ຕະຫຼາດກາເຟລາວຍັງສົດໃສ ແຕ່ຍັງຂາດທຶນໝູນວຽນໃສ່ການຜະລິດເພື່ອສົ່ງອອກ

ເມື່ອເວົ້າເຖິງກາເຟໃນປະເທດລາວ ຫຼາຍຄົນກໍຄົງຈະນຶກເຖິງເມືອງປາກຊ່ອງ ແຂວງຈໍາປາສັກ ທີ່ເປັນບໍ່ກໍາເນີດກາເຟລາວທີ່ມີຊື່ສຽງໄປທົ່ວໂລກ ເນື່ອງຈາກເປັນເຂດພູໄຟເກົ່າ ແລະ ເໝາະສົມແກ່ການປູກກາເຟທີ່ດີທີ່ສຸດໃນອາຊຽນ ເຊິ່ງໄລຍະຜ່ານມາຕະຫຼາດເອີຣົບ ກໍຄືປະເທດເພື່ອນບ້ານຍັງຕ້ອງການກາເຟຈາກເຂດພູພຽງບໍລະເວນຫຼາຍພັນໂຕນຕໍ່ປີ, ຂະນະທີ່ຜູ້ປະກອບການພາຍໃນທີ່ເຮັດທຸລະກິດກາເຟສົ່ງອອກ ຍັງຂາດສະພາບຄ່ອງທາງດ້ານການເງິນກໍຄືທຶນໝູນວຽນ ໂດຍສະເພາະແມ່ນເງິນກູ້ດອກເບ້ຍຕໍ່າ ຈຶ່ງວອນພາກລັດຫາທາງອອກຊ່ວຍ ເພື່ອໃຫ້ສາມາດຜະລິດ – ສົ່ງອອກໄດ້ຫຼາຍຂຶ້ນ.

ທ່ານ ສີວິໄຊ ໄຊຍະແສງ ຫົວໜ້າຫ້ອງການສະມາຄົມກາເຟລາວ

■ ທ່ານ ສີວິໄຊ ໄຊຍະແສງ ຫົວໜ້າຫ້ອງການສະມາຄົມກາເຟລາວ ເປີດເຜີຍວ່າ: ປັດຈຸບັນເນື້ອທີ່ປູກກາເຟໃນທົ່ວປະເທດມີຢູ່ 10 ແຂວງ. ໃນນີ້, 80% ແມ່ນຢູ່ເຂດພູພຽງບໍລະເວນ ແລະ ມີສະມາຊິກທັງໝົດ 57 ຫົວໜ່ວຍທຸລະກິດ; ສໍາລັບເນື້ອທີ່ປູກກາເຟໃນ 4 ແຂວງພາກໃຕ້ ສົກປີ 2018 ມີທັງໝົດ 73.255 ເຮັກຕາ ແລະ ເນື້ອທີ່ໃຫ້ໝາກ 66.838 ເຮັກຕາ; ສ່ວນການສົ່ງອອກໄປຍັງເອີຣົບ, ອາເມຣິກາ ແລະ ອາຊຽນ ໃນປີ 2017 ຈໍານວນ 32 ພັນໂຕນ ມູນຄ່າ 83 ລ້ານໂດລາ ແຕ່ມາເຖິງປີ 2018 ຍອດສົ່ງອອກຫຼຸດລົງມີພຽງແຕ່ 26 ພັນໂຕນ ມູນຄ່າ 55 ລ້ານໂດລາ.

ในภาพอาจจะมี สถานที่กลางแจ้ง

ສໍາລັບລາຄາກາເຟຂອງຕະຫຼາດໂລກ ໃນປີ 2017 – 2018 ປະມານ 2.500 – 2.600 ໂດລາຕໍ່ໂຕນ. ໃນນີ້, ລາຄາທີ່ບໍລິສັດຊື້ນໍາປະຊາຊົນປະເພດກາເຟໝາກແດງ ລາຄາ 2.200 – 3.000 ກີບຕໍ່ກິໂລ ແລະ ໝາກຂາວ ລາຄາ 14.000 – 15.200 ກີບຕໍ່ກິໂລ ແລະ ສໍາລັບປີ 2018 – 2019 ລາຄາກາເຟ 2.200 – 2.300 ໂດລາຕໍ່ໂຕນ. ໃນນີ້, ປະເພດໝາກແດງ 2.000 – 2.500 ກີບຕໍ່ກິໂລ ແລະ ໝາກຂາວ 12.000 – 14.000 ກີບຕໍ່ກິໂລ.
ທ່ານອະທິບາຍຕື່ມວ່າ: ຕະຫຼາດກາເຟລາວສົ່ງອອກສ່ວນໃຫຍ່ແມ່ນ ສສ ຫວຽດນາມ ກວມ 80%, ຮອງລົງມາແມ່ນໄທ ແລະ ເອີຣົບ ຕາມລໍາດັບ ເຊິ່ງໄລຍະຜ່ານມາຕະຫຼາດເອີຣົບ ແມ່ນຕະຫຼາດຫຼັກຂອງກາເຟລາວ ແຕ່ເນື່ອງຈາກການຂາຍຝາກຈຶ່ງເຮັດໃຫ້ຫຼາຍບໍລິສັດຫຼຸບທຶນ ແລະ ລົ້ມລະລາຍ ຈຶ່ງເປັນເຫດຜົນທີ່ຕ້ອງສົ່ງຂາຍໃຫ້ບໍລິສັດໃນປະເທດອາຊຽນຫຼາຍກວ່າ ເພາະໄດ້ເງິນສົດ ແລະ ປະຢັດເວລາ.

ในภาพอาจจะมี ต้นพืช, ดอกไม้ และอาหาร

ສໍາລັບບັນຫາທີ່ພົບໃນປັດຈຸບັນນີ້ ສະມາຄົມກາເຟ ກໍາລັງສະເໜີຕໍ່ຂັ້ນເທິງພິຈາລະນາກ່ຽວກັບການເກັບຄ່າທໍານຽມຢູ່ໃນແຕ່ລະແຂວງໃຫ້ມີຄວາມເປັນເອກະພາບກັນ ແລະ ຫຼຸດອາກອນກໍາໄລລົງຕື່ມ ເນື່ອງຈາກປູກກາເຟຕ້ອງໃຊ້ເວລາ 3 ປີ ຈຶ່ງຈະໄດ້ຮັບຜົນຜະລິດ. ນອກນັ້ນ, ກໍສະເໜີທາງລັດຖະບານເລື່ອງການສະໜອງແຫຼ່ງທຶນ ເພື່ອສະໜັບສະໜູນໃຫ້ທັນກັບລະດູການ ລວມທັງຈະສ້າງກອງທຶນເພື່ອຊ່ວຍເຫຼືອສະມາຊິກ ຫຼື ເປັນຄັງສໍາຮອງໄວ້ໃນຍາມວິກິດ.

ທ່ານ ວິຈິດ ແກ້ວບົວພາ ເຈົ້າເມືອງໆປາກຊ່ອງ

■ ທ່ານ ວິຈິດ ແກ້ວບົວພາ ເຈົ້າເມືອງໆປາກຊ່ອງ ໃຫ້ສໍາພາດວ່າ: ປະຊາຊົນສ່ວນໃຫຍ່ແມ່ນຢຶດຖືອາຊີບປູກກາເຟ ເພາະເປັນສິນຄ້າຍືນຍົງມີຄວາມຕ້ອງການສູງ ແລະ ມີຕະຫຼາດຮອງຮັບຖາວອນ ສະເລ່ຍຍອດຜະລິດກາເຟໃນແຕ່ລະປີບໍ່ຫຼຸດ 50 ພັນໂຕນ ( ນັບທັງບໍລິສັດລົງທຶນປູກ ແລະ ປະຊາຊົນ ); ສໍາລັບສິນຄ້າສົ່ງອອກນັ້ນກາເຟກວມເອົາ 70% ຂອງສິນຄ້າທັງໝົດ ເຊິ່ງໄລຍະຜ່ານມາມີຫຼາຍບໍລິສັດທັງພາຍໃນ ແລະ ຕ່າງປະເທດ ທີ່ລົງທຶນປູກ, ເກັບຊື້, ຜະລິດ ແລະ ສົ່ງອອກ ໜຶ່ງໃນນັ້ນກໍແມ່ນ ບໍລິສັດ ເພັດສະຫວ່າງ ຮ່ວມພັດທະນາກາເຟ ເປັນບໍລິສັດຄົນລາວທີ່ນອນຢູ່ໃນແຖວໜ້າຂອງຜູ້ປະກອບການກາເຟລາວທີ່ມີຊື່ສຽງ ເຊິ່ງໄດ້ສົ່ງເສີມປະຊາຊົນປູກ ແລະ ເກັບຊື້ເພື່ອຜະລິດເປັນສິນຄ້າສົ່ງອອກ ທັງເປັນການສ້າງວຽກເຮັດງານທໍາໃຫ້ກັບປະຊາຊົນທ້ອງຖິ່ນເປັນຈໍານວນຫຼາຍ.

ในภาพอาจจะมี ต้นพืช, ต้นไม้, สถานที่กลางแจ้ง และธรรมชาติ

ສໍາລັບລາຄາກາເຟໃນປີ 2019 ນີ້ຖືວ່າບໍ່ຄ່ອຍດີປານໃດ ແຕ່ບໍລິສັດດັ່ງກ່າວກໍຍັງໄດ້ຊ່ວຍຮັບຊື້ນໍາປະຊາຊົນທີ່ໄດ້ເກັບມາຂາຍຢູ່ເລື້ອຍໆໃນລາຄາຕາມທ້ອງຕະຫຼາດ. ນອກຈາກນັ້ນ, ກໍໄດ້ປະກອບສ່ວນທາງດ້ານວັດຖຸ ແລະ ປັດໄຈ ເພື່ອຊຸກຍູ້ວຽກງານສໍາຄັນຂອງເມືອງປາກຊ່ອງເປັນປະຈໍາ “ ທ່ານເຈົ້າເມືອງກ່າວ ”.

■ ທ່ານ ນາງ ລັດສະໝີ ວົງພັກດີ ປະທານ ບໍລິສັດ ເພັດສະຫວ່າງ ຮ່ວມພັດທະນາກາເຟ ໃຫ້ຮູ້ຕື່ມວ່າ: ພວກເຮົາເລີ່ມຕົ້ນປູກກາເຟ ນັບແຕ່ປີ 2008 – 2012 ໃນເນື້ອທີ່ດິນຕົນເອງຈໍານວນ 300 ເຮັກຕາ ມູນຄ່າການລົງທຶນ 50 ຕື້ກີບ ລວມທັງໂຮງງານອີກ 6 ລ້ານໂດລາ ໄວ້ສໍາລັບຜະລິດກາເຟ, ແຕ່ມາເຖິງປີ 2013 ຖືກໄພທໍາມະຊາດ ( ນໍ້າໝອກເກືອ ) ປົກຄຸມເນື້ອທີ່ສວນດັ່ງກ່າວເປັນເວລາ 2 ເດືອນ ເຮັດໃຫ້ຕົ້ນກາເຟຕາຍໝົດ ຈຶ່ງສົ່ງຜົນໃຫ້ບໍລິສັດຂັດສົນດ້ານການເງິນ ເນື່ອງຈາກຕ້ອງໄດ້ຈ່າຍດອກເບ້ຍທະນາຄານທຸກໆເດືອນ ແຕ່ເນື່ອງຈາກມີໂຮງງານແລ້ວກໍໄດ້ຮັບຊື້ກາເຟນໍາປະຊາຊົນທີ່ເຮົາສົ່ງເສີມປູກເຮັດໃຫ້ທຸລະກິດພໍໄປລອດ.

ในภาพอาจจะมี 1 คน
ຄຽງຄູ່ກັນນັ້ນ, ລັດຖະບານໄດ້ເຫັນ ຄວາມຈໍາເປັນຂອງບໍລິສັດກໍໃຫ້ການຊ່ວຍເຫຼືອດ້ວຍເງິນກູ້ດອກເບ້ຍຕໍ່າ ໃນປີ 2017 ຈໍານວນ 13 ຕື້ກີບ ແລະ ປີ 2018 ອະນຸມັດເພີ່ມອີກ 10 ຕື້ກີບ ເພື່ອຊ່ວຍໃຫ້ບໍລິສັດມີທຶນໝູນວຽນ ແຕ່ສິ່ງໜຶ່ງທີ່ເປັນການຢັ້ງຢືນເຖິງຄວາມພ້ອມຂອງບໍລິສັດແມ່ນ ມີໂຮງງານທີ່ທັນສະໄໝ, ສາມາດຜະລິດກາເຟໄດ້ 40 ໂຕນຕໍ່ມື້ ແລະ ກາເຟມີຄຸນນະພາບຕາມມາດຕະຖານຂອງຕະຫຼາດ ລວມທັງມີວັດຖຸດິບສະໜອງໂຮງງານໝົດປີ ກໍເປັນປັດໄຈໜຶ່ງທີ່ບໍລິສັດຕ່າງປະເທດສັ່ງຊື້ ນໍາພວກເຮົາ. ສໍາລັບຕະຫຼາດສົ່ງອອກ ຫຼັກຂອງບໍລິສັດຍັງແມ່ນໄທ ກວມ 70%, ສ່ວນທີ່ເຫຼືອແມ່ນສົ່ງໄປ ສສ ຫວຽດນາມ, ສປ ຈີນ, ສ.ເກົາຫຼີ, ກໍາປູເຈຍ ແລະ ອື່ນໆ ໂດຍສະເລ່ຍກາເຟສໍາເລັດຮູບເກຣດ A ສົ່ງອອກປະມານ 300 – 400 ໂຕນຕໍ່ເດືອນ.

ທ່ານ ສີສຸກ ວົງພັກດີ ອໍານວຍການ ບໍລິສັດ ເພັດສະຫວ່າງ ແລະ ທ່ານ ນາງ ລັດສະໝີ ວົງພັກດີ ປະທານ ບໍລິສັດ ເພັດສະຫວ່າງ ຮ່ວມພັດທະນາກາເຟ

■ ທ່ານ ສີສຸກ ວົງພັກດີ ອໍານວຍການ ບໍລິສັດ ເພັດສະຫວ່າງ ຮ່ວມພັດທະນາກາເຟ ລູກຊາຍຂອງ ທ່ານ ນາງ ລັດສະໝີ ວົງພັກດີ ທັງເປັນນັກທຸລະກິດສືບທອດ ຮຸ່ນ 2 ເຊິ່ງຕໍາແໜ່ງທາງສັງຄົມທ່ານເປັນຄະນະບໍລິຫານງານກາເຟລາວ ໄດ້ອະທິບາຍຕື່ມວ່າ: ໂຮງງານພວກເຮົາແມ່ນເກັບຊື້ – ຜະລິດແລ້ວສົ່ງອອກຕະຫຼອດປີ ເຊິ່ງໄລຍະຜ່ານມາພາກລັດໄດ້ສົ່ງເສີມເລື່ອງການສົ່ງອອກ, ຍົກເວັ້ນອາກອນກໍາໄລ ແລະ ການນໍາເຂົ້າກົນຈັກ ແຕ່ສິ່ງທີ່ຢາກໃຫ້ເພິ່ນຊ່ວຍແມ່ນສົ່ງເສີມດ້ານທຶນຮອນ ປັດຈຸບັນພວກເຮົາຕ້ອງການທຶນໝູນວຽນເພື່ອມາຊື້ກາເຟນໍາປະຊາຊົນ 3 ຕື້ກີບຕໍ່ມື້ ເນື່ອງຈາກປະຊາຊົນທີ່ມາຂາຍກາເຟເຂົາຕ້ອງການເງິນສົດ.

ในภาพอาจจะมี สถานที่กลางแจ้ง

ຂໍ້ມູນຈາກພະແນກອຸດສາຫະກຳ ແລະ ການຄ້າ ແຂວງຈໍາປາສັກ ລະບຸວ່າ: ກາເຟຖືເປັນສິນຄ້າສົ່ງອອກຫຼັກ, ຮອງລົງມາແມ່ນພືດຜັກ, ໝາກໄມ້, ມັນຕົ້ນ ແລະ ອື່ນໆ ເວົ້າສະເພາະກາເຟເມັດ ( ໝາກຊ້ອມ ) ທຽບໃສ່ແຜນປີ 2018 ປະຕິບັດໄດ້ 70% ກວມເອົາ 40% ຂອງສິນຄ້າສົ່ງອອກກະສິກຳ ເຊິ່ງປະກອບມີ: ກາເຟນ້ອຍ ( Arabica ) ເກືອບ 19 ພັນໂຕນ, ກາເຟກາງ ( Robusta ) 10,5 ພັນໂຕນ ແລະ ກາເຟມິກ ( Excelsa ) 1,5 ພັນໂຕນ ລວມທັງໝົດ 30.675,96 ໂຕນ ຄິດເປັນມູນຄ່າສົ່ງອອກ 66 ລ້ານໂດລາສະຫະລັດ.

ในภาพอาจจะมี 1 คน, สถานที่กลางแจ้ง

ພວກເຮົາຮູ້ນໍາກັນແລ້ວວ່າ: ກາເຟລາວເປັນທີ່ຕ້ອງການຫຼາຍຈາກປະເທດເພື່ອນບ້ານ ເຊິ່ງບັນຫາດັ່ງກ່າວຮຽກຮ້ອງໃຫ້ພາກລັດສືບຕໍ່ສະໜັບສະໜູນດ້ານທຶນຮອນກໍຄືສິນເຊື່ອ ຕ້ອງໃຫ້ສົມດຸນໃນແຕ່ລະຫົວໜ່ວຍທຸລະກິດ ເນື່ອງຈາກຄົນລາວເຮົາກໍສາມາດຜະລິດກາເຟຄຸນນະພາບສາມາດຈຳໜ່າຍໃນຕະຫຼາດໂລກໄດ້ ແລະ ມີຕະຫຼາດຮອງຮັບຖາວອນຢູ່ແລ້ວ ແຕ່ລົງທຶນໃສ່ກະສິກຳຕ້ອງໃຊ້ເວລາດົນກວ່າຈະໄດ້ຮັບຜົນຜະລິດ ຍົກຕົວຢ່າງ: ການປູກກາເຟ ກວ່າຈະເປັນໝາກຕ້ອງ 3 ປີເປັນຢ່າງຕໍ່າ. ສະນັ້ນ, ຈຶ່ງສະເໜີໃຫ້ພາກລັດຄວນສ້າງໂອກາດໃນການເຂົ້າເຖິງແຫຼ່ງທຶນຂອງຜູ້ປະກອບການໃຫ້ຫຼາຍຂຶ້ນ.

ไม่มีคำอธิบายรูปภาพ
ສໍາລັບສວນກາເຟ 300 ເຮັກຕາ ຂອງບໍລິສັດ ເພັດສະຫວ່າງ ຮ່ວມພັດທະນາກາເຟ ໃນປັດຈຸບັນແມ່ນເປັນບ່ອນລ້ຽງງົວ 400 – 500 ໂຕ ຖ້າຫາກພາກລັດມີນະໂຍບາຍດ້ານທຶນຮອນມາສົ່ງເສີມພວກເຂົາກໍສາມາດປູກຄືນໄດ້.

ในภาพอาจจะมี สถานที่ในร่ม

ไม่มีคำอธิบายรูปภาพ

ในภาพอาจจะมี ท้องฟ้า, สถานที่กลางแจ้ง และธรรมชาติ

 

 

%d bloggers like this: