ສ່ອງນັກທຸລະກິດໜຸ່ມໄຟແຮງທີ່ມີຫຼາກຫຼາຍຄວາມສາມາດ

ປັດຈຸບັນມີຫຼາຍທຸລະກິດທີ່ເກີດຂຶ້ນທັງເກົ່າ ແລະ ໃໝ່, ມີນັກທຸລະກິດໃໝ່ຫຼາຍຄົນທີ່ເກັ່ງ, ຜູ້ທີ່ມີຫົວຄິດສ້າງສັນກໍ່ມີຫຼາຍ ແຕ່ບໍ່ໄດ້ໝາຍຄວາມວ່າການເປັນນັກທຸລະກິດ ຫຼື ລົງທຶນເຮັດທຸລະກິດແລ້ວຈະປະສົບຄວາມສຳເລັດໝົດທຸກຄົນ, ຄົນທີ່ເຮັດທຸລະກິດແລ້ວຫຼົ້ມເຫຼວກໍ່ມີຫຼາຍ ແຕ່ຄົນທີ່ເຮັດທຸລະກິດ ແລະ ຈະສາມາດປະຄອງທຸລະກິດທີ່ເຮັດແລ້ວຈະມີຄວາມໝັ້ນຄົງ, ມີຄວາມກ້າວໜ້າ ແລະ ນຳພາອົງກອນ ຫຼື ທຸລະກິດກ້າວໄປສູ່ເປົ້າໝາຍນັ້ນ ຈຶ່ງຈະຖືວ່າເປັນນັກທຸລະກິດທີ່ປະສົບຄວາມສຳເລັດ ໂດຍປັດໄຈຫຼັກຂອງນັກລົງທຶນຕ້ອງມີວິໄສທັດ, ເບິ່ງການໄກ, ວາງເປົ້າໝາຍທີ່ຊັດເຈນ ແລ້ວລົງມືເຮັດໃຫ້ປະສົບຜົນເປັນຈິງ ດັ່ງ ທ່ານ ຄຳມີ ດວງສະຫວັນ ນັກທຸລະກິດໜຸ່ມໄຟແຮງ ພຽງອາຍຸ 32 ປີ ແຕ່ມີຄວາມສາມາດໃນການບໍລິຫານ 3 ບໍລິສັດ ແລະ ກຳລັງຈະມີການຂະຫຍາຍທຸລະກິດອອກເພີ່ມອີກໃນອະນາຄົດອັນໃກ້ນີ້.

ในภาพอาจจะมี 2 คน, ผู้คนกำลังยืน และสถานที่ในร่ม

ທ່ານ ຄຳມີ ດວງສະຫວັນ ຜູ້ອຳນວຍການ ຮ້ານອາຫານ ເຣັດໂທຣ; ບໍລິສັດ ມຸງຄຸງ ອິມເມດ ແລະ ບໍລິສັດ ສະເປຼດ ສະຕູດີໂອ ອິນເຕີເວຍ ດີໄຊ ໃຫ້ສຳພາດວ່າ: ຂ້າພະເຈົ້າຈົບການສຶກສາກ່ຽວກັບການບໍລິຫານທຸລະກິດຈາກມະຫາວິທະຍາໄລແຫ່ງຊາດ ເຊິ່ງໃນຕອນນັ້ນແມ່ນທັງຮຽນ ແລະ ເຮັດວຽກໄປພ້ອມ, ຫຼັງຈາກຮຽນຈົບກໍ່ໄດ້ໄປຝຶກອົບຮົມກ່ຽວກັບການຄ້າລະຫວ່າງປະເທດ ຢູ່ປະເທດຈີນ ແລະ ໄທ, ມາຮອດປີ 2009 ກໍ່ເລີ່ມລອງຜິດລອງຖືກເຮັດທຸລະກິດນ້ອຍໆເປັນຂອງຕົນເອງຫຼາຍຢ່າງ ແຕ່ກໍ່ແນ່ນອນວ່າການເຮັດທຸລະກິດໃດໜຶ່ງມັນຕ້ອງມີຂໍ້ຫຍຸ້ງຍາກສະເໜີ, ສຳລັບທຸລະກິດທີ່ຜ່ານມາບາງຢ່າງກໍ່ລົ້ມເຫຼວໄປແລ້ວ ກໍ່ຍ້ອນວ່າໃນແຕ່ກ່ອນເຮົາຍັງບໍ່ມີປະສົບການຫຼາຍດ້ານໃນການບໍລິຫານຈັດການທຸລະກິດ ບວກໃສ່ສະພາບເສດຖະກິດໃນໄລຍະນັ້ນທີ່ບໍ່ຄ່ອຍແຂງແຮງເທົ່າທີ່ຄວນ.

ในภาพอาจจะมี ต้นพืช, ต้นไม้ และสถานที่กลางแจ้ง

ແຕ່ຟ້າຫຼັງຝົນມັນກໍ່ຕ້ອງສົດໃສສະເໝີ ຕໍ່ມາໄດ້ເຮັດກ່ຽວກັບການຮັບເໝົາອອກແບບຕົກແຕ່ງພາຍໃນ ເນື່ອງຈາກເສດຖະກິດຂອງບ້ານເຮົາ. ຈາກນັ້ນ, ກໍ່ມານັ່ງວິເຄາະຄວາມຕ້ອງການຂອງລູກຄ້າ ຈາກທຸລະກິດທີ່ລົ້ມເຫຼວຂອງຂ້າພະເຈົ້າຜ່ານມາວ່າ: ສິ່ງໃດທີ່ຄົນເຮົາຕ້ອງການທີ່ສຸດ ແລະ ສາມາດສ້າງເມັດເງິນໄດ້ແລ້ວກໍ່ນໍາມາທົດລອງເບິ່ງ ນັ້ນກໍ່ຄືການຕົກແຕ່ງພາຍໃນ. ຫຼັງຈາກນັ້ນ, ທຸລະກິດຂອງເຮົາກໍ່ເຕີບໂຕແບບກ້າວກະໂດດ ລູກຄ້າໃຫ້ຄວາມສົນໃຈຫຼາຍ. ດັ່ງນັ້ນ, ຈາກປະສົບການຂອງວຽກງານຕົກແຕ່ງພາຍໃນ ຂ້າພະເຈົ້າຈຶ່ງເຫັນໄດ້ທ່າແຮງທີ່ດີໃນການນໍາເຂົ້າວັດສະດຸກໍ່ສ້າງ ປະເພດເຫຼັກ, ແຜ່ນລູມີນຽມ, ພົມ, ກະໂລ ແລະ ອື່ນໆ ຈົນກາຍມາເປັນອີກທຸລະກິດໜຶ່ງຂອງຂ້າພະເຈົ້າ. ຕໍ່ມາກໍ່ມີຄວາມຄິດຢາກເຮັດທຸລະກິດຮ້ານອາຫານ ແລະ ໃສ່ຊື່ວ່າຮ້ານ ເຣັດໂທຣ Retro ເຊິ່ງກໍ່ເປີດມາໄດ້ 2 ປີປາຍ ແລະ ເຫັນໄດ້ວ່າໄດ້ຮັບການຕອບຮັບຈາກລູກຄ້າໄດ້ເປັນຢ່າງດີ.

ในภาพอาจจะมี ตาราง และสถานที่ในร่ม

ທ່ານກ່າວຕື່ມວ່າ: ມາຮອດປັດຈຸບັນ ຂ້າພະເຈົ້າມີທັງໝົດ 3 ບໍລິສັດ ຄື: ຮ້ານອາຫານ ເຣັດໂທຣ RESTRO Restaurant; ບໍລິສັດ ມຸງຄຸງ ອິມເມດ MongKhoun Image ແລະ ບໍລິສັດ ສະເປຼດ ສະຕູດີໂອ ອິນເຕີເວຍ ດີໄຊ Space Studio Interior Design ແລະ ກໍາລັງຈະມີທຸລະກິດໃໝ່ເກີດຂຶ້ນອີກໃນໄວໆນີ້ ນັ້ນກໍ່ຄື ຮ້ານອາຫານທີ່ຈະເປີດຢູ່ວັງວຽງ ເຊິ່ງຕອນນີ້ແມ່ນຢູ່ໃນຂັ້ນຕອນການກໍ່ສ້າງ ເຊິ່ງມີການອອກແບບທີ່ໃຫຍ່ຂຶ້ນ ເພື່ອຮອງຮັບລູກຄ້າ ແລະ ນັກທ່ອງທ່ຽວທີ່ມີຈໍານວນນັບມື້ຫຼາຍຂຶ້ນ, ແຕ່ດັ່ງທີ່ເຮົາຮູ້ນຳກັນວ່າໃນປັດຈຸບັນກໍ່ຄືທີ່ເຮົາຮູ້ ມີທຸລະກິດໃໝ່ເກີດຂຶ້ນມາຢູ່ຕະຫຼອດ ເຮົາຕ້ອງຕິດຕາມ ແລະ ປັບປ່ຽນໃຫ້ທັນຕາມຄວາມຕ້ອງການຊົມໃຊ້ໃຫ້ທົ່ວເຖິງ ມີກົນລະຍຸດໃນການເຮັດການຕະຫຼາດ ເພື່ອໃຫ້ຖືກກັບເປົ້າໝາຍ ແລະ ຄວາມຕ້ອງການຂອງລູກຄ້າ.

ในภาพอาจจะมี ผู้คนกำลังนั่ง, ตาราง และสถานที่ในร่ม

ທ່ານໃຫ້ຮູ້ຕື່ມວ່າ: ສໍາລັບມຸມມອງການເຮັດທຸລະກິດຂອງຂ້າພະເຈົ້າແມ່ນເຮົາສາມາດເຮັດແນວໃດຈະສ້າງລາຍຮັບໃຫ້ກັບສັງຄົມ ແລະ ສ້າງທຸລະກິດໃຫ້ກັບຕົນເອງ, ສໍາລັບການບໍລິຫານຈັດການແຕ່ລະທຸລະກິດຂອງຂ້າພະເຈົ້າແມ່ນຈະມີການວາງແຜນຈັດຕັ້ງແຕ່ລະໜ້າທີີ່ໃຫ້ກັບພະນັກງານຢ່າງລະອຽດ ແລະ ກໍ່ມີການຕິດຕາມການເຄື່ອນໄຫວການເຮັດວຽກໃນທຸກຂັ້ນຕອນ ເພື່ອປ້ອງກັນການເກີດຂໍ້ຜິດພາດສໍາລັບອົງກອນຂອງພວກເຮົາ, ສິ່ງສໍາຄັນແມ່ນເວົ້າເລື່ອງຈິດໃຈຂອງທີມງານທີ່ເຮົາຕ້ອງໃຫ້ຄວາມສໍາຄັນ ຕ້ອງປຸກລະດົມໃຫ້ມີຄວາມສາມັກຄີຢູ່ສະເໝີ ຖ້າເຮົາລະເລີຍໃນດ້ານນີ້ພະນັກງານອາດຈະຮູ້ສຶກນ້ອຍໃຈ ແລະ ເກີດການຕໍ່ວ່າຂຶ້ນ. ສະນັ້ນ, ອົງກອນຂອງພວກເຮົາຈຶ່ງໃຫ້ຄວາມສໍາຄັນແກ່ພະນັກງານທຸກຄົນມີສິດເທົ່າທຽມກັນ ແຕ່ໜ້າທີ່ແຕກຕ່າງກັນ ແລະ ສໍາລັບຂ້າພະເຈົ້າເອງ ເວລາຢູ່ກັບພະນັກງານກໍ່ຈະມີການວາງຕົວສະບາຍຢູ່ນຳກັນຄືກັບອ້າຍນ້ອງ, ໝູ່ເພື່ອນ ຕາມຄວາມເໝາະສົມ ເພາະຖ້າເຮົາວາງຕົວເປັນເຈົ້ານາຍ ຫຼື ຫົວໜ້າຫຼາຍເກີນຄວາມເໝາະສົມ ເວລາພະນັກງານຢູ່ໃກ້ເຂົາຈະຮູ້ສຶກອຶດອັດ ແລະ ກົດດັນຈົນເຖິງຂັ້ນເຮັດຫຍັງບໍ່ເປັນ ເພາະຈະເຮັດໃຫ້ວຽກບໍ່ເດີນ.

ในภาพอาจจะมี ผู้คนกำลังนั่ง และสถานที่ในร่ม

ຖ້າຖາມວ່າເຮັດທຸລະກິດຫຼາຍອັນພ້ອມກັນແບບນີ້ມີເວລາຈັດການ ຫຼື ມີເວລາໃຫ້ຕົນເອງບໍ່ນັ້ນ ບອກໄດ້ເລີຍວ່າການໃຫ້ເວລາກັບຕົນເອງແມ່ນມີຄວາມສຳຄັນຫຼາຍ ແຕ່ເນື່ອງຈາກວ່າເຮົາມີລະບົບການຈັດຕັ້ງທີ່ລົງຕົວແລ້ວເຮົາຈຶ່ງມີເວລາເຕັມທີ່ ນັ້ນກໍ່ຄືເຮົາຍອມເສຍເງິນຈໍານວນໜຶ່ງ ເພື່ອຈ້າງຄົນເກັ່ງມາເຮັດວຽກແທນເຮົາ ໃນລັກສະນະຮູບແບບໃຊ້ເງິນຫາເງິນໃຫ້ເຮົາ ບໍ່ແມ່ນເຮົາຈະໃຊ້ເຮົາຫາເງິນຢ່າງດຽວ ດັ່ງທີ່ນັກທຸລະກິດຫຼາຍທ່ານທີ່ປະສົບຄວາມສຳເລັດເຄີຍກ່າວໄວ້ ເພາະເຮົາບໍ່ສາມາດທີ່ຈະໄປເຮັດເອງໄດ້ໝົດທຸກຢ່າງ ແລະ ນໍາໃຊ້ເຕັກໂນໂລຊີທີ່ທັນສະໄໝເຂົ້າມາຊ່ວຍກໍ່ຈະຍິ່ງເຮັດໃຫ້ການຕິດຕາມວຽກ, ຕິດຕາມພະນັກງານ, ການບໍລິຫານຈັດການງານຕ່າງໆໄດ້ສະດວກສະບາຍຂຶ້ນ.

ในภาพอาจจะมี ผู้คนกำลังนั่ง, ห้องรับแขก และสถานที่ในร่ม

ສ່ວນທິດທາງແຜນການໃນຕໍ່ໜ້າ ໃນການຂະຫຍາຍທຸລະກິດ ນອກຈາກພວກເຮົາມີແຜນເປີດຮ້ານອາຫານອີກແຫ່ງໜຶ່ງຢູ່ທີ່ວັງວຽງ ແຂວງວຽງຈັນ ປັດຈຸບັນກຳລັງລົງມືກໍ່ສ້າງແລ້ວ. ນອກນີ້, ກໍ່ຍັງຈະມີແຜນທີ່ຈະເຮັດທຸລະກິດຕະຫຼາດອອນລາຍ ແລະ ທຸລະກິດອະສັງຫາລິມະຊັບອີກດ້ວຍ.

ກ່ອນຈະເຮັດທຸລະກິດໃດໜຶ່ງຕ້ອງມີການສຶກສາ, ວິເຄາະການຕະຫຼາດ, ຄວາມຕ້ອງການຂອງລູກຄ້າແລ້ວ ລົງມືເຮັດໃຫ້ເຕັມທີ່ ທ່ານກໍ່ຈະປະສົບຄວາມສຳເລັດ

ແຜນຂະຫຍາຍຮ້ານທີ່ວັງວຽງ

ສຸດທ້າຍນີ້ ຂ້າພະເຈົ້າຂໍຝາກເຖິງຜູ້ທີ່ຢາກເລີ່ມຕົ້ນເຮັດທຸລະກິດ ອັນທີໜຶ່ງ: ແມ່ນໃຫ້ສຶກສາຜະລິດຕະພັນ, ສຶກສາສິ່ງທີ່ຈະເຮັດໃຫ້ລະອຽດ; ສອງ: ແມ່ນໃຫ້ວິເຄາະເບິ່ງຕະຫຼາດໃຫ້ຊັດເຈນ ເພາະວ່າບາງເທື່ອທຸລະກິດທີ່ເຮົາມັກ ກໍ່ອາດບໍ່ສາມາດສ້າງເງິນໃຫ້ເຮົາໄດ້ ເຮົາຕ້ອງສໍາຫຼວດໃຫ້ເຫັນເຖິງຄວາມຕ້ອງການຂອງຄົນ ແລະ ກຸ່ມເປົ້າໝາຍຂອງເຮົາວ່າມີຫຼາຍ ຫຼື ໜ້ອຍສໍ່າໃດ, ມີຄວາມກ້າເຮັດກ້າລອງ ແຕ່ສິ່ງທີ່ສໍາຄັນທີ່ສຸດຄືຄວາມອົດທົນ ເພາະວ່າການເຮັດທຸລະກິດມັນບໍ່ແມ່ນເລື່ອງງ່າຍ ເຮົາຕ້ອງຜ່ານໄລຍະໃດໜຶ່ງທີ່ຫຍຸ້ງຍາກ ແລະ ທ້າທາຍ ຈຶ່ງຈະປະສົບຜົນສໍາເລັດ. ພ້ອມນີ້, ເຮົາຕ້ອງຫາແຮງບັນດານໃຈໃຫ້ຕົນເອງຕະຫຼອດເວລາ ເພື່ອບໍ່ໃຫ້ມີແນວຄິດທໍ້ຖອຍ ແລະ ມີກໍາລັງໃຈເຮັດຕໍ່ໄປຢູ່ສະເໝີ.

ແຜນຂະຫຍາຍຮ້ານທີ່ວັງວຽງ

%d bloggers like this: