ເຊລຊີ ຢືມ ກອນຊາໂລ່ ອິກວາອິນ ຈາກຢູເວນຕູສ ຈົນຈົບລະດູການ

ເຊລຊີ ບັນລຸຂໍ້ຕົກລົງຂໍຢືມຕົວ ກອນຊາໂລ່ ອິກວາອິນ ກອງໜ້າຂອງ ຢູເວນຕຸສ ມາໃຊ້ວຽກຈົນລະດູການນີ້ເປັນທີ່ຮຽບຮ້ອຍດ້ານຕົວນັກເຕະກໍ່ໃຈສຸດໆ ພ້ອມຕັ້ງເປົ້າສ້ງຜົນງານຕອບແທນຄວາມເຊື່ອໝັ້ນຂອງສະໂມສອນ.

ເຊນຊີ ສະໂມສອນມະຫາເສດຖີແຫ່ງເວທີພີເມຍລີກ ອັງກິດ ປະກາດຢືນຢັນເມື່ອວັນພຸດ ທີ 23 ມັງກອນ ທີ່ຜ່ານມາວ່າ ໄດ້ບັນລຸຂໍ້ຕົກລົງໃນການເຊັນສັນຍາຢືມຕົວ ກວນຊາໂລ່ ອິກວາອິນ ກອງໜ້າດາວຍິງຊາວອາເຈນໄຕ ຂອງຢູເວນຕຸສ  ຍອດສະໂມສອນຈາກອິຕາລີມາຊ່ວຍທີມຈົນຈົບລະດູການນີ້ເປັນທີ່ຮຽບຮ້ອຍ.

ການຍ້າຍເຂົ້າມາຖິ່ນສະແຕັມຟອດ ບຣິດ ເຮັດໃຫ້ດາວຍິງທີມຊາດອັກຊັງຕິນ ອາຍຸ 31 ປີ ໄດ້ກັບມາຮ່ວມວຽກກັບຜູ້ຈັດການທີມ ເມົາລິຊິໂອ ຊາຣີ່ ອີກຄັ້ງ ຫຼັງຈາກໄລຍະເຄິ່ງລະດູການທໍາອິດ ຜ່ານມາ ຍ້າຍໄປຢູ່ກັບ ເອຊີ ມິລານ ແບບສັນຍາຢືມຕົວ ແລະ ຍິງໄດ້ 8 ປະຕູ ຈາກການລົງສະໜາມລວມທຸກລາຍະການ 22 ນັດ.

“ເມື່ອມີໂອກາດໄດ້ຍ້າຍມາ ເຊລຊີ ມັນເປັນສິ່ງທີ່ຕົນຕ້ອງຮີບຄວ້າເອົາໄວ້”  ອິກວາອິນ ເຊິ່ງໄດ້ໃສ່ເສື້ອເບີ 9 ເປີດໃຈ ວ່າ  “ນີ້ຄືສະໂມສອນທີ່ຕົນມັກຢູ່ແລ້ວ, ເປັນສະໂມສອນທີ່ມີປະວັດສາດຍິ່ງໃຫຍ່, ມີສະໜາມທີ່ໂດດເດັ່ນ ແລະ ຫຼິ້ນລົງແຂ່ງຂັນໃນເວມີພຣີເມຍ ລີກ ເຊິ່ງເປັນລີກທີ່ຕົນຢາກມາສຳຜັດດົນແລ້ວ”

“ຕົນຫວັງວ່າຈະສາມາດຕອບແທນຄວາມເຊື່ອໝັ້ນທີ່ ເຊລຊີ ມອບໃຫ້ດ້ວຍຜົນງານທີ່ໂດດເດັ່ນໃນສະໜາມ ແລະ ອົດໃຈຖ້າບໍ່ໄຫວແລ້ວແທ້ໆ ທີ່ຈະໄດ້ເລິ່ມຕົ້ນກັບສິ່ງທີ່ທ້າທາຍທີ່ນີ້ ແລະ ກໍ່ຫວັງວ່າຈະສາມາດປັບຕົວເຂົ້າກັບທີມໃໝ່ໄດ້ໂດຍໄວທີ່ສຸດ”.

 

ຮູບຈາກ twitter/ChelseaFC

%d bloggers like this: