ທິບພະຍະ ປະກັນໄພ ໜຶ່ງດຽວ ທີ່ໄດ້ຮັບລາງວັນທຸລະກິດດີເດັ່ນ 30 ປີ

ບໍລິສັດ ທິບພະຍະ ປະກັນໄພ ເປັນບໍລິສັດໜຶ່ງດຽວທີ່ໄດ້ຮັບລາງວັນທຸລະກິດດີເດັ່ນ 30 ປີ ສຄອຊ ຂະແໜງອຸດສາຫະກໍາປະກັນໄພ ຈາກທັງໝົດ 24 ບໍລິສັດ ທີ່ເປັນສ່ວນໜຶ່ງໃນການເຮັດໃຫ້ສະພາການຄ້າ ແລະ ອຸດສາຫະກໍາແຫ່ງຊາດລາວ ມີຄວາມເຕີບໃຫຍ່ເຂັ້ມແຂງ.

ໃນກອງປະຊຸມປະຈຳປີ 2018 ແລະ ສະເຫຼີມສະຫຼອງ ຄົບຮອບ 30 ປີ ຂອງສະພາການຄ້າ ແລະ ອຸດສາຫະກຳແຫ່ງຊາດ ( ສຄອຊ ) ໄດ້ຈັດຂຶ້ນໃນວັນທີ 23 ມັງກອນ 2019 ທີ່ຜ່ານມາ ທີ່ຫໍປະຊຸມແຫ່ງຊາດ ນະຄອນຫຼວງວຽງຈັນ  ພາຍໃນງານໄດ້ມີພິທີມອບໃບຍ້ອງຍໍ ແລະ ໂລ້ລາງວັນໃຫ້ແກ່ຫົວໜ່ວຍທຸລະກິດດີເດັ່ນ 30 ປີ ທີ່ມີຜົນງານປະກອບສ່ວນສະໜັບສະໜູນດ້ານທຶນຮອນ ແລະ ວັດຖຸປັດໄຈໃນການສ້າງຄວາມເຂັ້ມແຂງໃຫ້ແກ່ ສຄອຊ ແລະ ບໍລິສັດ ທິບພະຍະ ປະກັນໄພ ຈຳກັດ ( ສປປ ລາວ ) ເປັນໜຶ່ງໃນຈຳນວນຫົວໜ່ວຍທຸລະກິດທີ່ໄດ້ຮັບໂລ້ລາງວັນດັ່ງກ່າວ.

ในภาพอาจจะมี 2 คน, ผู้คนกำลังยืน และชุดสูท

ທ່ານ ຫໍລະດີ ວໍລະຣາດ ຜູ້ອຳນວຍການໃຫຍ່ ບໍລິສັດ ທິບພະຍະ ປະກັນໄພ ຈຳກັດ ( ສປປ ລາວ ) ກ່າວວ່າ: ບໍລິສັດ ທິບພະຍະ ປະກັນໄພ ພວກເຮົາໄດ້ຮັບລາງວັນທຸລະກິດດີເດັ່ນ 30 ປີ ຈາກສະພາການຄ້າ ແລະ ອຸດສາຫະກຳແຫ່ງຊາດລາວ ( ສຄອຊ ) ໃນຂະແໜງອຸດສາຫະກໍາປະກັນໄພ ຖືວ່າເປັນຄັ້ງທໍາອິດ ແລະ ເປັນໜຶ່ງດຽວຈາກ 24 ບໍລິສັດ ທີ່ໄດ້ຮັບລາງວັນດັ່ງກ່າວ ກໍຖືວ່າບໍລິສັດເຮົາໄດ້ຮັບກຽດຖືກເລືອກເປັນບໍລິສັດດີເດັ່ນທາງດ້ານການປະກັນໄພໃນປີ 2018 ນີ້ ເຊິ່ງຖືວ່າເປັນກຽດອັນສູງສົ່ງຫຼາຍ ແລະ ໃຫ້ຄໍາໝັ້ນສັນຍາວ່າຈະສືບຕໍ່ສະໜັບສະໜູນ ແລະ ເປັນສ່ວນໜຶ່ງໃນການເຮັດໃຫ້ສະພາການຄ້າ ແລະ ອຸດສາຫະກໍາແຫ່ງຊາດລາວ ມີ ຄວາມເຕີບໃຫຍ່ເຂັ້ມແຂງຂຶ້ນ.

ในภาพอาจจะมี 6 คน, ชุดสูท และข้อความ

ສ່ວນ ທ່ານ ສະຫຍາມ ຣາດມະສູດ ປະທານ ບໍລິສັດ ທິບພະຍະ ປະກັນໄພ ຈຳກັດ ( ສປປ ລາວ ) ກ່າວວ່າ: ລາງວັນນີ້ກໍເປັນລາງວັນທີ່ຢັ້ງຢືນໃຫ້ເຫັນເຖິງຄຸນນະພາບຂອງ ບໍລິສັດ ທິບພະຍະປະກັນໄພ ວ່າເປັນບໍລິສັດທີ່ຢຶດຖື ຄວາມຖືກຕ້ອງເປັນຫຼັກ ແລະ ສາມາດສ້າງຄວາມເຊື່ອໝັ້ນໃຫ້ກັບລູກຄ້າໃນອະນາຄົດວ່າໃນບັນດາທັງໝົດ 24 ບໍລິສັດປະກັນໄພນີ້ ບໍລິສັດພວກເຮົາເປັນພຽງບໍລິສັດດຽວທີ່ຖືກເລືອກໃຫ້ເປັນບໍລິສັດທີ່ມີຄຸນນະພາບ ແລະ ສ້າງຄວາມເຊື່ອໝັ້ນໃຫ້ກັບຜູ້ບໍລິໂພກໄດ້. ນອກນັ້ນ, ທາງບໍລິສັດຍັງຈະພັດທະນາຜະລິດຕະພັນຂອງພວກເຮົາໃຫ້ທັນສະໄໝ ເພື່ອໃຫ້ມັນກົງກັບສິ່ງທີ່ລູກຄ້າຕ້ອງການ.

ທ່ານ ຫໍລະດີ ວໍລະຣາດ ກ່າວຕື່ມວ່າ: ໃນປັດຈຸບັນນີ້ ບໍລິສັດມີຫຼາຍຜະລິດຕະພັນອອກມາຮັບໃຊ້ສັງຄົມ ເຊັ່ນ: ປະກັນໄພລົດ, ອັກຄີໄພ, ທີ່ຢູ່ອາໄສ, ປະກັນສຸຂະພາບ, ປະກັນອຸບັດເຫດ, ແຮງງານ, ປະກັນຊີວິດ, ປະກັນຂົນສົ່ງສິນຄ້າ, ການກໍ່ສ້າງ, ການເດີນທາງ – ທ່ອງທ່ຽວ ແລະ ຂະແໜງການອື່ນໆ. ນອກນັ້ນ, ພວກເຮົາກໍາລັງສຶກສາຄົ້ນຄວ້າຫາຜະລິດຕະພັນອັນໃໝ່ໃຫ້ກົງກັບຄວາມຕ້ອງການຂອງລູກຄ້າ ແລະ ມີລາຄາທີ່ເໝາະສົມກັບກໍາລັງເງິນຂອງເຂົາເຈົ້າຕື່ມອີກ. ສ່ວນການຂະຫຍາຍສາຂາ ແລະ ຕົວແທນຂອງບໍລິສັດພວກເຮົາກໍມີສໍານັກງານຢູ່ໃນນະຄອນຫຼວງວຽງຈັນ, ມີສາຂາຢູ່ແຂວງສະຫວັນນະເຂດ, ມີຫ້ອງການຕົວແທນປະຈໍາຢູ່ທຸກແຂວງ. ນອກຈາກນັ້ນ, ກໍມີພະນັກງານແກ້ໄຂອຸບັດເຫດ ເພື່ອໃຫ້ການບໍລິການແກ່ລູກຄ້າຢູ່ພາຍໃນເມືອງຕ່າງໆ ຖ້າຕົວເມືອງໃດທີ່ມີຊຸມຊົນກວ້າງໃຫຍ່ ຫຼື ມີການສັນຈອນທີ່ໜາແໜ້ນ ພວກເຮົາກໍຈັດຕັ້ງໃຫ້ມີພະນັກງານຂອງພວກເຮົາບໍລິການຢ່າງໃກ້ຊິດ ເພື່ອໃຫ້ມີຄວາມສະດວກ ແລະ ວ່ອງໄວທັນໃຈລູກຄ້າ ແລະ ໃນປີ 2019 ນີ້ຈະພະຍາຍາມສ້າງໃຫ້ທຸລະກິດຂອງພວກເຮົາສືບຕໍ່ຂະຫຍາຍຕົວຂຶ້ນໄປເລື້ອຍໆ ເພື່ອຮັບໃຊ້ສັງຄົມຢ່າງຍຸຕິທໍາ ແລະ ປັບປຸງການບໍລິການລູກຄ້າໃຫ້ນັບມື້ດີຂຶ້ນ ພ້ອມທັງວ່ອງໄວກວ່າເກົ່າ.

ในภาพอาจจะมี หนึ่งคนขึ้นไป และชุดสูท

ທ່ານ ສະຫຍາມ ຣາດມະສູດ ໄດ້ກ່າວໃຫ້ຮູ້ຕື່ມວ່າ: ບໍລິສັດພວກເຮົາໃຫ້ຄວາມສໍາຄັນກັບລູກຄ້າເທົ່າທຽມກັນທັງລາຍນ້ອຍ, ລາຍໃຫຍ່ ແຕ່ວ່າສໍາລັບລູກຄ້າລາຍໃຫຍ່ເຮົາກໍຈະມີພະນັກງານບໍລິການຫຼາຍຂຶ້ນ ເພາະວ່າການຄຸ້ມຄອງຈໍານວນຄົນຫຼາຍຂຶ້ນກໍຕ້ອງນໍາໃຊ້ພະນັກງານດູແລຫຼາຍຂຶ້ນເປັນພິເສດ ເຊິ່ງທີ່ສໍາຄັນພວກເຮົາເນັ້ນເລື່ອງການບໍລິການ ແລະ ຄວາມວ່ອງໄວ ເຊິ່ງຖືວ່າມີລູກຄ້າຈໍານວນເພີ່ມຂຶ້ນໃນທຸກໆປີ ສໍາລັບໃນປີນີ້ພວກເຮົາກໍຈະມີການຮັບຕົວແທນປະຈໍາແຂວງຫຼາຍຂຶ້ນ ເພື່ອຮອງຮັບການບໍລິການລູກຄ້າໃຫ້ທົ່ວເຖິງ ແລະ ວ່ອງໄວ.

ในภาพอาจจะมี 13 คน, คนที่ยิ้ม, ผู้คนกำลังยืน และชุดสูท

ໂອກາດດັ່ງກ່າວ ທ່ານປະທານຍັງໄດ້ຝາກເຖິງລູກຄ້າທິບພະຍະ ປະກັນໄພທຸກທ່ານທີ່ພວກເຮົາໄດ້ຮັບລາງວັນນີ້ມາກໍບົ່ງບອກເຖິງການບໍລິການ, ຄວາມຊື່ສັດ, ຄວາມເຊື່ອໝັ້ນ ແລະ ອີກຫຼາຍຢ່າງ, ຂໍໃຫ້ລູກຄ້າທຸກຄົນເຊື່ອໃຈວ່າພວກເຮົາດູແລລູກຄ້າທຸກຄົນຢ່າງດີທີ່ສຸດ ແລະ ຈະບໍລິການໃຫ້ດີທີ່ສຸດພ້ອມທັງພັດທະນາການບໍລິການເພີ່ມຂຶ້ນເລື້ອຍໆ.

%d bloggers like this: