ສັບພະຄຸນທາງຢາ ຈາກໝາກຂາມປ້ອມ

ໝາກຂາມປ້ອມ ເປັນພືດທີ່ມີຄວາມສຳຄັນທາງການຢາແຜນບູຮານມາແຕ່ດົນນານແລ້ວ. ຈາກການສຶກສາພົບວ່າໝາກຂາມປ້ອມ ອຸດົມໄປດ້ວຍສານຕ້ານອະນຸມູນອິດສະຫຼະ, ຈຶ່ງຊ່ວຍເສີມສ້າງພູມຄຸ້ມກັນໂຣກເບົາຫວານ, ຕ້ານການຮັກເສບ ແລະ ຫຼຸດຄໍເລສເຕີຣອລໃນເລືອດໄດ້.

 

 

 

ການນຳເອົາໝາກຂາມປ້ອມມາປຸງແຕ່ງເປັນຢາ ເພື່ອປິ່ນປົວພະຍາດ ສາມາດນຳໃຊ້ໄດ້ທຸກສ່ວນ ບໍ່ວ່າຈະຮາກ, ເປືອກ, ໃບ, ດອກ ແລະ ອື່ນໆ ເຊິ່ງແຕ່ລະສ່ວນກໍ່ມີຄຸນປະໂຫຍດແຕກຕ່າງກັນໄປດັ່ງນີ້:

 

 

ຮາກ: ນຳມາຕົ້ມແລ້ວດື່ມສາມາດໃຊ້ເປັນຢາຫຼຸດໄຂ້, ໃຊ້ເປັນຢາເຢັນ ແລະ ຊ່ວຍຟອກເລືອດ ຖ້ານຳຮາກມາສະກັດເປັນຢາຈະໄດ້ສານທີ່ມີຄຸນນະສົມບັດເປັນຢາຮັກສາບາດແຜ.
– ຕົ້ນ ຫຼື ເປືອກຂອງລຳຕົ້ນ: ໃຊ້ເປັນຢາຮັກສາແຜ
– ໃບ: ນຳມາຕົ້ມນ້ຳອາດສາມາດຊ່ວຍໃຫ້ໄຂ້ຫຼຸດລົງໄດ້

 

 

  • ດອກ: ມີກິ່ນຫອມຄືກັບເປືອກໝາກນາວສາມາດນຳມາໃຊ້ເປັນຢາເຢັນ ແລະ ຢາລະບາຍ
  • ຢາງຈາກໝາກຂາມປ້ອມ: ຈະມີລົດສົ້ມຂົມຝາດສາມາດນຳມາຢອດຕາຊ່ວຍແກ້ຕາອັກເສບ, ກິນເພື່ອຊ່ວຍຍ່ອຍອາຫານ ແລະ ຊ່ວຍຂັບຍ່ຽວໄດ້
  • ແກ່ນ: ນຳມາແຊ່ໃນນ້ຳຮ້ອນແລ້ວດື່ມຊ່ວຍແກ້ໄຂ້, ຊ່ວຍປິ່ນປົວພະຍາດກ່ຽວກັບນ້ຳບີ, ແກ້ອາການປວດຮາກ, ແກ້ຫອບຫືດ, ແກ້ຫຼອດລົມອັກເສບ ແລະ ໃຊ້ລ້າງຕາແກ້ພະຍາດຕາຕ່າງໆ

 

 

ຂໍ້ແນະນຳ: ແກ່ນສາມາດນຳມາເຜົາຈົນເປັນຂີ້ເທົາແລ້ວນຳມາປະສົມກັບນຳມັນພືດໃຊ້ທາແກ້ຂີ້ຫິດ ແລະ ແກ້ຕຸ່ມຄັນຕ່າງໆ. ສ່ວນນ້ຳມັນທີ່ຖືກສະກັດອອກມາຈາກແກ່ນໝາກຂາມປ້ອມສາມາດນຳມາທາເສັ້ນຜົມຈະຊ່ວຍໃຫ້ຜົມດົກດຳຂຶ້ນ ແລະ ທາເທື່ອທຳອິດຜົມເກົ່າຫຼົ່ນໄປແລ້ວຜົມໃໝ່ຈະປົ່ງຂຶ້ນມາແທນ.

 

%d bloggers like this: