ລົດແກ້ວ ເຊັນສັນຍາເປັນພຣີເຊັນເຕີໃຫ້ຄ້າຍລົດມິດຊູບິຊິ

ອີກໜຶ່ງແຮງໃຈເພື່ອຊ່ວຍສະໜັບສະໜູນນັກກີລາແລ່ນ – ລານຂອງລາວ ເພື່ອໃຫ້ ທ່ານ ນາງ ລົດແກ້ວ ອິນທະກຸມມານ ໄດ້ມີແຮງໃຈໃນການຝຶກຊ້ອມທັກສະຂອງຕົນ ຫຼັງຈາກ ບໍລິສັດ MITSU- BISHI MOTORS LAOS ໄດ້ມອບເງິນສະໜັບສະໜູນ 27 ລ້ານກີບ ແລະ ໃຫ້ເປັນ Brand Ambassador ກັບຄ້າຍລົດ ມິດຊູບິຊິ ( MITSUBISHI ) ໃນລາວ.

ในภาพอาจจะมี 4 คน, ข้อความ

ພິທີເຊັນສັນຍາໄດ້ມີຂຶ້ນໃນວັນທີ 7 ກຸມພາ 2019 ທີ່ບໍລິສັດ MIT-SUBISHI MOTORS LAOS ໂດຍການເຂົ້າຮ່ວມຂອງ ທ່ານ ສຸພາວັນ ສໍຣາງກຸນ ຜູ້ອໍານວຍການໃຫຍ່ ບໍລິສັດ ໂຄລາວ ດີວີລ໊ອບພິ້ງ, ທ່ານ ຊັດສະວານ ເພີ່ມສຸກຈາລຸຊັບ ປະທານ ບໍລິສັດ MITSUBISHI MOTORS LAOS ພ້ອມດ້ວຍ ທ່ານ ນາງ ລົດແກ້ວ ອິນທະກຸມມານ ນັກກີລາແລ່ນ – ລານທີມຊາດລາວ ແລະ ແຂກຖືກເຊີນຈາກຂະແໜງການກ່ຽວຂ້ອງເຂົ້າຮ່ວມ.

ในภาพอาจจะมี 1 คน, กำลังยืน

ທ່ານ ຊັດສະວານ ເພີ່ມສຸກຈາລຸຊັບ

▶ ທ່ານ ຊັດສະວານ ເພີ່ມສຸກຈາລຸຊັບ ກ່າວວ່າ:

MITSUBISHI MOTORS LAOS ເຫັນເຖິງຄວາມສໍາຄັນ ຂອງນັກກີລາແລ່ນມາຣາທອນທີມຊາດລາວ ທີ່ໄດ້ເຮັດຕາມຄວາມຝັນຂອງຕົນຈົນປະສົບຄວາມສໍາເລັດ. ສະນັ້ນ,  ທາງບໍລິສັດຈຶ່ງຢາກມີສ່ວນຮ່ວມໃນການສະໜັບສະໜູນໂດຍການມອບເງິນອຸປະຖໍາ ມູນຄ່າ 27 ລ້ານກີບ. ພ້ອມດຽວກັນ, ຍັງໄດ້ແຕ່ງຕັ້ງ ທ່ານ ນາງ ລົດແກ້ວ ອິນທະກຸມມານ ໃຫ້ເປັນ Brand Ambassador  ຫຼື ພຣີເຊັນເຕີ ໃຫ້ກັບ MITSUBISHI MOTORS LAOS ນຳອີກ.

ในภาพอาจจะมี 4 คน, คนที่ยิ้ม, ข้อความ

ທ່ານກ່າວວ່າ: ສໍາລັບເຫດຜົນທີ່ເລືອກ ທ່ານ ນາງ ລົດແກ້ວ ອິນທະກຸມມານ     ມາເປັນພຣີເຊັນເຕີ ອັນດັບທໍາອິດແມ່ນເປັນນະໂຍບາຍຂອງ MIT-SUBISHI MOTORS ປະເທດຍີ່ປຸ່ນ ທີ່ຕ້ອງການສະໜັບສະໜູນນັກກີລາໃນແຕ່ລະປະເທດ ໂດຍສະເພາະນັກກີລາທີ່ກ່ຽວຂ້ອງກັບຄວາມໄວ ເຊິ່ງສ່ວນໃຫຍ່ຢູ່ຕ່າງປະເທດຈະເປັນນັກແຂ່ງລົດທີ່ຂ້ອນຂ້າງມີຄວາມສາມາດ. ສໍາລັບ ທ່ານ ນາງ ລົດແກ້ວ ກໍເປັນນັກກີລາທີ່ໃຊ້ຄວາມໄວ ( ແລ່ນໄວ ) ມີຄຸນສົມບັດພຽບພ້ອມ, ມີຄວາມສາມາດ  ແລະ ສ້າງຊື່ສຽງໃຫ້ປະເທດລາວຢ່າງຫຼວງຫຼາຍ. ພ້ອມນັ້ນ, ລົດແກ້ວ ເປັນນັກກີລາທີ່ມີຊື່ສຽງທັງພາຍໃນ ແລະ ຕ່າງປະເທດ.

ในภาพอาจจะมี 15 คน, คนที่ยิ้ม, ผู้คนกำลังยืน และข้อความ

ທ່ານກ່າວວ່າ: ໃນສ່ວນຂອງສັນຍາທີ່ເຊັນຄັ້ງນີ້ ແມ່ນການຮ່ວມມືປີຕໍ່ປີ ເຊິ່ງການຄາດຫວັງສໍາລັບ ທ່ານ ນາງ ລົດແກ້ວ ແມ່ນຈະເປັນພຣີເຊັນເຕີສໍາລັບຍີ່ຫໍ້ MITSUBISHI ເຊິ່ງຈະໄດ້ໂຄສະນາຍີ່ຫໍ້ MITSUBISHI ອາດຈະເປັນເຄື່ອງແຕ່ງກາຍ, ຊຸດນຸ່ງໃນການລົງສະໜາມແຂ່ງ. ພ້ອມນັ້ນ, MITSUBISHI ຍັງເບິ່ງເຫັນໂອກາດໃນການຊ່ວຍເຫຼືອສັງຄົມເພີ່ມຕື່ມທີ່ ທ່ານ ນາງ ລົດແກ້ວ ພວມປະຕິບັດຢູ່ ພວກເຮົາພ້ອມຈະເປັນສ່ວນໜຶ່ງໃນການລະດົມທຶນ ແລະ ປະກອບສ່ວນໂຄສະນາໄປພ້ອມໆກັນ. ສ່ວນໃນອະນາຄົດກໍຢາກເພີ່ມການສະໜັບສະໜູນນັກກີລາທ່ານອື່ນໆອີກ ເຊິ່ງຈະພິຈາລະນາຈາກຄວາມເໝາະສົມ ທ່ານ   ຊັດສະວານ ກ່າວ.

ในภาพอาจจะมี 1 คน, แว่นกันแดด

ທ່ານ ກະເສມ ອິນທະລາ

▶ ທ່ານ ກະເສມ ອິນທະລາ ຮອງປະທານ ( ຄະນະກໍາມະການໂອແລັມປິກແຫ່ງຊາດລາວ ) ໄດ້ກ່າວວ່າ:

ໃນນາມອົງການຈັດຕັ້ງໂອແລັມປິກແຫ່ງຊາດລາວ ຂໍຂອບໃຈມາຍັງ MITSUBISHI MOTORS LAOS ທີ່ໄດ້ເລືອກ ນາງ ລົດແກ້ວ ອິນທະກຸມມານ ເປັນພຣີເຊັນເຕີ ໃຫ້ກັບລົດ MITSUBISHI ເຊິ່ງບໍລິສັດກໍເຄີຍໃຫ້ການສະໜັບສະໜູນລົດເກັ໋ງຮັບໃຊ້ຜູ້ແທນໃນງານຊີເກມ 2009. ສໍາລັບການເລືອກນັກກີລາແລ່ນ – ລານ ມາເປັນພຣີເຊັນເຕີ ກໍເປັນອີກບາດກ້າວໜຶ່ງໃຫ້ ນ້ອງ ລົດແກ້ວ ໄດ້ມີທຶນຮອນໃນການພັດທະນາທັກສະການແລ່ນຂອງຕົນເອງ. ພ້ອມນັ້ນ, ກໍຂໍຮຽກຮ້ອງໃຫ້ບໍລິສັດໄດ້ເພີ່ມການສະໜັບສະໜູນໃຫ້ນັກກີລາອື່ນໆຕາມຄວາມເໝາະສົມ ແລະ ຂໍໃຫ້ບໍລິສັດປະສົບຜົນສໍາເລັດໃນການຂະຫຍາຍຕະຫຼາດ ແລະ ສ້າງຍອດຂາຍໃຫ້ເພີ່ມຂຶ້ນໃນແຕ່ລະປີ.

ທ່ານ ນາງ ລົດແກ້ວ ອິນທະກຸມມານ

▶ ທ່ານ ນາງ ລົດແກ້ວ ອິນທະກຸມມານ ນັກກີລາແລ່ນ – ລານທີມຊາດລາວ ໄດ້ກ່າວວ່າ:

ຄວາມຮູ້ສຶກຫຼັງຈາກໄດ້ເປັນ ພຣີເຊັນເຕີໃຫ້ກັບ MITSUBISHI ກໍຕື່ນເຕັ້ນ ແລະ ດີໃຈຫຼາຍ ເພາະວ່າເປັນບໍລິສັດທໍາອິດທີ່ໃຫ້ການສະໜັບສະໜູນນັກກີລາແລ່ນ – ລານ ແລະ ຍັງໃຫ້ໂອກາດໃນການເປັນພຣີເຊັນເຕີ. ສະນັ້ນ, ນ້ອງກໍຂໍຂອບໃຈທາງ ບໍລິສັດ MIT-SUBISHI MOTORS LAOS ທີ່ເປັນຜູ້ອຸປະຖໍາໃນການຝຶກຊ້ອມຂອງຂ້າພະເຈົ້າ ແລະ ມອບໝາຍໃຫ້ເປັນພຣີເຊັນເຕີ ຂອງບໍລິສັດ. ສໍາລັບກິດຈະກໍາການແຂ່ງຂັນແລ່ນ – ລານຖືວ່າມີຢູ່ທຸກເດືອນ ເຊິ່ງໃນໄວໆນີ້ເປັນການແຂ່ງຂັນປ້ອງກັນແຊັມຢູ່ຈັ່ງຫວັດບູຣິຣໍາ ປະເທດໄທ ເປັນລາຍການທັອບ 10 ອັນຕົ້ນໆຂອງປະເທດໄທ ຜ່ານມາຂ້າພະເຈົ້າກໍໄດ້ແຊັມມາແລ້ວ 2 ສະໄໝ, ການໄປແຂ່ງຂັນຄັ້ງນີ້ມີຄວາມຄາດຫວັງວ່າຈະໄດ້ແຊັມເປັນສະໄໝທີ 3, ທ່ານ ນາງ ລົດແກ້ວ ກ່າວ.

ในภาพอาจจะมี 4 คน, คนที่ยิ้ม, ข้อความ

ในภาพอาจจะมี 7 คน, คนที่ยิ้ม, ผู้คนกำลังยืน

%d bloggers like this: