ສ້າງລາຍໄດ້-ຫຼຸດມົນລະພິດ! ຈີນເປີດທົ່ງໂຊລາເຊລຜະລິດໄຟຟ້າໃຫຍ່ທີ່ສຸດກາງທະເລຊາຍ

ຈີນເປີດໃຊ້ສະຖານີພະລັງງານແສງອາທິດກາງທະເລຊາຍຄູ່ປູ້ສີ ເມືອງເອີ້ເອີ່ຕົວຊື ເຂດປົກຄອງຕົນເອງມອງໂກເລຍ ໃນວັນຈັນ ທີ 10 ທັນວາ ທີ່ຜ່ານມາ ໂດຍສະຖານີດັງກ່າວນັບເປັນແຫຼ່ງພະລັງງານແສງອາທິດຂະໜາດໃຫຍ່ທີ່ສຸດ ເທິງເຂດທະເລຊາຍ ທາງພາກເໜືອຂອງປະເທດ.

ລາຍງານລະບຸວ່າ ສະຖານີພະລັງງານແສງອາທິແຫ່ງໃໝ່ມີມູນຄ່າ 3.750 ລ້ານຢວນ (ປະມານ 4.680 ຕື້ກີບ) ໃຊ້ພື້ນທີ່ຫຼາຍກວ່າ 1.600 ເຮັກຕ້າ ມີກໍາລັງການຜະລິດໄຟຟ້າ ປະມານ 1.000 ລ້ານກິໂລວັດ-ຊົ່ວໂມງຕໍ່ປີ ແລະ ມູນຄ່າຜົນຜະລິດ 350 ລ້ານຢວນ (ປະມານ 437 ຕື້ກີບ) ໃນແຕ່ລະປີ.

ในภาพอาจจะมี สถานที่กลางแจ้ง

ນອກຈາກນັ້ນ ສະຖານີພະລັງງານແສງອາທິດແຫ່ງນີ້ ເຊິ່ງຕັ້ງຢູ່ກາງທະເລຊາຍຂະໜາດໃຫຍ່ອັນດັບ 7 ຂອງຈີນ ຍັງຮັກສາສິ່ງແວດລ້ອມດ້ວຍການຊ່ວຍຫຼຸດການປ່ອຍອາຍກາກໂບນິກ 800.000 ໂຕ້ນ ແລະ ເມັດຝຸ່ນຂະໜາດນ້ອຍ 180.000 ໂຕ້ນ ເມື່ອປຽບທຽບກັບໂຮງງານໄຟຟ້າພະລັງງານຖ່ານຫິນ.

ທັງນີ້ ແຜງໂຊລາເຊນທັງໝົດຂອງສະຖານີ ໃຊ້ລະບົບຕິດຕາມແສງສະຫວ່າງອັດຕະໂນມັດ ນັ້ນໝາຍຄວາມວ່າມັນສາມາດປັບປ່ຽນອົງສາຕາມແສງແດດໄດ້ດ້ວຍຕົວເອງ ສົ່ງຜົນໃຫ້ເກີດປະສິດທິພາບໃນການຜະລິດໄຟຟ້າຢ່າງຕໍ່ເນື່ອງ ແລະ ປະຫຍັດຕົ້ນທຶນການຈ້າງຄົນດູແລຢ່າງຫຼາຍ.

%d bloggers like this: