ຄິມ ຈອງ-ອຶນ ຜູ້ນໍາເກົາຫຼີເໜືອຢ້ຽມຢາມຈີນຢ່າງເປັນທາງການ

ທ່ານ ຄິມ ຈອງ-ອຶນ ເດີນທາງຢ້ຽມຢາມນະຄອນຫຼວງປັກກິ່ງຢ່າງເປັນທາງການ ໃນອາທິດນີ້ເພື່ອເຂົ້າພົບປະທານປະເທດສີ ຈິ້ນຜິງ ເພື່ອເຈລະຈາເພີ່ມຄວາມເປັນໄປໄດ້ວ່າ ການພົບຫາລື ຄັ້ງທີ 2 ລະຫວ່າງ ຜູ້ນໍາເກົາຫຼີເໜືອ ກັບ ຜູ້ນຳອາເມຣິກາອາດຈະເກີດຂຶ້ນ.

ສໍານັກຂ່າວຕ່າງປະເທດລາຍງາຈາກນະຄອນຫຼວງປັກກິ່ງ ປະເທດຈີນ ເມື່ອວັນອັງຄານ ທີ 8 ມັງກອນ ວ່າ ສໍານັກງານຂ່າວຊິນຫົວຂອງທາງການຈີນ ແລະ ສໍານັກຂ່າວກາງເກົາຫຼີ KCNA ກະບອກສຽງຂອງລັດຖະບານພຽງຢ່າງ ລາຍງານໃນເວລາໄລ່ເລ່ຍກັນ ວ່າ ທ່ານ ຄິມ ຈອງ-ອຶນ ຜູ້ນໍາສູງສຸດຂອງເກົາຫຼີເໜືອ ພ້ອມທ່ານ ນາງລີ ຊອນ- ຈູ ພັນລະຍາ ແລະ ຄະນະເຈົ້າໜ້າທີ່ລະດັບສູງຂອງລັດຖະບານພຽງຢາງ ອີກຫຼາຍຄົນ ເດີນທາງຢ້ຽມຢາມນະຄອນວງປັກກິ່ງຢ່າງເປັນທາງການ ລະຫວ່າງ ວັນທີ 7-10 ມັງກອນ 2019 ນີ້ ໂດຍເປັນການເດີນທາງດ້ວຍຂະບວນລົດໄຟອອກຈາກນະຄອນຫຼວງພຽງຢາງ ເມື່ອວັນຈັນຖືເປັນການຢ້ຽມຢາມຈີນເປັນຄັ້ງທໍາອິດໃນປີນີ້ຂອງ ທ່ານ ຄິມ ແລະ ເປັນການພົບຫາລືເປັນຄັ້ງທີ 4 ກັບປະທານປະເທດສີ ຈິ້ນຜິງ.

ในภาพอาจจะมี สถานที่กลางแจ้ง

ในภาพอาจจะมี 2 คน, ผู้คนกำลังยืน

ທັງນີ້ ທ່ານ ຄິມ ໄດ້ພົບຫາລືກັບ ທ່ານ ສີ ທີ່ປະເທດຈີນ 3 ຄັ້ງ ເມື່ອປີທີ່ຜ່ານມາ ໂດຍທຸກຄັ້ງລ້ວນເປັນການປະຊຸມທີ່ເກີດຂຶ້ນກ່ອນ ແລະ ຫຼັງການພົບຫາລື ລະຫວ່າງ ຜູ້ນໍາໜຸ່ມຂອງເກົາຫຼີເໜືອ ກັບ ປະທານາທິບໍດີໂດນັລ ທຣຳ ຜູ້ນໍາອາເມຣິກາ ແລະ ປະທານາທິບໍດີມຸນ ແຈ-ອິນ ຜູ້ນໍາເກົາຫຼີໃຕ້ ຫຼາຍຝ່າຍຈຶ່ງວິເຄາະການຢ້ຽມຢາມນະຄອນຫຼວງປັກກິ່ງຂອງ ທ່ານ ຄິມ ໃນຄັ້ງນີ້ວ່າ ອາດຈະເປັນການສົ່ງສັນຍານວ່າ ການພົບປະຫາລືກັບ ທຣຳ ເປັນຄັ້ງທີ 2 “ກໍາລັງຈະເກີດຂຶ້ນ ຫຼື ບໍ່” ຫຼັງການພົບກັນຄັ້ງປະວັດສາດທີ່ປະເທດສິງກະໂປ ເມື່ອເດືອນມິຖຸນາ ປີທີ່ຜ່ານມາ ເກືອບວ່າບໍ່ມີຄວາມຄືບໜ້າໃນຂະບວນການເຈລະຈາເລື່ອງການປົດອາວຸດນິວເຄຣຍຂອງເກົາຫຼີເໜືອ.

ในภาพอาจจะมี 2 คน, คนที่ยิ้ม, ข้อความ

ຂະນະດຽວກັນ ເນື້ອໃນໄລຍະໜຶ່ງຂອງການກ່າວສຸນທອນພົດປະຈໍາວັນປີໃໝ່ ປີນີ້ ຂອງຜູ້ນໍາເກົາຫຼີເໜືອມີເນື້ອໃນໄລຍະໜຶ່ງວ່າ ລັດຖະບານພຽງຢາງ ຍັງເປີດກວ້າງສະເໝີສໍາລັບໂອກາດ ໃນການເຈລະຈາເປັນຄັ້ງທີ 2 ກັບຜູ້ນໍາອາເມຣິກາ ແຕ່ທິດທາງຂອງຄວາມສໍາພັນໃນອະນາຄົດອັນໃກ້ນີ້ “ອາດປ່ຽນແປງ” ຕາບໃດທີ່ລັດຖະບານວໍຊິງຕັນ ຍັງຂວ້ຳບາດເກົາຫຼີເໜືອເຊັ່ນນີ້ຕໍ່ໄປ ແລະ ການພົບກັນ ລະຫວ່າງ ທ່ານ ຄິມ ກັບ ທ່ານ ສີ ໃນຄັ້ງນີ້ ຄາດວ່າ ຜູ້ນຳເກົາຫຼີເໜືອ ໜ້າຈະ “ຂໍຄວາມສະໜັບສະໜຸນ” ຈາກລັດຖະບານປັກກິ່ງ ໃນການຜັກດັນການຜ່ອນຄາຍມາດຕະການຂວ້ຳບາດ.

ในภาพอาจจะมี 2 คน

%d bloggers like this: