ຍ້ອນຫຍັງ? ຄົນເຢຍລະມັນ ເຮັດວຽກໃຊ້ເວລາໜ້ອຍກວ່າປະເທດອື່ນ ແຕ່ມີປະສິດທິພາບ ຫຼາຍກວ່າ

ເມື່ອບໍ່ດົນມານີ້ ມີບົດຄວາມບົດໜຶ່ງຂອງເວັບໄຊ Knote.com ທີ່ເປັນການເປີດເຜີຍເຖິງເຄັດລັບໃນການເຮັດວຽກໃນແບບຄົນເຢຍລະມັນວ່າເປັນຫຍັງ ຈຶ່ງມີປະສິດທິພາບມາເປັນອັນດັບຕົ້ນໆຂອງໂລກເຮົາໄປອ່ານເທື່ອລະຂໍ້ໆກັນເລີຍ

1 ເວລາວຽກຄືເວລາເຮັດວຽກ

ໃນວັດທະນະທໍາການເຮັດວຽກຂອງຊາວເຢຍລະມັນ ພວກເຂົາຈະບໍ່ເຮັດຫຍັງເລີຍນອກຈາກວຽກ ການຫຼິ້ນເຟສບຸ໊ກ, ນັ່ງລົມກັນ, ການແວະໄປເປີດເວັບໄຊນັ້ນນີ້ ລະຫວ່າງການເຮັດວຽກ ເກືອບຈະບໍ່ແມ່ນວິໄສຂອງພວກເຂົາເລີຍ.

ຂະນະທີ່ ຖ້າເປັນບ້ານເຮົາ ທ່ານຈະເຫັນພະນັກງານຕັ້ງກຸ່ມລົມກັນ, ບາງຄົນລັກງືບຫຼັບ, ລັກຫຼິ້ນເກມໃນທີ່ເຮັດວຽກ, ບາງຄົນຍ່າງໄປເຂົ້າຫ້ອງນ້ໍາຫຼາຍຄັ້ງ.

ในภาพอาจจะมี 1 คน, กำลังนั่ง และสถานที่ในร่ม

ໃນໄລຍະເດືອນສິງຫາ ປີ 2013 ສໍານັກຂ່າວ BBC ເຄີຍເຮັດສາລະຄະດີ ຊື່ວ່າ Make Me a German ກ່ຽວກັບຍິງສາວຊາວເຢຍລະມັນທີ່ເດີນທາງໄປເຮັດວຽກ ແລະ ປ່ຽນວັດທະນະທໍາທີ່ປະເທດອັງກິດ ແຕ່ລາວຄົນນີ້ໄດ້ຕົກໃຈຫຼາຍທີ່ວັດທະນະທໍາຂອງປະເທດອັງກິດນັ້ນແຕກຕ່າງຈາກບ້ານເກີດຂອງຕົນທຸກຢ່າງ.

ລາວໄດ້ກັບມາເລົ່າໃຫ້ໝູ່ຟັງວ່າ “ຂ້ອຍເຮັດວຽກຢູ່ຫ້ອງການແຫ່ງໜຶ່ງ ແລະ ພະນັກງານມັກເວົ້າເລື່ອງສ່ວນໂຕຂອງຕົນເອງວ່າ ເລີກວຽກເຮັດຫຍັງດີ ແລະ ກໍ່ເອົາແຕ່ກິນກາເຟຕະຫຼອດເວລາເລີຍ”.

2 ການມີເປົ້າໝາຍສື່ສານໂດຍກົງເປັນສິ່ງທີ່ມີຄຸນຄ່າ

ໃນການເຮັດທຸລະກິດແບບຊາວເຢຍລະມັນຈະມີການກໍານົດເປົ້າໝາຍທີ່ເຂັ້ມງວດຊັດເຈນຫຼາຍ ແລະ ມີການສື່ສານກັນໂດຍກົງ ໂດຍບໍ່ກຽວວ່າຄົນທີ່ຕົນຕ້ອງສື່ສານນຳຈະມີຕໍາແໜ່ງທີ່ສູງ ຫຼື ຕ່ໍາກວ່າຕົນເອງ.

ในภาพอาจจะมี หนึ่งคนขึ้นไป และสถานที่ในร่ม

ເມື່ອລອງຢ້ອນມາເບິ່ງການເຮັດວຽກໃນປະເທດລາວແບບບ້ານເຮົາ ຄົນລາວມັກຈະມີການເວົ້າລົມກັນແບບກຸ່ມນ້ອຍໆ ເຊັ່ນມີການປະຊຸມລະຫວ່າງຜູ້ບໍລິຫານລະດັບສູງກ່ອນ ແລ້ວຈະນໍາເອົາຜົນສະຫຼຸບມາຊີ້ແຈງໃຫ້ກັບລູກນ້ອງທີ່ມີຕໍາແໜ່ງຮອງລົງມາຟັງອີກເທື່ອໜຶ່ງ.

ແຕ່ຊາວເຢຍລະມັນນັ້ນຈະເວົ້າລົມກັນເປັນກຸ່ມ ຫຼື ກໍ່ລົມກັນໂດຍກົງເລີຍ ເຊັ່ນ ຖ້າທ່ານເປັນພະນັກງານ ແຕ່ຢາກຈະປຶກສາເລື່ອງວຽກທ່ານກໍ່ສາມາດຍ່າງໄປລົມແບບເປີດກວ້າງກັບຫົວໜ້າໄດ້ທັນທີ ໂດຍລົມກັນແບບກົງໄປກົງມາ ແບບບໍ່ຕ້ອງອ້ອມປະເດັນ.

ในภาพอาจจะมี 1 คน, กำลังนั่ง และสถานที่ในร่ม

ຕົວຢ່າງ: ການສັ່ງວຽກແບບບ້ານເຮົາ ອາດຈະເວົ້າກັນໄດ້ວ່າ “ຖ້າວຽກນີ້ແລ້ວກ່ອນຕອນບ່າຍຈະດີຫຼາຍ” ຫຼື “ວຽກນີ້ໃຫ້ແລ້ວໄດ້ບໍ່ກາຍຕອນທ່ຽງ” ແຕ່ຖ້າເປັນຊາວເຢຍລະມັນພວກເຂົາຈະເຈາະຈົງໄປເລີຍວ່າ “ວຽກ ນີ້ຕ້ອງແລ້ວກ່ອນບ່າຍ 2 ໂມງ”

3 ຊາວເຢຍລະມັນມີຊີວິດນອກເໜືອຈາກບ່ອນເຮັດວຽກນຳ

ຊາວເຢຍລະມັນເປັນຊົນຊາດທີ່ສາມາດເວົ້າໄດ້ເຕັມປາກ ວ່າ “ເຮັດວຽກກະຄືເຮັດວຽກ ຫຼິ້ນກະສ່ວນຫຼິ້ນ” ເພາະວ່າເມື່ອໃດກໍ່ຕາມທີ່ຊົ່ວໂມງຂອງການເຮັດວຽກເລີ່ມຕົ້ນຂຶ້ນ ພວກເຂົາຈະບໍ່ເອົາເລື່ອງສ່ວນຕົວເຂົ້າມາຫຍຸ້ງກ່ຽວທັນທີ ແລະ ຕັ້ງໃຈເຮັດວຽກເປັນຫຼັກ.

ເມື່ອເລີກວຽກແລ້ວ ພວກເຂົາກໍ່ແຍກຍ້າຍກັບບ້ານໃຜ ບ້ານມັນ ຫຼື ກັບໝູ່ເພື່ອນສະນິດເກືອບວ່າຈະບໍ່ຄ່ອຍມີການຊວນກັນໄປທ່ຽວໃສເປັນກຸ່ມເລີຍ ຫຼັງຈາກເລີກວຽກ ເນື່ອງຈາກວ່າພວກເຂົາໄດ້ແບ່ງເວລາການເຮັດວຽກ ແລະ ຊີວິດສ່ວນຕົວອອກຈາກກັນແບບຊັດເຈນ.

ในภาพอาจจะมี 2 คน, ผู้คนกำลังนั่ง

ເມື່ອປະມານ ເດືອນພຶດສະພາ ປີ 2016 ໄດ້ມີລາຍງານຂ່າວວ່າ ລັດຖະບານເຢຍລະມັນ ກໍາລັງກຽມທີ່ຈະອອກກົດໝາຍໃໝ່ ຫ້າມບໍ່ໃຫ້ນາຍຈ້າງ ສົ່ງອີເມລ ຫຼື ຕິດຕໍ່ວຽກຫຼັງ 6 ໂມງແລງ ເປັນຕົ້ນໄປ ເພື່ອໃຫ້ລູກຈ້າງຈະໄດ້ມີເວລາສ່ວນຕົວ ແລະ ພັກຜ່ອນຢ່າງເຕັມທີ່.

4 ຊາວເຢຍລະມັນເຄົາລົບໃນການລ້ຽງລູກຂອງລູກຈ້າງ

ປະເທດເຢຍລະມັນມີລະບົບ “ການລ້ຽງດູລູກ” ທີ່ປະເທດອື່ນໆ ຂ້ອນຂ້າງຈະອິດສາຫຼາຍເລີຍຂໍບອກ! ເຊິ່ງລູກຈ້າງສາມາດລາພັກເພື່ອລ້ຽງລູກ ຕັ້ງແຕ່ມື້ເກີດຈົນລູກມີອາຍຸໄດ້ 3 ປີ ການລາພັກເພື່ອລ້ຽງລູກຈະພິຈາລະນາແຍກສໍາຫຼັບພໍ່ແມ່ ສະນັ້ນພໍ່ ຫຼື ແມ່ ອາດຈະລາພັກໃນສ່ວນຂອງຕົນເອງພຽງຄົນດຽວ ຫຼື ອາດຈະລາພັກພ້ອມກັນທັງສອງຄົນກໍ່ໄດ້.

ในภาพอาจจะมี หนึ่งคนขึ้นไป, ผู้คนกำลังหลับ, ทารก และภาพระยะใกล้

ນອກຈາກນີ້ ຍັງມີເບ້ຍລ້ຽງສໍາລັບການດູແລລູກສອງຄົນທໍາອິດແມ່ນ ຄົນລະ 184 ເອີໂຣ, ລູກຄົນທີສາມ 190 ເອີໂຣ, ລູກຄົນທີ 4 ແລະ ຄົນຖັດໄປແມ່ນຜູ້ລະ 215 ເອີໂຣ. ເບ້ຍລ້ຽງສໍາລັບລູກຈະຈ່າຍໃຫ້ກັບເດັກທຸກຄົນ ໂດຍບໍ່ຄໍານຶງເຖິງລາຍໄດ້ຂອງພໍ່-ແມ່ ແລະ ຍັງມີລະບົບຫຼຸດຜ່ອນພາສີສໍາລັບຄອບຄົວ (ຂໍ້ມູນຈາກ www.mol.go.th)

ນີ້ຄືຕົວຢ່າງໜຶ່ງເຮັດໃຫ້ກຸ່ມຄົນເຮັດວຽກສາມາດເຮັດວຽກໄດ້ຢ່າງເຕັມທີ່ ເພາະຮູ້ວ່າຈະໄດ້ຮັບສະຫວັດດິການຕອບແທນຢ່າງເໝາະສົມດ້ວຍເຊັ່ນກັນ.

5 ລອງນໍາວັດທະນະທໍາແບບຊາວເຢຍລະມັນໄປປັບໃຊ້ກັບຫ້ອງການຂອງທ່ານເບິ່ງ

ວັດທະນະທໍາການເຮັດວຽກແບບຊາວເຢຍລະມັນນັ້ນ ຂ້ອນຂ້າງແຕກຕ່າງຈາກບ້ານເຮົາຫຼາຍ ແຕ່ມັນກໍ່ສະແດງໃຫ້ເຫັນເຖິງປະສິດທິພາບຂອງການເຮັດວຽກວ່າອອກມາດີຂະໜາດໃດ.

ການຕັ້ງໃຈເຮັດວຽກແບບພວກເຂົາເຮັດໃຫ້ໄດ້ຮັບສຽງຍ້ອງຍໍເຖິງການແຍກລະຫວ່າງ ການເຮັດວຽກ ແລະ ການພັກຜ່ອນ ອອກຈາກກັນອາດຈະຊ່ວຍໃຫ້ພວກເຮົາສາມາດຮັກສາສົມດຸນລະຫວ່າງຊີວິດໄດ້ດີຂຶ້ນກໍເປັນໄດ້.

ในภาพอาจจะมี 1 คน, กำลังยิ้ม, กำลังนั่ง และสถานที่ในร่ม

ທ່ານຄວນວາງມືຖືໄວ້, ປິດເຟສບຸ໊ກ ເພື່ອໃຫ້ເຮົາຈື່ຈໍາກັບວຽກແບບມີສະມາທິ, ຢຸດລົມກັນໂອ້ເອ້ ແລ້ວປິ່ນມາຕັ້ງໜ້າຕັ້ງຕາເຮັດວຽກແບບຂະຫຍັນຂັນແຂັງ ກໍ່ສົ່ງຈະຜົນໃຫ້ວຽກຂອງທ່ານອອກມາດີກວ່າທີ່ເຄີຍ ແລະ ສຸດທ້າຍການສື່ສານກັນແບບກົງໄປກົງມາກໍ່ຈະຊ່ວຍໃຫ້ວຽກຂອງທ່ານລື່ນໄຫຼໄດ້.

%d bloggers like this: