ອາເມຣິກາ ຫວັງການຄ້າກັບຈີນຈະດີຂຶ້ນຫຼັງຕົກລົງຢຸດຕິຄວາມຂັດແຍ້ງຊົ່ວຄາວ

ເຈົ້າໜ້າທີ່ລະດັບສູງຂອງລັດຖະບານອາເມຣິກາ ສະແດງຄວາມຫວັງທີ່ຈະໄດ້ເຫັນ “ການປ່ຽນແປງ” ທີ່ດີຂຶ້ນ ແລະ ຊັດເຈນຈາກຈີນ ຫຼັງການຕົກລົງ “ສະຫງົບເສິກ” ຄວາມຂັດແຍ່ງທາງການຄ້າເປັນເວລາຢ່າງໜ້ອຍ 90 ວັນ.

ສໍານັກຂ່າວຕ່າງປະເທດລາຍງານຈາກນະຄອນຫຼວງວໍຊິງຕັນ ປະເທດອາເມຣິກາ ເມື່ອວັນຈັນ ທີ 3 ທັນວາ ວ່າ ທ່ານ ສະຕີຟ ມະນູຊິນ ລັດຖະມົນຕີກະຊວງການເງິນຂອງອາເມຣິກາກ່າວເມື່ອວັນຈັນກ່ຽວກັບ “ສັນຍາຢຸດຕິຄວາມຂັດແຍ່ງທາງການຄ້າ” ເປັນເວລາ “ຢ່າງໜ້ອຍ 90 ວັນ” ທີ່ເປັນການຕົກລົງກັນລະຫວ່າງ ປະທານາທິບໍດີໂດນັລ ທຣຳ ກັບ ປະທານປະເທດສີ ຈິ້ນຜິງ ໃນລະຫວ່າງການພົບປະຫາລືນອກຮອບການປະຊຸມສຸດຍອດຜູ້ນໍາກຸ່ມປະເທດເສດຖະກິດຂະໜາດໃຫຍ່ “ຈີ 20” ທີ່ນະຄອນຫຼວງບົວໂນສໄອເຣສ ເມື່ອທ້າຍອາທິດ ທີ່ຜ່ານມາ ວ່າ ມີການບັນລຸຂໍ້ຕົກລົງ “ແບບສະເພາະເຈາະຈົງ “ເພື່ອນໍາໄປສູ່ການຜ່ອນຄາຍຄວາມຂັດແຍ່ງທາງການຄ້າລະຫວ່າງສອງປະເທດ.

ທັງນີ້ ທ່ານ ມະນູຊິນ ປະຕິເສດລົງເລິກໃນລາຍລະອຽດ ແຕ່ຫວັງວ່າອາເມຣິກາຈະໄດ້ “ການປ່ຽນແປງຢ່າງຊັດເຈນ ແລະ ຈິງຈັງ” ຈາກອີກຝ່າຍ ພາຍໃນໄລຍະເວລາ 90 ວັນນີ້ ຖືວ່າ “ເປັນໄລຍະຜ່ອນຜັນ” ຫຼາຍກວ່າ ຂະນະທີ່ ທ່ານ ຊອນນີ ເປີດູ ລັດຖະມົນຕີກະຊວງກະສິກຳຂອງອາເມຣິກາ ແລະ ທ່ານ ແລຣ໌ຣີ່ ຄຸດໂລ ທີ່ປຶກສາດ້ານນະໂຍບາຍເສດຖະກິດປະຈໍາທຳນຽບຂາວ ໄດ້ກ່າວໄປໃນທາງດຽວກັນວ່າ ໂດຍສ່ວນຕົວຕົນຫວັງວ່າເຈົ້າໜ້າທີ່ລັດໃນປັກກິ່ງຈະຢຸດຕິກໍາແພງພາສີ 25% ສໍາລັບຜະລິດຕະພັນດ້ານການກະສິກຳຂອງອາເມຣິກາ ໂດຍສະເພາະຖົ່ວເຫຼືອງທີ່ຈີນຖືເປັນປະເທດຜູ້ຮັບຊື້ລາຍໃຫຍ່ທີ່ສຸດຂອງໂລກ ແລະ ຊື້ຈາກອາເມຣິກາຫຼາຍທີ່ສຸດເຖິງ 60% ຂອງຜົນຜະລິດທັງໝົດ ຄິດເປັນມູນຄ່າສູງເຖິງ 12.000 ລ້ານໂດລາ ສະເພາະເມື່ອປີທີ່ຜ່ານມາ (ປະມານ) ແຕ່ວ່າ ນັບຕັ້ງແຕ່ມີບັນຫາກັນ ຈີນຈຶ່ງຫັນປ່ຽນໄປຊື້ຖົ່ວເຫຼືອງຈາກອາເມຣິກາໃຕ້ຫຼາຍຂຶ້ນໂດຍສະເພາະປະເທດບຣາຊິລ.

ในภาพอาจจะมี 3 คน, คนที่ยิ้ม, ผู้คนกำลังยืน และชุดสูท

ในภาพอาจจะมี 4 คน, คนที่ยิ้ม, ผู้คนกำลังยืน และชุดสูท

ຢ່າງໃດກໍ່ຕາມ ທຳນຽບຂາວຍັງສະຫງວນທ່າທີຕໍ່ການທະວີດຂອງທຣຳ ທີ່ອ້າງວ່າຈີນຈະ “ຫຼຸດ ແລະ ຍົກເລີກ” ກໍາແພງພາສີລົດ ແລະ ສິນຄ້າຍຍົນຂອງອາເມຣິກາ 40% ໃນເວລາດຽວກັນສື່ຂອງລັດຖະບານຈີນ ແລະ ພັກຄອມມູນິດບໍ່ໄດ້ລາຍງານ “ການສະຫງົບເສິກ” ທາງການຄ້າກັບອາເມຣິກາ ເວັ້ນພຽງວ່າທັງສອງປະເທດຈະຫຼຸດຜ່ອນການຕັ້ງກໍາແພງພາສີ ເຊິ່ງກັນລະກັນຢ່າງໜ້ອຍ 90 ວັນ ເພື່ອໃຊ້ໄລຍະເວລານີ້ໃນການເຈລະຈາ ແຕ່ເນັ້ນລາຍງານພາລະກິດຂອງປະທານາທິບໍດີສີ ຈິ້ນຜິງ ໃນການຢ້ຽມຢາມປານນາມາ ເຊິ່ງພາກລັດໃນນະຄອນຫຼວງປັກກິ່ງລົງນາມບັນທຶກການຮ່ວມມືດ້ານການຄ້າກັບລັດຖະບານປານນາມາ ລວມ 19 ສະບັບ ອີກປະການໜຶ່ງ ປານາມາ ປະກາດຢຸດຕິຄວາມສໍາພັນທາງການທູດກັບໄຕ້ຫວັນເມື່ອເດືອນມິຖຸນາ ປີຜ່ານມາ.

%d bloggers like this: