ເລັ່ງຄອດ RCEP

ເລັ່ງຄອດ RCEP

ສະບັບກ່ອນນຳສະເໜີເຂດການຄ້າ CPTPP ທີ່ຖືວ່າເປັນເຂດການຄ້າເສລີຄັ້ງທຳອິດຢູ່ ອາຊີ – ປາຊີຟິກ.

ສະບັບນີ້ຈະນຳສະເໜີເຂດການ         ຄ້າເສລີອີກເຂດໜຶ່ງທີ່ມີຊື່ເຕັມວ່າ:                      Regional Comprehensive Economic PartnerShip ( RCEP ) ຫຼື ພວກເຮົາມັກໄດ້ຍິນ ຫຼື ເຫັນຕາມສື່ມວນຊົນວ່າ ( ອາຊຽນ + 6 ) ເຊິ່ງປະກອບດ້ວຍກຸ່ມປະເທດອາຊຽນ 10 ປະເທດ ແລະ 6 ປະເທດຄູ່ເຈລະຈາ ຄື: ສປ ຈີນ, ຍີ່ປຸ່ນ, ສ.ເກົາຫຼີ, ອິນເດຍ, ອົດສະຕຣາລີ ແລະ ນູແວນເຊລັງ. ກຸ່ມນີ້ ຫຼື ເອີ້ນວ່າຄູ່ຮ່ວມມືນີ້ເກີດຂຶ້ນໃນກອງປະຊຸມສຸດຍອດຜູ້ນຳອາຊຽນ ( ASEAN SUMMIT ) ທີ່ປະເທດກຳປູເຈຍ ລະຫວ່າງວັນທີ 18 – 20 ພະຈິກ 2012 ເຊິ່ງການເຈລະຈາສ້າງຕັ້ງກຸ່ມເລີ່ມແຕ່ຕົ້ນປີ 2014 ເປັນຕົ້ນມາ.

 

RCEP ຈະກາດເປັນເຂດການຄ້າເສລີທີ່ໃຫຍ່ທີ່ສຸດໃນໂລກ ບົນເວທີ East – Asia Summit ຂະນະດຽວກັນລັດຖະມົນຕີການຄ້າ ຂອງ ສປ ຈີນ, ຍີ່ປຸ່ນ ແລະ ສ.ເກົາຫຼີ ກໍອາໄສເວທີດັ່ງກ່າວປະກາດການເຈລະຈາການຄ້າເສລີລະດັບໄຕຣພາຄີເຊັ່ນດຽວກັນ; RCEP ເປັນການຕົກລົງທີ່ຈະພັດທະນາຕໍ່ຍອດການຄ້າເສລີອາຊຽນ ມີຢູ່ 5 ສະບັບ ກັບປະເທດຄູ່ເຈລະຈາທັງ 6 ປະເທດ ໃຫ້ເປັນຄວາມຕົກລົງທາງການຄ້າເສລີຮ່ວມສະບັບດຽວກັນ ໂດຍຂະຫຍາຍຄວາມຮ່ວມມືຈາກການຄ້າ ເຊັ່ນ: ການລົງທຶນໂຄງສ້າງພື້ນຖານ ແລະ ການຖ່າຍໂອນເຕັກໂນໂລຊີ ພາຍໃຕ້ຂໍ້ຕົກລົງ RECP ຈະກາຍເປັນຕະຫຼາດການຄ້າທີ່ໃຫຍ່ທີ່ສຸດແຫ່ງໜຶ່ງຂອງໂລກ ດ້ວຍປະຊາກອນລວມກັນຫຼາຍກວ່າ 3 ພັນລ້ານຄົນ ແລະ ມູນຄ່າເສດຖະກິດຫຼາຍກວ່າ 17,1 ພັນຕື້ໂດລາສະຫະລັດ.

RCEP ຂອງ 16 ປະເທດ ອາຊີ – ປາຊີຟິກ ເປັນຕະຫຼາດໃຫຍ່ ດ້ວຍຂະໜາດເສດຖະກິດ 30% ຂອງ GDP ໂລກ ແລະ ບາງຝ່າຍຍັງປະເມີນວ່າ RCEP ອາດໃຫ້ປະໂຫຍດແກ່ອາຊຽນຫຼາຍກວ່າ AEC ອີກ. ພ້ອມນີ້, RCEP ຈະເພີ່ມການດຶງດູດໃຫ້ອາຊຽນ ແລະ ສາມາດຕໍ່ລອງຜົນປະໂຫຍດໃນເວທີອາຊຽນ.

 

ປີ 2018 ຜ່ານມາ ໄດ້ມີຄວາມພະຍາຍາມເລັ່ງຂະບວນການເຈລະຈາໃຫ້ປະສົບຜົນສຳເລັດ ເພື່ອມຸ່ງໜ້າໄປສູ່ຂໍ້ຕົກລົງການຄ້າທີ່ສົມບູນ ແລະ ມີປະສິດທິຜົນ.

ປີ 2019 ຄາດວ່າຈະມີການເລັ່ງຄອດ RCEP ໃຫ້ສຳເລັດ ເຊິ່ງປະເທດໄທ ໃນຖານະເປັນປະທານອາຊຽນ ກໍໄດ້ກະກຽມໃຫ້ເກີດກອງປະຊຸມ RCEP ຢູ່ບາຫຼີ ປະເທດອິນໂດເນເຊຍ. RCEP ຖືເປັນອີກເຂດການຄ້າເສລີທີ່ຖືກສ້າງຕັ້ງຂຶ້ນຢູ່ ອາຊີ – ປາຊີຟິກ ( ອີງຕາມແຫຼ່ງຂ່າວຈາກຕ່າງປະເທດ ).

ຫວນຄືນການເກີດຂຶ້ນຂອງສອງກຸ່ມການຄ້າເສລີຢູ່ ອາຊີ – ປາຊີຟິກ ນີ້ຕ້ອງກ່າວເຖິງກຸ່ມທຳອິດ ຄື: TPP ເຊິ່ງເວລານັ້ນລັດຖະບານອາເມຣິກາ ນຳໂດຍປະທານາທິບໍດີ ບາຣັກ ໂອບາມາ ໄດ້ພະຍາຍາມສ້າງກຸ່ມນີ້ຂຶ້ນ ເພື່ອຕໍ່ລອງກັບການຂະຫຍາຍຕົວທາງການຄ້າຂອງ ສປ ຈີນ, ສ່ວນກຸ່ມ RCEP ແມ່ນ ສປ ຈີນ ຊຸກຍູ້ໃຫ້ເກີດຂຶ້ນ ເພື່ອປະເຊີນກັບການຂະຫຍາຍອິດທິພົນຂອງອາເມຣິກາ ໃນຂົງເຂດ.

 

ມາບັດນີ້ ອາເມຣິກາ ຖອນອອກຈາກ TPP ແຕ່ກໍບໍ່ໝາຍຄວາມວ່າຈະບໍ່ເກີດມີກຸ່ມນີ້, ບໍ່ມີອາເມຣິກາ ກຸ່ມນີ້ກໍປ່ຽນມາເປັນ CPTPP ແລະ ບັນລຸຂໍ້ຕົກລົງກັນແລ້ວ. ສະນັ້ນ, ປີ 2019 ເມື່ອ RCEP ບັນລຸຂໍ້ຕົກລົງ ທັງສອງກຸ່ມຍິ່ງເພີ່ມທະວີການປະສານງານທາງດ້ານການຄ້າຂາຍ ແລະ ສົ່ງເສີມການລົງທຶນເຊິ່ງກັນ ແລະ ກັນ.

ປີ 2019 ຖືເປັນປີເງິນ – ປີຄຳຂອງ           ອາຊີ – ປາຊີຟິກ.

 

( ຈົບ )

( ທິດດີ )

%d bloggers like this: