນີ້ເຊັ່ນດຽວກັນ ເປັນສະຕາຍລຸກທົ່ງ ແບບເປັນເອກກະລັກຂອງເພິ່ນ.

ສໍາລັບເພງນີ້ມີເນື້ອຫາກ່ຽວກັບ ຄົນອົກຫັກ ຄວາມຮູ້ສຶກຂອງຄົນອົກຫັກມັນເຈັບແບບນີ້ນໍ້ ມັນເຈັບຈົນຕ້ອງມີນໍ້າຕາອອກມາ ເຈັບຄັກ ເຈັບແທ້ໆເລີຍ ຄົນອົກຫັກຟັງແລ້ວ ບອກເລີຍວ່າແທງໃຈແທ້ໆ ຍິ່ງເປັນເພງທີ່ມີຄວາມປະສົມປະສານກັນ ລະຫວ່າງ ສະຕິງ ແລັບ ແະ ລູກທົ່ງ ຍິ່ງເພີ່ມຄວາມອິນ ຕອກຍໍ້າຄວາມເຈັບປວດຂອງຄົນອົກຫັກອອກມາໄດ້ດີເລີຍ … ແອັດຟັງແລ້ວຍັງຮູ້ສຶກວ່າອົກຫັກເລີຍ….

ເນື້ອເພງ: ເຈັບແທ້ ຮ້ອງໂດຍ ຕູ່ ຮີ່ໂລ້ ຮ້ອງຮ່ວມກັບ ກາຍ ບີ່ຮີ່ໂລ ແລະ ແພັດ ເພັດດາວອນ ແຕ່ງໂດຍ ກາຍ ບີ່ຮີ່ໂລ.

ຕູ່: ບໍ່ຢາກຊິເຊື່ອ ສາຍຕາເຈົ້າຂອງ ເມື່ອໄດ້ເຫັນນ້ອງຢ່າງກອດໄປກັບເຂົາ ບໍ່ຢາກຊິເຊື່ອນັ້ນ ວ່າແມ່ນແຟນເຮົາ

ກະເລີຍຍ່າງເຂົ້າໄປເຄຣຍໃຫ້ຮູ້ເລື່ອງ ເຈົ້າບອກ ບ່າວ ຄົນນັ້ນເປັນແຟນໃຫມ່ ຄວາມຮັກຂອງອ້າຍມັນເກົ່າ ມັນໂຄດເບື່ອ

ໄດ້ຟັງເຕັມສອງຫູ ຈົນເຫື່ອແຮງບໍ່ເຫຼືອ ແລ້ວຜ່ານມາເຮັດເພື່ອເຈົ້າເດ້ ມັນແມ່ນຫຍັງ

ຫົວໃຈເຕັ້ນ ຖີ່ ຖີ່ ຫັນໃຈເລີ່ມ ຝືດ ຝືດ ຕາມືດແປດດ້ານ ຟາງ ຟາງ ຂາມັນ ຊ່າ ຊ່າ ກ້າວຍ່າງຈົນໄປບໍ່ໄຫວ ໂອ້ຍ ໂອຍ ໂອຍ

ອັນນີ້ ແຫຼະເນາະທີ່ເຂົາວ່າອົກຫັກ ອັນນີ້ແຫຼະເນາະ ທີ່ເຂົາວ່າເສຍຫຼັກ ມັນເຈັບແທ້ເນາະ ເມື່ອຖືກຜູ້ສາວໝົດຮັກ ມັນເຈັບແທ້ເນາະ ເມື່ອຖືກຖິ້ມກາງທາງ

ອັນນີ້ແຫຼະເນາະ ທີ່ເຮັດໃຫ້ຄົນເປັນບ້າ ຟັງເພງຕອນເມົາ ແລ້ວໄຫ້ນໍາເຂົາຫັນນະ

ຖືກກັບໂຕເອງຈຶ່ງໄດ້ຮູ້ສຶກດີວ່າ ຄົນມີນໍ້າຕາຕອນເມົາຫັນລະ ມັນເຈັບ ບໍ່ມີບາດແຜ ຮອຍຊໍ້າຈັກໜ່ອຍ ບໍ່ມີເລືອດຍ້ອຍອອກບ່ອນໃດຊໍ້າໜາ

ບໍ່ມີຮອຍແທງ ແຕ່ຄືເຈັບແທ້ວ່ະ ຄືມີດສຽບມາ ຖືກກາງຫົວໃຈ ຢາກຮ້ອງດັງໆ ວ່າອ້າຍຜິດຊັ້ນບໍ່ ຄວາມຮັກໃຫ້ນ້ອງຄົນດຽວບໍ່ມີໃຜ ບາດນີ້ພັດຖືກຖິ້ມ ເພາະວ່າເຈົ້າມີຄົນໃໝ່ ຕັ້ງໂຕບໍ່ທັນໄດ້ ຮ່າງກາຍຄືພິການ.

ຫົວໃຈເຕັ້ນ ຖີ່ ຖີ່ ຫັນໃຈເລີ່ມ ຝືດ ຝືດ ຕາມືດແປດດ້ານ ຟາງ ຟາງ ຂາມັນ ຊ່າ ຊ່າ ກ້າວຍ່າງຈົນໄປບໍ່ໄຫວ ໂອ້ຍ ໂອຍ ໂອຍ ອັນນີ້ ແຫຼະເນາະທີ່ເຂົາວ່າອົກຫັກ ອັນນີ້ແຫຼະເນາະ ທີ່ເຂົາວ່າເສຍຫຼັກ ມັນເຈັບແທ້ເນາະ ເມື່ອຖືກຜູ້ສາວໝົດຮັກ ມັນເຈັບແທ້ເນາະ ເມື່ອຖືກຖິ້ມກາງທາງ ອັນນີ້ແຫຼະເນາະ ທີ່ເຮັດໃຫ້ຄົນເປັນບ້າ ຟັງເພງຕອນເມົາ ແລ້ວໄຫ້ນໍາເຂົາຫັນນະ ຖືກກັບໂຕເອງຈຶ່ງໄດ້ຮູ້ສຶກດີວ່າ ຄົນມີນໍ້າຕາຕອນເມົາຫັນລະ ມັນເຈັບແທ້

ກາຍ: ຍາມເຈົ້າໄປມີຄົນໃຫມ່ ກະເລີຍຍິ້ມ ສະບາຍ ສະບາຍ ບັດອ້າຍນິຖືກຖິ້ມ ລະບໍ່ຈັກຢູ່ ຊິເປັນຊິຕາຍ ກະຍ້ອນວ່າຮັກນ້ອງ ຈຶ່ງບໍ່ໄດ້ຄິດສໍາຮອງໄວ້ ຮັກເຈົ້າແຮງ ແພງເຈົ້າຫຼາຍ ອຸກໃຈຈົນຄິດໜັກ ຄັນຫາກຊິເລີກ ຫຼືວ່າ ຊິຈາກ ກະຄືບໍ່ໃຫ້ສັນຍານກ່ອນ ອັນນີ້ມາເວົ້າງ່າຍໆ ປຶບປັບວ່າຮັກຂອງເຮົາຊິໄປຕໍ່ ຄໍາເວົ້າສັ້ນໆ ແຕ່ວ່າໄດ້ຟັງແລ້ວມັນຄືເຈັບແທ້ເນາະ ປວດຈັ່ງວ່າມີຫຍັງແທງຄໍ ແລ້ວກີດຫົວໃຈຕໍ່ ໂອ້ຍ ໂອ້ ໂອຍ ໂອ້ຍ ໂອ້ ໂອຍ ໂອ້ຍ

ແພັດ: ອັນນີ້ ແຫຼະເນາະທີ່ເຂົາວ່າອົກຫັກ ອັນນີ້ແຫຼະເນາະ ທີ່ເຂົາວ່າເສຍຫຼັກ ມັນເຈັບແທ້ເນາະ ເມື່ອຖືກຜູ້ສາວໝົດຮັກ ມັນເຈັບແທ້ເນາະ ເມື່ອຖືກຖິ້ມກາງທາງ ອັນນີ້ແຫຼະເນາະ ທີ່ເຮັດໃຫ້ຄົນເປັນບ້າ ຟັງເພງຕອນເມົາ ແລ້ວໄຫ້ນໍາເຂົາຫັນນະ ຖືກກັບໂຕເອງຈຶ່ງໄດ້ຮູ້ສຶກດີວ່າ ຄົນມີນໍ້າຕາຕອນເມົາຫັນລະ ມັນເຈັບແທ້

ຈາກ: tou hero

%d bloggers like this: