ຊົມເຊີຍ!! ຜູ້ທີ່ມີຜົນງານດີເດັ່ນຈຳນວນ 11 ສະຫາຍ ໄດ້ເລື່ອນຊັ້ນຂຶ້ນເປັນພັນເອກ

ເພື່ອເປັນການສະແດງເຖິງຄຸນງາມຄວາມດີ ແລະ ຊົມເຊີຍຜົນງານຂອງອ້າຍນ້ອງຕຳຫຼວດລາວ ທີ່ໄດ້ປະກອບສ່ວນອຸດທິດເຫື່ອແຮງ ແລະ ສະຕິປັນຍາເຂົ້າໃນພາລະກິດປົກປັກຮັກ ແລະ ສ້າງປະເທດຊາດຕະຫຼອດຫຼາຍປີຜ່ານມາ ທັງເປັນການຊຸກຍູ້ ແລະ ສ້າງຂວັນກຳລັງຂອງອ້າຍນ້ອງໃນການປະຕິບັດໜ້າທີ່ຢ່າງມີປະສິດທິພາບຂຶ້ນເລື້ອຍໆ.

 

 

ດັ່ງນັ້ນ, ໃນວັນທີ 9 ມັງກອນ 2019, ກະຊວງປ້ອງກັນຄວາມສະຫງົບ (ປກສ) ໄດ້ປະກາດເລື່ອນຊັ້ນ ພັນໂທ ຂຶ້ນ ພັນເອກ ໃຫ້ນາຍຕໍາຫຼວດຈໍານວນ 11 ສະຫາຍ ຜູ້ທີ່ມີຜົນງານດີເດັ່ນຄົບມາດຖານເງື່ອນໄຂການເລື່ອນຊັ້ນຕາມກົດໝາຍ.

 

 

ໃຫ້ກຽດປະດັບຊັ້ນຄັ້ງນີ້ ໂດຍ ພົນໂທ ວິໄລ ຫຼ້າຄໍາຟອງ ລັດຖະມົນຕີກະຊວງ ປກສ, ມີຄະນະລັດຖະມົນຕີ, ຫົວໜ້າກົມ-ຮອງກົມ, ກົມກອງອ້ອມຂ້າງກະຊວງ ແລະ ກອງບັນຊາການ ປກສ ແຂວງ ເຂົ້າ ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.
ນາຍຕຳຫຼວດທີ່ໄດ້ຮັບການເລື່ອນຊັ້ນໃນຄັ້ງນີ້ ປະກອບມີ:

 

 

ພັນໂທ ທອງສະຫວັນ ເຮືອງພົມມີ ກອງບັນຊາການ ປກສ ແຂວງວຽງຈັນ,
ພັນໂທ ວັນໄຊ ສີໄຊຍະລາດ ກອງບັນຊາການ ປກສ ແຂວງສະຫວັນນະເຂດ,
ພັນໂທ ບົວພັນ ອິນປັນຍາ ກອງບັນຊາການ ປກສ ແຂວງໄຊສົມບູນ,
ພັນໂທ ພິມມະສອນ ທໍາມະວົງ ກົມໃຫຍ່ການເມືອງ ປກສ,

 

 

ພັນໂທ ພອນໄຊ ຍົດສົມບັດ ຫ້ອງວ່າການກະຊວງ ປກສ,
ພັນໂທ ໜູຈອນ ກ້ອນທອງດໍາ ກົມໃຫຍ່ພາລາທິການ,
ພັນໂທ ຄິດທະວົງ ສຸລິຍາ ກົມໃຫຍ່ສັນຕິບານ,
ພັນໂທ ຄໍາແຝງ ວັນດີໄຊ ກົມໃຫຍ່ຕໍາຫຼວດ,

 

 

ພັນໂທ ຫຸມພັນ ເພັດບຸນມີ ກົມຄຸ້ມຄອງສໍາມະໂນຄົວ ແລະ ກໍ່ສ້າງຮາກຖານ,
ພັນໂທ ບຸນລຽນ ສະອາດສີ ກົມກວດກາ-ກວດການ,
ພັນໂທ ບັນເທົາ ພິມພິສານ ກົມຄົ້ນຄວ້າວິທະຍາສາດ ແລະ ປະຫວັດສາດ.

 

 

 

 

 

 

 

 

ຂອບໃຈຂໍ້ມູນຈາກ:  ໜັງສືພິມປ້ອງກັນຄວາມສະຫງົບ

%d bloggers like this: