ຈີນຂະຫຍາຍພື້ນທີ່ທາງເສດຖະກິດສູ່ປະເທດອາກຊັງຕິນ

ລັດຖະບານຈີນ ແລະ ລັດຖະບານອາກຊັງຕິນ ບັນລຸຂໍ້ຕົກລົງຮ່ວມມືການຄ້າ ແລະ ການລົງທຶນຫຼາຍສະບັບ ສ່ວນຫຼາຍກ່ຽວຂ້ອງກັບດ້ານກະສິກຳ ແລະ ການເງິນ ເປັນການບົ່ງຊີ້ໃຫ້ເຫັນເຖິງການຂະຫຍາຍອິດທິພົນຂອງມະຫາອໍານາດທາງເສດຖະກິດຈາກອາຊີເຂົ້າສູ່ອາເມຣິກາໃຕ້.

ສໍານັກຂ່າວຕ່າງປະເທດລາຍງານຈາກນະຄອນຫຼວງບົວໂນສໄອເຣສ ປະເທດອາກຊັງຕິນ ເມື່ອວັນອາທິດ ທີ 2 ທັນວາ ວ່າ ປະທານປະເທດສີ ຈິ້ນຜິງ ແລະ ປະທານາທິບໍດີເມົາລິຊິໂອ ມາຄຣີ ຮ່ວມເປັນສັກຂີພິຍານໃນພິທີລົງນາມຂໍ້ຕົກລົງການຄ້າລະດັບທະວິພາຄີຫຼາຍກວ່າ 30 ສະບັບ ໂດຍພິທີໄດ້ຈັດຂຶ້ນທີ່ເຮືອນຮັບຮອງເຂດຊານເມືອງນະຄອນຫຼວງບົວໂນສໄອເຣສ ເມື່ອວັນອາທິດ ທີ່ຜ່ານມາ ທັງນີ້ ຂໍ້ຕົກລົງສ່ວນຫຼາຍຈະກ່ຽວຂ້ອງກັບດ້ານກະສິກຳ ແລະ ການລົງທຶນ ເຊີ່ງແຫຼ່ງຂ່າວເປີດເຜີຍວ່າລວມເຖິງການທີ່ຈີນຈະເພີ່ມການນໍາເຂົ້າໝາກເຊີຣີ່ຈາກອາກຊັງຕິນ ແລະ ຄວາມຮ່ວມມືດ້ານການເງິນເປັນທຸລະກິດແລກປ່ຽນເງິນຕາ ລະຫວ່າງສະກຸນເງິນຂອງສອງປະເທດ ໃນອັດຕາເທົ່າກັນຕາມໄລຍະເວລາທີ່ກຳນົດ (Currency Swap) ໂດຍວົງເງິນເງິນເບື້ອງຕົ້ນ ປະມານ 9.000 ລ້ານໂດລາ (ກວ່າ 77.000 ຕື້ກີບ).

ในภาพอาจจะมี 4 คน, คนที่ยิ้ม, ผู้คนกำลังยืน และชุดสูท
ຢ່າງໃດກໍ່ຕາມ ປັດຈຸບັນຈີນຖືເປັນໜຶ່ງໃນປະເທດຄູ່ຄ້ານອກພາກພື້ນລາຍໃຫຍ່ທີ່ສຸດຂອງປະເທດອາກຊັງຕິນ ໂດຍສະເພາະສິນຄ້າດ້ານກະສິກຳ ແລະ ຍັງເປັນໜຶ່ງໃນປະເທດຜູ້ສະໜັບສະໜຸນດ້ານການເງິນລາຍໃຫຍ່ທີ່ສຸດ ດ້ວຍງົບປະມານການກູ້ຢືມ 18.200 ລ້ານໂດລາ (ກວ່າ 156.000 ຕື້ກີບ) ສຳຫຼັບ ລົງທຶນໃນໂຄງການພັດທະນາລະບົບໂຄງສ້າງພື້ນຖານເປັນຫຼັກ ເຊິ່ງຈໍານວນເງິນດັງກ່າວເປັນຄົນລະສ່ວນກັບເງິນຊ່ວຍເຫລືອ 56.000 ລ້ານໂດລາ (ປະມານ 480.000 ຕື້ກີບ) ທີ່ລັດຖະບານບົວໂນສໄອເຣສ ຕ້ອງການກູ້ຢືມຈາກກອງທຶນການເງິນ ລະຫວ່າງປະເທດ (IMF: International Monetary Fund).

ในภาพอาจจะมี 5 คน, คนที่ยิ้ม, ผู้คนกำลังยืน และสถานที่กลางแจ้ง
ທັງນີ້ ພິທີດັ່ງກ່າວລະຫວ່າງ ຈີນ ກັບ ອາກຊັງຕິນ ເຊິ່ງເກີດຂຶ້ນ ຫຼັງຜ່ານພົ້ນການປະຊຸມສຸດຍອດຜູ້ນໍາກຸ່ມປະເທດເສດຖະກິດຂະໜາດໃຫຍ່ “ຈີ 20″ ທີ່ນະຄອນຫຼວງບົວໂນສໄອເຣສ ເມື່ອໄລຍະທ້າຍ ອາທິດ ທີ່ຜ່ານມາ ສະທ້ອນໃຫ້ເຫັນວ່າຜູ້ນໍາຈີນໄດ້ຮັບການດູແລ ” ເປັນພິເສດຫຼາຍກວ່າໃຜ “ເມື່ອທຽບກັບຜູ້ນໍາອີກຫຼາຍຄົນ ເຊັ່ນ ປະທານາທິບໍດີໂດນັລ ທຣຳ ທີ່ມີລາຍງານວ່າ ຜູ້ນໍາອາເມຣິກາ” ຜິດຄິວ “ລະຫວ່າງການຖ່າຍຮູບໝູ່ຢູ່ເທິງເວທີ ໂດຍ ທ່ານມາຄຣີ ນໍາຂອງທີ່ລະນຶກໃຫ້ແກ່ຜູ້ນໍາຈີນເປັນ “ສັນລັກແທນມິດຕະພາບ” ພ້ອມໝວກໂປໂລສີແດງທີ່ມີດວງດາວສັນລັກຂອງທຸງຊາດຈີນດ້ວຍ.

ในภาพอาจจะมี 3 คน, ผู้คนกำลังยืน และสถานที่กลางแจ้ง

ในภาพอาจจะมี 1 คน, กำลังยืน, ชุดสูท และสถานที่กลางแจ้ง
ອີກປະການໜຶ່ງ ປັດຈຸບັນ ບໍລິສັດຂອງຈີນມີພື້ນທີ່ປະຕິບັດການຢູ່ທັງຂາເຂົ້າ ແລະ ຂາອອກ ປະເທດປານາມາ ໜຶ່ງໃນສະພາກພື້ນການຄ້າທີ່ ອາເມຣິກາຕ້ອງການຮັກສາ “ອິດທິພົນ” ໃນທະວີບອາເມຣິກາ ແລະ ການພົບປະຫາລື ລະຫວ່າງ ທ່ານ ສີ ຈິ້ນຜິງ ກັບ ທ່ານ ມາຄຣີ ເກີດຂຶ້ນພຽງວັນດຽວ ຫຼັງຈີນ “ມີຄວາມເຫັນດີເບື້ອງຕົ້ນໃນຫຼັກການ” ກັບອາເມຣິກາເປັນເວລາ “ຢ່າງໜ້ອຍ 90 ວັນ” ໃນການຊະລໍການຕັ້ງກໍາແພງພາສີ ເຊິ່ງກັນ ແລະ ກັນ.

%d bloggers like this: