ເສຍຊີວິດ 5 ເຈັບ 32 ເຫດລົດເມໂດຍສານຂອງສາຍການບິນຕຳກັບລົດແທັກຊີ

ເກີດອຸບັດຕິເຫດລົດເມໂດຍສານຂົນສົ່ງພະນັກງານຂອງສາຍການບິນຄາເທຍ ປາຊິຟິກ ຂະນະເດີນທາງໄປທີ່ສະໜາມບິນຮົງກົງຕຳກັບລົດແທັກຊີ ເມື່ອເຊົ້າວັນສຸກ ທີ່ຜ່ານມາ ສົ່ງຜົນໃຫ້ມີຜູ້ເສຍຊີວິດ 5 ຄົນ ແລະ ບາດເຈັບ 32 ຄົນ.

ສໍານັກຂ່າວຕ່າງປະເທດລາຍງານຈາກເຂດປົກຄອງພິເສດຮົງກົງ ເມື່ອວັນສຸກ ທີ 30 ພະຈິກ ວ່າ ທ່ານຍິບ ຊຸຍ-ໝິງ ຫົວໜ້າຕໍາຫຼວດຮົງກົງ ເປີດເຜີຍວ່າ ເກີດອຸບັດເຫດລົດເມໂດຍສານຂົນສົ່ງພະນັກງານຂອງສາຍການບິນຄາເທຍ ປາຊິຟິກ ໄປຕຳກັບລົດແທັກຊີຄັນໜຶ່ງ ລະຫວ່າງເສັ້ນທາງໄປຫາສະໜາມບິນນານາຊາດຮົງກົງ ເມື່ອເວລາປະມານ 05:00 ໂມງ ຂອງເຊົ້າວັນສຸກ ທີ 30 ພະຈິກ ຕາມເວລາທ້ອງຖິ່ນ ແຮງກະທົບເຮັດໃຫ້ດ້ານຫຼັງຂອງລົດແທັກຊີໄດ້ຮັບຄວາມເສຍຫາຍໃນສະພາບຍຸບເພ ສ່ວນລົດເມໂດຍສານກໍ່ໄດ້ຮັບຄວາມເສຍຫາຍທັງດ້ານໜ້າ ແລະ ດ້ານຫຼັງ ທາງເຈົ້າໜ້າທີ່ຕໍາຫຼວດພົບວ່າ ຄົນຂັບລົດແທັກຊີ 1 ຄົນ ແລະ ຊາຍ 2 ຄົນ ໃນລົດແທັກຊີເສຍຊີວິດ ສ່ວນຄົນໃນລົດເມມີຊາຍ 2 ຄົນ ເສຍຊີວິດ ລວມເປັນ 5 ສົບ ແລະ ຍັງມີຜູ້ບາດເຈັບອີກ 32 ຄົນ.

ในภาพอาจจะมี ท้องฟ้า, รถประจำทาง และสถานที่กลางแจ้ง

ຫົວໜ້າຕຳຫຼວດຮົງກົງກ່າວອີກວ່າ ຕໍາຫຼວດເຊື່ອວ່າລົດແທັກຊີຈອດເພຢູ່ຝັ່ງຊ້າຍຂອງຫົນທາງ ຈາກນັ້ນອີກປະມານ 40 ວິນາທີຕໍ່ມາ ລົດເມຂົນສົ່ງພະນັກງານຂອງຄາເທຍ ປາຊິຟິກແລ່ນມາຕຳຈາກດ້ານຫຼັງເຮັດໃຫ້ລົດເມເສຍການຄວບຄຸມໄຖໄປຕຳກັບແລວກັ້ນຂ້າງທາງ ເຮັດໃຫ້ມີຜູ້ໂດຍສານ 3 ຄົນ ຟົ້ງຕົກລົງມາຈາກລົດເມ ທາງຕໍາຫຼວດກໍາລັງກວດສອບໃຫ້ຮູ້ວ່າ ຄົນຂັບລົດເມ ເຊິ່ງເຮັດວຽກມາ 10 ຊົ່ວໂມງແລ້ວ ໃນຂະນະເກີດເຫດນັ້ນ ມີອາການເມື່ອຍລ້າ ຫຼື ມີສານແອລກໍຮໍ ຫຼື ບໍ່.

ສາຍການບິນຄາເທຍ ປາຊິຟິກ ຖະແຫຼງຢືນຢັນວ່າ ລົດເມຂົນສົ່ງພະນັກງານຂອງສາຍການບິນຄາເທຍ ປາຊິຟິກ ໄດ້ເກີດອຸບັດເຫດແທ້ ເຊິ່ງເປັນເລື່ອງໜ້າເສົ້າ ແລະ ຂໍສະແດງຄວາມເສຍໃຈກັບຄອບຄົວຂອງຜູ້ສູນເສຍດ້ວຍ.

ในภาพอาจจะมี 1 คน, รถยนต์, กลางคืน และสถานที่กลางแจ้ง

ຮົງກົງພາກພູມິໃຈວ່າເປັນໜຶ່ງໃນປະເທດທີ່ມີລະບົບຂົນສົ່ງມວນຊົນທີ່ດີທີ່ສຸດໃນໂລກ ແຕ່ອຸບັດເຫດຮ້າຍແຮງຂອງລົດເມໂດຍສານນັ້ນເຄີຍເກີດຂຶ້ນມາແລ້ວ ເຊັ່ນເມື່ອເດືອນກຸມພາ ທີ່ຜ່ານມາ ລົດເມສອງຊັ້ນແລ່ນມາດ້ວຍຄວາມໄວຈົນພິກຂວ້ຳ ຢູ່ທາງພາກເໜືອຂອງຮົງກົງ ເຮັດມີຜູ້ເສຍຊີວິດ 19 ຄົນ ແລະ ບາດເຈັບກວ່າ 60 ຄົນ ສ່ວນຄົນຂັບລົດເມຖືກຈັບກຸມຂໍ້ຫາຂັບລົດໂດຍປະໝາດ ແລະ ໃນປີ 2003 ລົດເມສອງຊັ້ນຕຳກັບລົດບັນທຸກຈົນຕົກຈາກຂົວ ມີຜູ້ເສຍຊີວິດ 21 ຄົນ ແລະ ບາດເຈັບ 20 ຄົນ.

ในภาพอาจจะมี 5 คน, สถานที่กลางแจ้ง

%d bloggers like this: