ຢູເອັນເຕືອນສະພາບອາກາດໂລກໃນທົດສະວັດນີ້ ເປັນໄລຍະທີ່ຮ້ອນທີ່ສຸດ

ລາຍງານວິເຄາະຂອງສະຫະປະຊາຊາດເຕືອນວ່າ ສະພາບອາກາດໂລກໃນໄລຍະ 4 ປີ ທີ່ຜ່ານມານີ້  “ຮ້ອນທີ່ສຸດ” ແລະ ຖ້າປ່ອຍໃຫ້ເປັນເຊັ່ນນີ້ຕໍ່ໄປ ໃນໄລຍະຂອງທົດສະວັດປັດຈຸບັນຈະເປັນໄລຍະເວລາທີ່ໂລກຮ້ອນທີ່ສຸດ ເມື່ອທຽບກັບຍຸກກ່ອນປະຕິວັດອຸດສາຫະກໍາ.

ສໍານັກຂ່າວຕ່າງປະເທດລາຍງານຈາກເມືອງເຈນີວາ ປະເທດສະວິດເຊີແລນ ເມືອວັນພະຫັດ ທີ 7 ກຸມພາ ວ່າ ອົງການອຸຕຸນຍົມວິທະຍາໂລກ (WMO: World Meteorological Organization) ເຊິ່ງເປັນອົງການທີ່ຊຳນານພິເສດດ້ານສະພາບອາກາດໂລກພາຍໃຕ້ການກຳກັບດູແລຂອງສະຫະປະຊາຊາດ (UN: United Nations ) ອອກລາຍງານເມື່ອວັນພຸດ ວ່າ ອຸນຫະພູມຮ້ອນສະເລ່ຍທົ່ວໂລກ ເມື່ອປີຜ່ານມາ ສູງຂຶ້ຶ້ນ 1,0 ອົງສາ ເມື່ອທຽບກັບຍຸກກ່ອນປະຕິວັດອຸດສາຫະກຳ ແລະ ຖ້າສະຖານະການຍັງມີທິດທາງເປັນເຊັ່ນນີ້ຕໍ່ໄປ ອຸນຫະພູມສະເລ່ຍຂອງໂລກຈະສູງຂຶ້ນອີກປີລະ 1,5 ອົງສາ ພາຍໃນໄລຍະເວລາ 5 ປີຂ້າງໜ້າ.

ຂະນະດຽວກັນ ໄລຍະເວລາລະຫວ່າງປີ 2014 ເຖິງ 2022 ຈະເປັນທົດສະວັດທີ່ສະພາບອາກາດໂລກຮ້ອນທີ່ສຸດ ນັບຕັ້ງແຕ່ ດັບເບິລຢູເອັມໂອ ເລິ່ມວິເຄາະອຸນຫະພູມເທິງໂລກຢ້ອນຫຼັງຢ່າງຈິງຈັງ ນັບຕັ້ງແຕ່ປີ 1807 ເປັນຕົ້ນມາ ໂດຍປີ 2016 ຍັງຄອງສະຖິຕິເປັນປີທີ່ຮ້ອນທີ່ສຸດ ໃນຮອບທົດສະວັດນີ້ ເນື່ອງຈາກປະກົດການເອລນີໂຢ ໃນປີນັ້ນ ມີຄວາມຮຸນແຮງກວ່າປົກກະຕິຫຼາຍ ຕາມດ້ວຍປີ 2015, 2017 ແລະ 2018.

ในภาพอาจจะมี หนึ่งคนขึ้นไป, ท้องฟ้า และสถานที่กลางแจ้ง

ຢ່າງໃດກໍ່ຕາມ ສະຖານະການສະພາບອາກາດໂລກໃນປີນີ້ ມີແນວໂນ້ມທີ່ຈະແປປ່ວນ ຕັ້ງແຕ່ຕົ້ນປີ  ເມື່ອເດືອນມັງກອນ ຜ່ານມາ ເປັນເດືອນທີ່ຮ້ອນທີ່ສຸດເປັນປະວັດການຂອງປະເທດອົສຕຣາລີ ໃນຂະນະທີ່ຟາກໂລກເໜືອພັດຜະເຊີນກັບປະກົດການລົມວົນຂົ້ວໂລກ “ໂພລາຣ໌ ວໍເທັກ” ຄັ້ງຮຸນແຮງທີ່ສຸດ ໃນຮອບ 5 ປີ ສົ່ງຜົນໃຫ້ອຸນຫະພູມໃນພື້ນທີ່ບາງສ່ວນຂອງພາກພື້ນມິດເວສ ໃນສະຫະລັດ (Mid West, USA) ຫຼຸດລົງເຖິງ -53 ອົງສາ.

ອີກປະການໜຶ່ງ ລາຍງານຂອງ ດັບເບິລຢູເອັມໂອ ສອດຄ້ອງກັບຂໍ້ມູນຂອງອົງການບໍລິຫານການບິນ ແລະ ອາວະກາດແຫ່ງຊາດ (NASA: National Aeronautics and Space Administration) ແລະ ສໍານັກງານມະຫາສະມຸດ ແລະ ຊັ້ນບັນຍາກາດແຫ່ງຊາດສະຫະລັດ (ໂນອາຣ໌: NOAA: national oceanic & atmospheric administration) ວ່າປີ 2018 ເປັນປີທີ່ສະພາບອາກາດຮ້ອນທີ່ສຸດ ເປັນອັນດັບ 4 ຂອງໂລກໃນຮອບທົດສະວັດ ໂດຍເມື່ອປີທີ່ຜ່ານມາປີດຽວ ເກີດໄພທໍາມະຊາດ “ລະດັບຮຸນແຮງ” 14 ຄັ້ງ ມີຜູ້ເສຍຊີວິດລວມກັນຢ່າງເປັນທາງການ 247 ຄົນ ສ້າງຄວາມເສຍຫາຍໃຫ້ແກ່ເສດຖະກິດໂລກ 91.000 ລ້ານໂດລາ (ປະມານ 7,8 ແສນຕື້ກີບ)

ในภาพอาจจะมี หนึ่งคนขึ้นไป, มหาสมุทร, เด็ก, ท้องฟ้า, สถานที่กลางแจ้ง, ธรรมชาติ และน้ำ

%d bloggers like this: