ຊົມເຊີຍ ສອງນັກທຸລະກິດທີ່ສ້າງຜົນງານຕໍ່ປະເທດຊາດ ເປັນແບບຢ່າງສັງຄົມໄດ້ຈາລຶກໄວ້

 

ຫຼັງຈາກປີ 2015 ທີ່ໄດ້ມີເຫດການນັກຮຽນຊັ້ນປະຖົມ  ບ້ານ ທ່າກົກໄຮ-ນາບົງພາກັນ ຂີ່ເຮືອຂ້າມນ້ຳງື່ມໄປ ສອບເສັງຈົບຊັ້ນ ແລະເກີດອຸປະຕິເຫດເຮືອແພຫລົ້ມເຮັດໃຫ້ເດັກນັກຮຽນ ເສຍຊີວິດນັບ 10 ຄົນ.  ເພື່ອເປັນການຫລີກເວັ້ນບັນຫາທີ່ອາດຈະເກີດຂຶ້ນຊ້ຳຊ້ອນ ແລະ ເປັນການຊ່ວຍເຫລືອປະຊາຊົນ ໃນເຂດບ້ານດັ່ງກ່າວໄປມາຫາສູ່ກັນລະຫວ່າງສອງ ຝາກນ້ຳງື່ມມີຄວາມສະດວກສະບາຍ ທ່ານ ປີເຕີຈັນ (ທ່ານ ສັກໄຊ ວົງມາລາສິດ)  ຈຶ່ງໄດ້ສະຫລະແຮງໃຈ, ແຮງກາຍ ແລະ ແຮງຊັບຊ່ວຍສ້າງຂົວດ້ວຍມູນ ຄ່າເຖິງ 105 ຕື້ກີບ.

 

ປັດຈຸບັນຂົວແຫ່ງດັ່ງກ່າວ ໄດ້ເປີດນຳໃຊ້ມາແຕ່ ວັນທີ 27 ພະຈິກ 2018. ຜ່ານມາ. ເປັນຂົວທີ່ໄດ້ມາດ ຕະຖານມີຄວາມຍາວ 238 ແມັດກວ້າງ 11 ແມັດລວມ ທາງຍ່າງເບື້ອງລະ 1,50 ແມັດມີແສງສະຫວ່າງຕະ ຫລອດຄວາມຍາວຂອງຂົວ.

 

ຜູ້ທີສອງແມ່ນ ທ່ານ ເກຍ ອູ່ສິດທິເດດ ເປັນນັກທຸລະກິດ ແຂວງສະຫວັນນະເຂດ, ເປັນເຈົ້າຂອງໂຮງງານນ້ຳດື່ມໂລມາຄຳ, ກ່ຽວກັບຜົນງານນັ້ນເພິ່ນໄດ້ສະຫລະວັດຖຸເງິນຄຳທັງສະຫລະເຫື່ອແຮງ ແລະ ຈິດໃຈ ຂອງຕົນເອງເປັນຈຳນວນ ເງິນຫລາຍ 10 ຕື້ໄປປົດທຸກໃຫ້ບ້ານຄຳປ່າແໜ  ແລະ ບ້ານປ່າກ້ວຍ ເມືອງຈຳ ພອນແຂວງສະຫວັນນະເຂດ ດ້ວຍການພັດທະນາ ແບບຍືນຍົງຕາມແນວທາງນະໂຍບາຍຂອງພັກ ແລະ ລັດຖະບານວາງອອກ, ປັດຈຸບັນ,  ປະຊາຊົນ ສອງບ້ານ ດັ່ງກ່າວ ໄດ້ມີຊີວິດການເປັນຢູ່ດີຂຶ້ນ, ເຂົາເຈົ້າມີການຜະລິດ, ປູກຝັງລ້ຽງສັດ ແລະ ມີ ກອງ ທຶນໝູ່ບ້ານເພື່ອຊ່ວຍເຫລືອ ກັນໃນເວລາຂັດຈົນ.

 

ນັບແຕ່ທ່ານ ເກຍ ອູ່ສິດທິເດດ ໄດ້ໄປນຳພາເຮັດ ນຳພາສ້າງໄດ້ເຮັດໃຫ້ຊີວິດການເປັນຢູ່ຂອງເຂົາເຈົ້າມີ ການປ່ຽນແປງດີຂຶ້ນຢ່າງຂາດຂັ້ນ.

ນີ້ແມ່ນ ເຫດຜົນ ຍົກເອົາມາເປັນຕົວແບບແຫ່ງປີ 2018 ນັບແຕ່ ປະເທດຊາດບ້ານເມືອງຂອງພວກເຮົາກ້າວສູ່ການສ້າງສາພັດທະນາຜູ້ມີເງິນມີຄຳກໍຫາກມີຫລາຍຈົນນັບບໍ່ຖ້ວນ, ຫລາຍທ່ານ ຫລາຍສະຫາຍໄດ້ກາຍເປັນ ນັກທຸລະກິດ ໃນລະດັບທ້ອງຖິ່ນ ແລະ ລະດັບຊາດ.

 

 

ການຊ່ວຍເຫລືອຜູ້ທຸກຍາກດ້ອຍໂອກາດ ຫລື ຊ່ວຍ ເຫລືອປະເທດຊາດບ້ານ ເມືອງດ້ວຍຄວາມສັດທາ ນັ້ນຄືການໃຫ້ທານທີ່ບໍລິສຸດ, ມີບຸນຄຸນຕໍ່ປະເທດຊາດ ແລະ ປະຊາຊົນ, ຜົນບຸນທີ່ສ້າງໄວ້ ນັ້ນຕົກນ້ຳບໍ່ໄຫລຕົກໄຟບໍ່ໄໝ້.                   ຂໍໃຫ້ຜົນງານທີ່ພວກ ທ່ານໄດ້ສ້າງໄວ້ຕໍ່ປະເທດຊາດບ້ານເມືອງ ແລະ ຕໍ່ປະຊາຊົນຈົ່ງໄປຄ້ຳນ້ຳຊູໃຫ້ພວກ ທ່ານເປັນນັກທຸລະກິດຕົວແບບຂອງຊາດ ແລະ ຂອງປະຊາຊົນຕໍ່ໄປ

ຂໍ້ມູນຈາກ: ລາວພັດທະນາ

%d bloggers like this: