ປະເທດຈີນ ປະສົບຄວາມສໍາເລັດການລົງຈອດເທິງດວງຈັນ “ດ້ານມືດ” ເປັນປະເທດທໍາອິດຂອງໂລກ

ຕັ້ງແຕ່ຍານອະພອລໂລ 11 ຂຶ້ນໄປລົງຈອດດວງຈັນ ໃນປີ 1969 ມະນຸດໂລກກໍ່ໄດ້ມີໂອກາດໄປຢຽບພື້ນດວງຈັນຕໍ່ອີກຫຼາຍຄັ້ງ ແຕ່ວ່າການລົງຈອດເທິງດວງຈັນທີ່ຜ່ານໆມານັ້ນ ລ້ວນແຕ່ເກີດຂຶ້ນກັບດວງຈັນຝັ່ງໃກ້ເທົ່ານັ້ນ.

ແຕ່ເມື່ອຄືນວັນທີ 3 ມັງກອນ ປີ 2019 ທີ່ຜ່ານມານີ້ ຍານສໍາຫຼວດ “ສາງເອີ໋ 4” (嫦娥四號) ຂອງປະເທດຈີນຊຶ່ງຖືກປ່ອຍຂຶ້ນສູ່ອະວະກາດເມື່ອວັນທີ່ 7 ທັນວາຄະສະ 2018 ກໍໄດ້ປະສົບຄວາມສໍາເລັດໃນການລົງຈອດເທິງດວງຈັນຝັ່ງໄກ

ในภาพอาจจะมี กลางคืน

ເປັນທີ່ຮູ້ກັນວ່າດວງຈັນນັ້ນຈະໂຄຈອນຮອບໂລກໂດຍຄົງຕົວດ້ານເດີມ (ເອີ້ນວ່າຝັ່ງໃກ້) ເຂົ້າສູ່ໂລກຢູ່ສະເໝີ  ເຮັດໃຫ້ດວງຈັນຝັ່ງໄກ (ດ້ານມືດ) ກາຍເປັນຝັ່ງທີ່ຍັງບໍ່ມີໃຜສົ່ງຍານອາວະກາດໄປສໍາຫຼວດມາກ່ອນ.

ມັນເປັນພື້ນທີ່ ທີ່ມີພື້ນມີຂຸມ, ຮ່ອງ ເຊິ່ງເກີດຈາກການຖືກວັດຖຸໃນອາວະກາດຕົກລົງກະທົບໃສ່ຢູ່ເປັນຈໍານວນຫຼາຍ ເຊິ່ງໜຶ່ງໃນຂຸມເຫຼົ່ານີ້ເອງ ກໍ່ຍັງມີຂຸມທີ່ຊື່ວ່າ “Von Krmn” ທີ່ມີຂະໜາດໃຫຍ່ ແລະ ເລິກທີ່ສຸດ.

ไม่มีคำอธิบายรูปภาพ

ໂດຍໜຶ່ງໃນເປົ້າໝາຍຂອງພາລະກິດໃນຄັ້ງນີ້ ແມ່ນການສໍາຫຼວດຂຸມ Von Krmn ນັ່ນເອງ ນອກຈາກນີ້, ຍານສໍາຫຼວດສາງເອີ໋ 4 ຍັງໄດ້ບັນທຸກສິ່ງມີຊີວິດ 6 ຊະນິດ ເພື່ອເຮັດການທົດລອງເທິງດວງຈັນຝັ່ງໄກອີກດ້ວຍ.

ຍັງບໍ່ພໍພຽງເທົ່ານັ້ນ ດ້ວຍຄວາມທີ່ດວງຈັນຝັ່ງໄກເປັນຝັ່ງທີ່ບໍ່ມີຄື້ນວິທະຍຸລົບກວນຈາກໂລກ ເຮັດໃຫ້ສະຖານທີ່ແຫ່ງນີ້ ມີຄວາມເໝາະສົມທີ່ຈະໃຊ້ເຮັດການທົດລອງກວດຈັບຄື່້ນວິດທະຍຸຈາກອາວະກາດຕໍ່ໄປໃນອະນາຄົດ.

ในภาพอาจจะมี หนึ่งคนขึ้นไป

ການລົງຈອດໃນຄັ້ງນີ້ ນັບວ່າເປັນຄວາມສໍາເລັດຄັ້ງຍິ່ງໃຫຍ່ຫຼາຍຄັ້ງໜຶ່ງຂອງປະເທດຈີນເລີຍກໍ່ວ່າໄດ້ ເພາະມັນຈະເຮັດໃຫ້ປະເທດຈີນ ກາຍເປັນປະເທດທໍາອິດຂອງໂລກທີ່ມີໂອກາດໄດ້ສໍາຫຼວດດວງຈັນຝັ່ງໄກຢ່າງໃກ້ຊິດ.

ไม่มีคำอธิบายรูปภาพ

ຄວາມພະຍາຍາມຂຶ້ນເປັນຜູ້ນໍາດ້ານການສໍາຫຼວດອາວະກາດຂອງປະເທດຈີນ ກ້າວໜ້າຂຶ້ນຢ່າງຫຼວງຫຼາຍ ໃນໄລຍະຫຼາຍປີທີ່ຜ່ານມາ ໂດຍນອກຈາກຍານສາງເອີ໋ 4 ແລ້ວ ພວກເຂົາຍັງໄດ້ວາງແຜນການສ້າງສະຖານີອາວະກາດຂອງຕົນເອງ ໃນປີ 2020 ແລະ ຫວັງວ່າຈະພ້ອມປະຕິບັດພາລະກິດໄດ້ ພາຍໃນປີ 2022 ອີກດ້ວຍ.

ในภาพอาจจะมี ข้อความ

%d bloggers like this: