ກໍາປູເຈຍ-ມຽນມາ ບໍ່ພໍໃຈ ອີຢູ ປ່ຽນມາດຕະການກັບມາເກັບພາສີເຂົ້າຈ້າວ

ກໍາປູເຈຍ ແລະ ມຽນມາ ສະແດງທ່າທີຄວາມບໍ່ພໍໃຈຢ່າງໜັກຕໍ່ສະຫະພາບເອີຣົບທີ່ປ່ຽນລະບົບກັບມາເກັບພາສີເຂົ້າຈ້າວຂອງທັງສອງປະເທດອີກຄັ້ງ ໂດຍ ອີຢູ ໃຫ້ເຫດຜົນວ່າສິນຄ້າຈາກທັງສອງປະເທດສົ່ງອອກສູ່ເອີຣົບຫຼາຍເກີນໄປສົ່ງຜົນກະທົບຕໍ່ຜູ້ຜະລິດໃນພາກພື້ນ.

ສໍານັກຂ່າວຕ່າງປະເທດລາຍງານຈາກນະຄອນຫຼວງພະນົມເປນ ປະເທດກໍາປູເຈຍ ເມື່ອວັນສຸກ ທີ 18 ມັງກອນ ວ່າ ພາຍຫຼັງຄະນະກໍາມາທິການເອີຣົບ (EC: European Commission) ເຊິ່ງເປັນຝ່າຍບໍລິຫານຂອງສະຫະພາບເອີຣົບ (EU: European Union) ປະກາດອັດຕາການເກັບພາສີເປັນຂັ້ນ ສໍາລັບເຂົ້າຈ້າວທີ່ນໍາເຂົ້າຈາກກໍາປູເຈຍ ແລະ ມຽນມາ ໃນອັດຕາ 175 ເອີໂຣຕໍ່ໂຕ້ນ ໃນປີທໍາອິດ (ປະມານ 1.700.000 ກີບ) ເລິ່ມຕັ້ງແຕ່ວັນສຸກ ທີ່ຜ່ານມາ ກ່ອນຫຼຸດລົງມາເຫຼືອ 150 ເອີໂຣຕໍ່ໂຕ້ນ ໃນປີທີ 2 (ປະມານ 1.450.000 ກີບ) ແລະ ຫຼຸດລົງອີກເຫຼືອ 125 ເອີໂຣຕໍ່ໂຕ້ນ ໃນປີທີ 3 (ປະມານ 1.215.000 ກີບ) ເພື່ອຫວັງໃຫ້ຂອບເຂດໄລຍະເວລາດຳເນີນການ 3 ປີ ດັ່ງກ່າວ ສາມາດຫຼຸດຜ່ອນການສົ່ງອອກເຂົ້າຈ້າວເຂົ້າສູ່ພາກພື້ຶ້ນເອີຣົບຂອງທັງສອງປະເທດ.

ในภาพอาจจะมี ท้องฟ้า, สถานที่กลางแจ้ง และธรรมชาติ

ທັງນີ້ ກໍາປູເຈຍ ແລະ ມຽນມາ ເຄີຍໄດ້ຮັບສິດພິເສດດັ່ງກ່າວ ຈາກການທີ່ທັງສອງປະເທດຢູ່ໃນກຸ່ມປະເທດໄດ້ຮັບສິດພິເສດທາງການຄ້າທີ່ເປັນການມອບໂຄຕາສົ່ງອອກສິນຄ້າເປັນກໍລະນີພິເສດໃຫ້ແກ່ “ກຸ່ມປະເທດພັດທະນາໜ້ອຍທີ່ສຸດ” (Least Developed Countries: LLDGs ) ເພື່ອຊ່ວຍກະຕຸ້ນເສດຖະກິດຂອງກຸ່ມປະເທດເຫຼົ່ານີ້ ໂດຍໂຄຕານັ້ນ ໃຫ້ຍົກເວັ້ນສິນຄ້າຈໍາພວກອາວຸດຍຸດໂທປະກອນ (Everything but Arms: EBA) ຕາມກອບໄລຍະເວລາທີ່ຕົກລົງກັນ.

 

ในภาพอาจจะมี อาหาร

ອີກປະການໜຶ່ງ ລາຍງານຂອງ ອີຊີ ລະບຸວ່າ ປະລິມານເຂົ້າຈ້າວຈາກກໍາປູເຈຍ ແລະ ມຽນມາ ຫຼັ່ງໄຫຼເຂົ້າສູ່ເອີຣົບ ເພິ່ມຂຶ້ນຫຼາຍເຖິງ 89% ໃນໄລຍະລະດູເກັບກ່ຽວ 5 ລະດູການຫຼ້າສຸດ ເຊິ່ງເປັນການຕັດລາຄາ ແລະ ສົ່ງຜົນກະທົບຢ່າງໜັກຕໍ່ຜົນຜະລິດປະເພດດຽວກັນຈາກປະເທດສະມາຊິກອີຢູບໍ່ວ່າຈະເປັນອິຕາລີ, ຝຣັ່ງ, ໂປຕຸເກດ, ຮັງກາລີ, ກີຊ, ໂຣມານີ ແລະ ບັງກາລີ ເຊິ່ງເຫຼືອສ່ວນແບ່ງທາງການຕະຫຼາດເຂົ້າຈ້າວໃນເອີຣົບ ເມື່ອປີທີ່ຜ່ານມາ ພຽງ 29% ຈາກທີ່ເຄີຍມີສ່ວນແບ່ງສູງເຖິງ 61% ໂດຍອິຕາລີຮັບໜ້າທີ່ເປັນຜູ້ນຳໃນການເດີນເລື່ອງນີ້ຕໍ່ອີຢູ ເມື່ອປີຜ່ານມາ.

ในภาพอาจจะมี เมฆ, ท้องฟ้า, สถานที่กลางแจ้ง และธรรมชาติ

ດ້ານກະຊວງການຄ້າຂອງກໍາປູເຈຍ ອອກຖະແຫຼງການປະນາມຕໍ່ມາດຕະການຂອງອີຊີຢ່າງໜັກ ວ່າ ໃຊ້ມາດຕະການກົດດັນທາງການຄ້າ ເປັນ “ອາວຸດ” ເພື່ອ “ທຳລາຍຄອບຄົວຊາວກະສິກອນ ” ໃນປະເທດ ແລະ ເປີດເຜີຍສະຖິຕິຂອງຕົວເອງ ວ່າ ຈາກຜົນຜະລິດເຂົ້າຈ້າວຕະຫຼອດປີ ທີ່ຜ່ານມາ 625.000 ໂຕ້ນ ມີພຽງເກືອບເຄິ່ງດຽວເທົ່ານັ້ນທີ່ສົ່ງອອກໄປທີ່ຕະຫຼາດອີຢູ ຂະນະທີ່ ທ່ານເຍ ມິນ ອ່ອງ ປະທານສະມາຄົມຜູ້ຜະລິດເຂົ້າແຫ່ງຊາດຂອງມຽນມາ ອອກມາກ່າວປະນາມມາດຕະການຂອງອີຊີ ເຊັ່ນກັນວ່າ ມູນຄ່າການສົ່ງອອກເຂົ້າຈ້າວຈາກມຽນມາໄປອີຢູ ມີລາຍໄດ້ພຽງ 100 ລ້ານໂດລາ ເທົ່ານັ້ນ ເມື່ອປີທີ່ຜ່ານມາ (ປະມານ 972 ຕື້ກີບ) ແລະ ຮຽກຮ້ອງໃຫ້ອີກຝ່າຍຍົກເລີກມາດຕະການດັ່ງກ່າວ ເພາະມຽນມາ “ມີບັນຫາຫຼາຍຢູ່ແລ້ວ” ອີກປະການໜຶ່ງຜູ້ສັນທະນາການເຊື່ອວ່າອີຢູຕ້ອງການໃຊ້ມາດຕະການນີ້ ເພື່ອເພິ່ມແຮງກົດດັນເລື່ອງການເມືອງພາຍໃນກໍາປູເຈຍ ແລະ ສະຖານະການໃນລັດຍະໄຂ່ຂອງມຽນມາ.

%d bloggers like this: