ຮຽນຮູ້! ວິທີຮັກສາສິວໃຫ້ຫາຍຂາດໄດ້ ໂດຍສະໝູນໄພທຳມະຊາດ

ສິວ ເປັນໂຣກຜິວໜັງຊະນິດໜຶ່ງ ທີ່ເກີດຂຶ້ນກັບທຸກໆຄົນ ເຊິ່ງເປັນຫາທີ່ມາກວນໃຈ ແລະ ສ້າງຄວາມບໍ່ໝັ້ນໃຈໃຫັກັບໜຸ່ມໆສາວໆເປັນຢ່າງຍິ່ງ ໂດຍສະເພາະໃນເວລາແຕ່ງໜ້າ ເຮັດໃຫ້ຜິວໜ້າບໍ່ລຽບນຽນ ແຖມຍັງເຮັດໃຫ້ຜິວໜ້າມັນອີກຕ່າງຫາກ ແຕ່ບໍ່ຟ້າວຕົກໃຈກັນໄປເດີ້ໝຸ່ມໆສາວໆ ສຳລັບໃຜມີບັນຫາ ແບບນີ້ ເພາະມື້ນີ້, ແອັດມິນ ຈະນຳສະເໜີເຄັບລັບການຮັກສາສິວເທິງໃບໜ້າໃຫ້ຫາຍຂາດ ໂດຍນໍາໃຊ້ສູດທຳມະຊາດ ທີ່ບໍ່ສ່ວນປະສົມຂອງສານເຄມີແຕ່ຢ່າງໃດ ແຕ່ເຮັດສິວໃຫ້ຍຸບລົງໄວ ແລະ ເຊົາໄດ້ງ່າຍໆ ດ້ວຍສູດດັ່ງຕໍ່ໄປນີ້:

 

 

ຫວ້ານຫາງແຂ້: ພຽງແຕ່ໃຊ້ຫວ້ານຫາງແຂ້ທີ່ມີອາຍຸ 1 ປີ ຂຶ້ນໄປ ໂດຍໃຊ້ໃບລຸ່ມສຸດມາແຊ່ນໍ້າ 10-15 ນາທີ ເພື່ອລ້າງຢາງສີເຫຼືອງອອກ, ຈາກນັ້ນ, ປອກເປືອກໃຫ້ເຫຼືອແຕ່ວຸ້ນໃສໆ ແລະ ນໍາໄປລ້າງນໍ້າ ເພື່ອເອົາຢາງສີເຫຼືອງອອກໃຫ້ໝົດ ຈຶ່ງນຳເອົາວຸ້ນມາຕັດເປັນຕ່ອນນ້ອຍໆ ແລ້ວທາບໍລິເວນທີ່ມີສິວມື້ລະ 1-2 ຄັ້ງ ເພາະວ່າຫວ້ານຫາງແຂ້ ຈະມີສານສໍາຄັນທີ່ມີສັບພະຄຸນຊ່ວຍຫຼຸດອາການອັກເສບ ແລະ ຍັງຊ່ວຍກະຕຸ້ນການສ້າງເຊບໃໝ່ຂຶ້ນມາທົດແທນ.

 

 

ຂີ້ໝິ້ນ: ເປັນສະໝູນໄພຮັກສາສິວ ທີ່ນິຍົມນຳມາໃຊ້ກັນຫຼາຍ ໂດຍນຳເອົາຂີ້ໝິ້ນ ມາປະສົມກັບນໍ້າໝາກນາວ ແລ້ວປັ່ນໃຫ້ສ່ວນປະສົມເຂົ້າກັນລະອຽດຈົນເປັນເນື້ອດຽວ ແລ້ວນຳມາໝັກໜ້າປະໄວ້ປະມານ 15-20 ນາທີ ແລ້ວລ້າງອອກ ຈະເຮັດໃຫ້ສິວ ແລະ ຈຸດດ່າງດໍາຄ່ອຍໆຍຸບໄປເອງ.

 

 

ໝາກຫຸ່ງສຸກ: ນໍ້າເອົາເນື້ອໝາກຫຸ່ງສຸກມາບົດໃຫ້ລະອຽດ ຈາກນັ້ນ, ປະສົມກັບນໍ້າເຜິ້ງ, ນໍ້າໝາກນາວ ແນວລະ 1 ບ່ວງ ຄົນໃຫ້ເຂົ້າກັນຈົນເປັນເນື້ອດຽວແລ້ວນຳມາໝັກໜ້າປະມານ 15 ນາທີ ແລ້ວລ້າງອອກ ເຊິ່ງວິທີນີ້ ຈະຊ່ວຍຫຼຸດຮອຍດຳ, ຮອຍແດງທີ່ເກີດຈາກສິວໄດ້.

 

 

ໃຊ້ນໍ້າໝາກນາວສົດໆ ໂດຍການຄັ້ນເອົາແຕ່ນໍ້າໝາກນາວມາປະສົມກັບນໍ້າອຸ່ນ ຈາກນັ້ນ, ນຳສຳລີມາຈຸ່ມກັບນໍ້າໝາກນາວ ທາໃຫ້ທົ່ວບໍລິເວນໃບໜ້າຂ້າມຄືນໂດຍບໍ່ຕ້ອງລ້າງອອກ ເຊິ່ງວິທີນີ້ຈະຊ່ວຍເຮັດໃຫ້ສິວຍຸບໄວ ແລະ ຍັງຊ່ວຍຢັບຢັ້ງແບັກເຕີເຣຍ ທີ່ເປັນສາເຫດຂອງການເກີດສິວໄດ້.

 

%d bloggers like this: