ແຂວງວຽງຈັນ ຕັ້ງເປົ້າສົ່ງອອກໃຫ້ບັນລຸ 19 ລ້ານໂດລາ

ໃນປີ 2019 ແຂວງວຽງຈັນ ຕັ້ງເປົ້າສົ່ງອອກສິນຄ້າໃຫ້ບັນລຸ 19 ລ້ານກວ່າໂດລາ ໃນຂະນະປີຜ່ານມາມູນຄ່າສົ່ງອອກສິນຄ້າໄດ້ 18 ກວ່າລ້ານ ແລະ ນຳເຂົ້າສິນຄ້າ 151 ລ້ານກວ່າໂດລາ.

ในภาพอาจจะมี สถานที่กลางแจ้ง และสถานที่ในร่ม

ພາບປະກອບຂ່າວ

 

ຈາກບົດສະຫຼຸບການຈັດຕັ້ງປະຕິບັດແຜນພັດທະນາເສດຖະກິດ – ສັງຄົມ ແລະ ແຜນການລົງທຶນຂອງລັດ ປະຈຳປີ 2018 ແລະ ວາງທິດທາງແຜນການປີ 2019 ຂອງພະແນກອຸດສາຫະກໍາ ແລະ ການຄ້າ ແຂວງວຽງຈັນ ໃຫ້ຮູ້ວ່າ: ວຽກງານການນຳເຂົ້າ ແລະ ສົ່ງອອກ ພາຍໃນແຂວງວຽງຈັນ ໃນປີ 2018 ຜ່ານມາ ດ້ານການສົ່ງອອກສິນຄ້າໄປຕ່າງປະເທດ ມີມູນຄ່າທັງໜົດ 18,84 ລ້ານໂດລາສະຫະລັດ ທຽບໃສ່ແຜນການປີ 2018 ປະຕິບັດໄດ້ 11,81% ແລະ ທຽບໃສ່ປີ 2017 ເທົ່າ 32,25% ໂດຍມີບັນດາບໍລິສັດສົ່ງອອກມີມູນຄ່າທັງໝົດ 17,83 ລ້ານໂດລາ ເຊິ່ງມີສິນຄ້າສົ່ງອອກ ຄື: 1). ຜະລິດຕະພັນໄມ້ສໍາເລັດຮູບ ມີມູນຄ່າ 134.394 ໂດລາ ສົ່ງໄປປະເທດໄທ; 2). ຜະລິດຕະພັນອຸດສາຫະກໍາ – ກະສິກໍາ ມູນຄ່າ 3,17 ລ້ານໂດລາ ສົ່ງໄປປະເທດໄທ, ສປ ຈີນ, ສສ ຫວຽດນາມ ແລະ ມາເລເຊຍ; 3). ພືດກະສິກໍາ ມີມູນຄ່າ 10,16 ລ້ານໂດລາ ສົ່ງໄປປະເທດໄທ, ສສ ຫວຽດນາມ ແລະ          ສປ ຈີນ; 4). ແຮ່ທາດຕ່າງໆ ມູນຄ່າ 4.920 ໂດລາ ສົ່ງໄປ ສປ ຈີນ; 5). ເຄື່ອງປ່າຂອງດົງ ມູນຄ່າ 2,62 ລ້ານໂດລາ ສົ່ງໄປປະເທດໄທ; 6). ຜະລິດຕະພັນຢາງພາລາ ມູນຄ່າ 56.750 ໂດລາ ສົ່ງໄປປະເທດໄທ; 7). ຜະລິດຕະພັນໄມ້ປ່ອງ ມູນຄ່າ 109.600 ໂດລາ ສົ່ງໄປປະເທດໄທ ແລະ ສສ ຫວຽດນາມ; 8). ຜະລິດຕະພັນຢາສູບ ມູນຄ່າ 1,33 ລ້ານໂດລາ ສົ່ງໄປ ສປ ຈີນ, ມຽນມາ,        ສສ ຫວຽດນາມ ແລະ ອິນໂດເນເຊຍ; 9). ເຄື່ອງນຸ່ງຫົ່ມ ມູນຄ່າ 217.181 ໂດລາ ສົ່ງໄປປະເທດມາເລເຊຍ; 10). ສິນຄ້າອື່ນໆ ( ຖ່ານຂາວດັງໄຟ ແລະ ແກັດເຈ້ຍທີ່ໃຊ້ແລ້ວ ) ມູນຄ່າ 10.760 ໂດລາ ສົ່ງໄປປະເທດໄທ ແລະ ສິນຄ້າສົ່ງອອກດ່ານບ້ານວັງ ແລະ ຊະນະຄາມ ມີມູນຄ່າ 1 ລ້ານໂດລາ.

 

ในภาพอาจจะมี หนึ่งคนขึ้นไป, ผู้คนกำลังยืน และสถานที่กลางแจ้ง

ພາບປະກອບຂ່າວ

 

ໃນຂະທີ່ການນຳເຂົ້າສິນຄ້າຈາກຕ່າງປະເທດ ມີມູນຄ່າທັງໜົດ 151,69 ລ້ານໂດລາ ທຽບໃສ່ແຜນການປີ 2018 ປະຕິບັດໄດ້ລື່ນແຜນການວາງໄວ້ 1.265,72% ແລະ ທຽບໃສ່ປີຜ່ານມາປີ 2017 ແມ່ນເພີ່ມຂຶ້ນ 763,73% ເຊິ່ງສາເຫດຍ້ອນວ່ານໍາເຂົ້າພາຫະນະກົນຈັກໜັກ, ອຸປະກອນຮັບໃຊ້ການຜະລິດທາງກົງທີ່ມາຕິດຕັ້ງໂຮງງານພລາສຕິກ ຂອງ ບໍລິສັດ ລາວ – ຊີຊີນ ເພື່ອມາພັດທະນາພື້ນຖານໂຄງລ່າງຂອງແຂວງ ວຽງຈັນ. ໃນນັ້ນ, ມີບໍລິສັດນໍາເຂົ້າ ມູນຄ່າທັງໝົດ 151,42 ລ້ານໂດລາ ມີສິນຄ້ານໍາເຂົ້າໃນແຜນ ມູນຄ່າ 6,35 ແສນໂດລາ ເຊັ່ນ: ເຄື່ອງຜະລິດນໍ້າກ້ອນ, ຊີມັງ, ເຫຼັກເສັ້ນ, ສັງກະສີ, ອຸປະກອນກໍ່ສ້າງ, ເຫຼັກທໍ່ກົມ ແລະ ອຸປະກອນຕ່າງໆ ແລະ ສິນຄ້ານໍາເຂົ້ານອກແຜນ ມູນຄ່າ 150,79 ລ້ານໂດລາ ເຊັ່ນ: ສິນຄ້າປະເພດພາຫະນະກົນຈັກໜັກ, ລົດບັສ   25 – 45 ບ່ອນນັ່ງ, ລົດບັນທຸກ 6 ລໍ້, ອຸປະກອນຮັບໃຊ້ການຜະລິດທາງກົງທີ່ມາຕິດຕັ້ງໂຮງງານພລາສຕິກ, ກົນຈັກໜັກ ເພື່ອມາພັດທະນາພື້ນຖານໂຄງລ່າງຂອງແຂວງວຽງຈັນ ແລະ ໃນຂະນະທີ່ສິນຄ້ານໍາເຂົ້າຈາກດ່ານບ້ານວັງ ແລະ ຊະນະຄາມ ມີມູນຄ່າທັງໝົດ 2,67 ແສນໂດລາ. ໃນນັ້ນ, ມີສິນຄ້າ ເຊັ່ນ: ເຄື່ອງໃຊ້ສອຍປະຈໍາວັນ, ອຸປະກອນກໍ່ສ້າງ, ອຸປະກອນໄຟຟ້າ, ພາຫະນະຮັບໃຊ້ການຜະລິດ, ຊິ້ນສ່ວນອາໄຫຼ່ໂຮງສີເຂົ້າ, ເຄື່ອງຜະລິດນໍ້າກ້ອນ ແລະ ອື່ນໆ.

 

ในภาพอาจจะมี ท้องฟ้า, เมฆ และสถานที่กลางแจ้ง

ພາບປະກອບຂ່າວ

 

ສ່ວນປີ 2019 ພະແນກອຸດສາຫະກໍາ ແລະ ການຄ້າແຂວງວຽງຈັນ ໄດ້ວາງທິດທາງການສົ່ງອອກສິນຄ້າ ຈະສູ້ຊົນສົ່ງອອກສິນຄ້າໃຫ້ບັນລຸໄດ້ ມູນຄ່າ 19,38 ລ້ານໂດລາ. ໃນນັ້ນ, ບໍລິສັດສົ່ງອອກ ມູນຄ່າ 16,83 ລ້ານໂດລາ ແລະ ສົ່ງອອກດ່ານບ້ານວັງ, ຊະນະຄາມ ມູນຄ່າ 2,54 ລ້ານໂດລາ ແລະ ການນໍາເຂົ້າສິນຄ້າຈະສູ້ຊົນໃຫ້ໄດ້ ມູນຄ່າ 12,21 ລ້ານໂດລາ, ບໍລິສັດນໍາເຂົ້າ ມູນຄ່າ 10,63 ລ້ານໂດລາ ແລະ ນໍາເຂົ້າດ່ານບ້ານວັງ, ຊະນະຄາມ ມີມູນຄ່າ 1,58 ລ້ານໂດລາ.

 

( ຂ່າວ: ສັນຕິ )

%d bloggers like this: