ຮັກສາຜິວໃຫ້ນຽນນຸ້ມ ພ້ອມຫຼຸດຮອຍດ່າງດໍາດ້ວຍກາກກາເຟ

ການທີ່ມີຜິວຂາວໃສ ຢ່າງມີອໍຣາ ເປັນສິ່ງທີ່ສາວໆປາດຖະໜາ ດັ່ງນັ້ນ, ສາວໆຈື່ງຊອກຫາທຸກວິທີເພື່ອເຮັດໃຫ້ຜິວຂອງຕົນຂາວໃສຂຶ້ນ ເພື່ອເພີມຄວາມໝັ້ນໃຈໃຫ້ກັບຕົນເອງ, ມື້ນີ້ ແອັດມິນຈະມາແນະນຳ 3 ວິທີເຮັດໃຫ້ຜິວຂາວໃສ ໂດຍນໍາໃຊ້ກາກກາເຟເປັນສ່ວນປະສົມ ເຊິ່ງແຕ່ລະສູດຈະຊ່ວຍບັນຫາຜິວພັນເປັນຄືແນວໃດແດ່ ນຳເບິ່ງນຳກັນເລີຍ!

 

 

ສູດທີ 1 ກາກກາເຟ
ສູດນີ້ພຽງແຕ່ກາກກາຟຢ່າງດຽວ ກໍເຮັດໃຫ້ຜິວສວຍໄດ້ແລ້ວ ພຽງແຕ່ອາບນໍ້າຊໍາລະລ້າງຮ່າງກາຍໃຫ້ສະອາດ ແລະ ນໍາກາກກາຟມາຂັດຖູໄປມາ ໃຫ້ທົ່ວຮ່າງກາຍປະມານ 15 ນາທີ ແລ້ວລ້າງອອກ ພຽງເທົ່ານີ້ຜິວຂອງສາວໆກໍນຽນນຸ່ມໜ້າສໍາຜັດ ແຖມຍັງໄດ້ກິ່ນຫອມອ່ອນໆ ຈາກກາກກາເຟຕິດຜິວໄປອີກດ້ວຍ

 

 

ສູດທີ 2 ກາກກາເຟ + ນົມສົດ + ນໍ້າເຜີ້ງ
ສູດນີ້ຈະຊ່ວຍຫຼຸດດຮອຍດ່າງດໍາ ແລະ ຖ້າເຮັດຕໍ່ເນື່ອງກໍຈະຊ່ວຍໃຫ້ຜິວກະຈ່າງໃສຂຶ້ນ ເຊິ່ງມີຂັ້ນຕອນງ່າຍໆຄືນໍາກາກກາເຟ 4 ບ່ວງແກງ, ນົມສົດ 6 ບ່ວງແກງ, ນໍ້າເຜີ້ງ 2 ບ່ວງແກງ ມາປະສົມໃຫ້ເຂົ້າກັນແລ້ວນໍາ ມາຂັດເທິງຜິວທີ່ປຽກໝາດໆ ປະໄວ້ປະມານ 30 ນາທີ ແລ້ວລ້າງອອກໃຫ້ສະອາດ

 

ສູດທີ 3 ກາກກາເຟ + ໂຍເກີດ + ຂີ້ໜິ້ນ
ສູດນີ້ຈະຊ່ວຍຂັດເຊວຜິວເກົ່າໃຫ້ຫຼຸດອອກງ່າຍຂຶ້ນ ຈະເຮັດໃຫ້ຜິວຈະສະອາດ ແລະ ນຽນນຸ່ມຂຶ້ນ ພຽງນໍາກາກກາເຟ 1 ຖ້ວຍ ໂຍເກີດ 1 ຖ້ວຍ ແລະ ຂີ້ໜິ້ນ 2 ບ່ວງແກງ ປະສົມໃຫ້ເຂົ້າກັນ ແລ້ວນໍາມາຂັດຜິວທີ່ປຽກໝາດໆປະໄວ້ 20 ນາທີ ແລ້ວລ້າງອອກໃຫ້ສະອາດ ພຽງແຕ່ເທົ່ານີ້ ກໍຈະເຮັດໃຫ້ຜິວຂອງສາວໆເປັ່ງປັງ ແລະ ນຽນນຸ້ມຂຶ້ນຢ່າງບໍ່ໜ້າເຊື່ອເລີຍ.

 

%d bloggers like this: