ຕາຍ 1 ສູນຫາຍ 4 ເຫດອາຄານທີ່ພັກ 8 ຊັ້ນ ຫັກເພລົງມາ ໃນປະເທດຕັວກກີ

 

ພົບຜູ້ເສຍຊີວິດແລ້ວຢ່າງໜ້ອຍ 1 ຄົນ ແລະ ອີກ 4 ຄົນ ສູນຫາຍ ຢູ່ກ້ອງຊາກອາຄານທີ່ຢູ່ອາໄສ ສູງ 8 ຊັ້ນ ຫັກເພຖະຫຼົ່ມລົງມາ ໃນເມືອງອິສຕັນບູລ ປະເທດຕັວກກີ.

ສໍານັກຂ່າວຣອຍເຕີ ລາຍງານຈາກເມືອງອິສຕັນບູລ ປະເທດຕັວກກີ ເມື່ອວັນພຸດ ທີ 6 ກຸມພາ ວ່າ ຍັງບໍ່ຮູ້ຊັດເຈນເຖິງສາເຫດຂອງອາຄານທີ່ພັກອາໄສ ສູງ 8 ຊັ້ນ ໃນເຂດຄາຣ໌ທັລ ຝັ່ງທະວີບອາຊີ ຂອງເມືອງອິສຕັນບູລ ປະເທດຕັວກກີ ຫັກເພຖະຫຼົ່ມລົງມາ ເມື່ອວັນພຸດ ທີ່ຜ່ານມາ ແຕ່ສະຖານີໂທລະທັດເອັນທີວີ ລາຍງານວ່າ ສໍານັກງານໄອຍະການຂອງຕັວກກີໄດ້ເຂົ້າມາສືບສວນອຸບັດເຫດຄັ້ງນີ້ແລ້ວ.

ในภาพอาจจะมี หนึ่งคนขึ้นไป, ฝูงชน และสถานที่กลางแจ้ง

ในภาพอาจจะมี 1 คน, สถานที่กลางแจ้ง

ທ່ານ ອາລີ ເຍີລິຄາຢາ ຜູ້ວ່າການຂອງເມືອງອິສຕັນບູລ ກ່າວວ່າ ມີຜູ້ລົງທະບຽນເຊົ່າຫ້ອງທັງໝົດ 43 ຄົນ ໃນອາຄານທີ່ພັກອາໄສ 14 ຫ້ອງຊຸດຂອງອາຄານດັງກ່າວ ແຕ່ສາມຊັ້ນດ້ານເທິງຂອງຕົວອາຄານພົບວ່າມີການສ້າງທີ່ບໍ່ຖືກຕ້ອງຕາມກົດໝາຍ ນອກຈາກນັ້ນ ດ້ານລຸ່ມສຸດຍັງຖືກດັດແປງເປັນໂຮງງານຕ່ຳຜ້າ ເຊິ່ງບໍ່ມີໃບອະນຸຍາດຖືກຕ້ອງຕາມກົດໝາຍ ແລະ ຜູ້ວ່າການກໍ່ປະຕິເສດທີ່ຈະໃຫ້ຄວາມເຫັນກ່ຽວກັບຈໍານວນຜູ້ເສຍຊີວິດ ແລະ ບາດເຈັບ ເຊິ່ງກໍ່ມີລາຍງານຜູ້ເສຍຊີວິດແລ້ວ 1 ຄົນ ແລະ ສູນຫາຍອີກ 4 ຄົນ ໃນຊາກຂອງອາຄານທີ່ຫັກເພ.

ในภาพอาจจะมี 3 คน, ผู้คนกำลังนั่ง

ในภาพอาจจะมี 10 คน, คนที่ยิ้ม

ສ່ວນ ປະທານອົງການບໍລິຫານຈັດການໄພ ແລະ ສະຖານະການສຸກເສີນ ຖະແຫຼງວ່າ ປະຕິບັດການຄົ້ນຫາ ແລະ ກູ້ໄພຍັງດຳເນີນຕໍ່ໄປ ເຊິ່ງອາດຈະມີການຂໍກຳລັງເສີມເພີ່ມຕື່ມຈາກພື້ນທີ່ໃກ້ຄຽງ ຂະນະທີ່ປະທານາທິບໍດີເທຍິບ ເອີໂດກັນ ແຫ່ງຕັວກກີ ໄດ້ມອບໝາຍໃຫ້ລັດຖະມົນຕີມະຫາດໄທ ແລະ ສິ່ງແວດລ້ອມ ລົງພື້ນທີ່ເກີດເຫດ ເພື່ອອໍານວຍຄວາມຊ່ວຍເຫຼືອ ແລະ ກູ້ໄພແລ້ວ.

ในภาพอาจจะมี 2 คน, ฝูงชน, รองเท้า และสถานที่กลางแจ้ง

ในภาพอาจจะมี หนึ่งคนขึ้นไป และสถานที่กลางแจ้ง

%d bloggers like this: