ສຸດຍອດ ນັກບິນອາວະກາດ 3 ຄົນຈະຢູ່ນອກໂລກເຖິງ 6 ເດືອນ

ນັກບິນອາວະກາດ 3 ຄົນ ຈາກປະເທດລັດເຊຍ, ອາເມຣິກາ ແລະ ການາດາ ເດີນທາງເຖິງສະຖານີອາວະກາດນານາຊາດຢ່າງປອດໄພ ດ້ວຍຈະຫຼວດໂຊຍຸດ ເຊິ່ງນັບເປັນການເດີນທາງຄັ້ງທໍາອິດ ຫຼັງເກີດ “ຄວາມຜິດພາດ” ໃນການປ່ອຍຈະຫຼວດ ເມື່ອເດືອນຕຸລາ ທີ່ຜ່ານມາ.

ສໍານັກຂ່າວຕ່າງປະເທດລາຍງານຈາກນະຄອນຫຼວງມອສໂກ ປະເທດຣັສເຊຍ ເມື່ອວັນອັງຄານ ທີ 4 ທັນວາ ວ່າ ອົງການອາວະກາດຣັສເຊຍ (Roscosmos) ອອກຖະແຫຼງການເມື່ອວັນຈັນ ວ່າ ຍານແຄບຊູນ “ໂຊຍຸດເອັມເອັສ-11” ໄດ້ນໍານັກບິນ 3 ຄົນ ໄດ້ແກ່ ທ່ານ ໂອເລັກ ໂຄໂນເຊນໂກ ຊາວຣັສເຊຍ, ທ່ານ ເດວິດແຊັງ-ຊາກ ຊາວການາດາ ແລະ ນາງ ແອນ ແມັກເຄລນ ຊາວອາເມລິກັນ ເດີນທາງເຖິງສະຖານີອາວະກາດນານາຊາດ (ISS: International Space Station) ໄດ້ຢ່າງປອດໄພ ໂດຍນັກບິນທັງສາມຄົນຈະປະຕິບັດພາລະກິດຢູ່ນອກໂລກເປັນເວລາ ປະມານ 6 ເດືອນ.

ในภาพอาจจะมี ท้องฟ้า, กลางคืน และสถานที่กลางแจ้ง

ในภาพอาจจะมี หนึ่งคนขึ้นไป, ท้องฟ้า และสถานที่กลางแจ้ง

ສໍາຫຼັບ ການເດີນທາງຂອງນັກບິນອາວະກາດທັງ 3 ຄົນ ໃຊ້ເວລາດົນປະມານເກືອບ 8 ຊົ່ວໂມງ ຫຼັງພາຫະນະນໍາສົ່ງຄືຈະຫຼວດໂຊຍຸດ “ເອັຟຈີ” ອອກເດີນທາງຈາກການປ່ອຍພາຍໃນສູນອາວະກາດໄບໂຄນູ ໃນເມືອງໄບໂຄນູ ທາງພາກກາງຂອງປະເທດຄາຊັກສະຖານ ເມື່ອເວລາ 17:31 ໂມງ ຕາມເວລາທ້ອງຖິ່ນຂອງວັນຈັນ ທີ່ຜ່ານມາ (18:31 ໂມງ ຕາມເວລາໃນປະເທດລາວ) ໂດຍຍານແຄບຊູນໂຄຈອນຮອບໂລກ 4 ຮອບ ລວມໄລຍະເວລາ 6 ຊົ່ວໂມງ ກ່ອນລໍຖ້າອີກປະມານ 2 ຊົ່ວໂມງ ເພື່ອເຊື່ອມຕໍ່ກັບ ISS.

ในภาพอาจจะมี 9 คน, คนที่ยิ้ม, ผู้คนกำลังยืน

ในภาพอาจจะมี ท้องฟ้า, เมฆ และสถานที่กลางแจ้ง

ທັງນີ້ ພາລະກິດຄັ້ງດັ່ງກ່າວຂອງຍານໂຊຍຸດ ເຊິ່ງຍັງເປັນການຮ່ວມມືລະຫວ່າງ ຣອດຄອດມອສ ກັບ ອົງການບໍລິຫານການບິນ ແລະ ອາວະກາດແຫ່ງຊາດ (NASA: National Aeronautics and Space Administration) ຮ່ວມກັບອົງການອາວະກາດພັນທະມິດຈາກຫຼາຍປະເທດ ເກີດຂຶ້ນເກືອບ 2 ເດືອນ ຫຼັງເກີດຄວາມຜິດພາດພາຍໃນເວລາພຽງ 2 ນາທີຫລັງການສົ່ງຈະຫຼວດໂຊຍຸດອອກຈາກສູນໃນເມືອງໄບໂຄນູ ເມື່ອວັນທີ 11 ຕຸລາ ທີ່ຜ່ານມາ.

ในภาพอาจจะมี กลางคืน, ท้องฟ้า, เมฆ และสถานที่กลางแจ้ง

ในภาพอาจจะมี 3 คน, คนที่ยิ้ม, ผู้คนกำลังยืน

ຢ່າງໃດກໍ່ຕາມ ນັກບິນ 2 ຄົນ ເທິງຖ້ຽວບິນດັ່ງກ່າວຄື ທ່ານ ນິກ ເຮັກ ນັກບິນຊາວອາເມຣິກັນຂອງນາຊາ ແລະ ທ່ານ ອາເລັກຊີ ອັອຟຊິນິນ ນັກບິນຊາວຣັສເຊຍຂອງຣອດຄອດມອສ ສາມາດເອົາຕົວລອດໄດ້ດ້ວຍການໃຊ້ລະບົບສຸກເສີນ ທີ່ຕິດຕັ້ງຢູ່ພາຍໃນຍານ ແລະ ກໍາໜົດການເດີນທາງຂອງທັງສອງຈຶ່ງຕ້ອງເລື່ອນອອກໄປເປັນວັນທີ 28 ກຸມພາ 2019 ແທນ.

ในภาพอาจจะมี ท้องฟ้า และสถานที่กลางแจ้ง

ในภาพอาจจะมี ท้องฟ้า และสถานที่กลางแจ้ง

%d bloggers like this: