ເຢຍລະມັນປະຕິເສດຢູເຄຣນຂໍ “ການຄຸ້ມຄອງ” ຈາກນາໂຕ

ນາຍົກລັດຖະມົນຕີເຢຍລະມັນ ເຕືອນຢູເຄຣນ “ຄວນມີເຫດຜົນ” ຫຼັງລັດຖະບານຈາກນະຄອນຫຼວງຄຽບ ຂໍໃຫ້ນາໂຕສົ່ງເຮືອຮົບເຂົ້າສູ່ທະເລອາຊອຟ ເພື່ອ “ການຄຸ້ມຄອງ” ໃນຂະນະທີ່ສະຖານະການກຳລັງເຄັ່ງຕຶງ ທາງທະຫານຮອບໃໝ່ກັບຣັສເຊຍ ໂດຍຂໍໃຫ້ທັງສອງຝ່າຍເຈລະຈາກັນ.

ສໍານັກຂ່າວຕ່າງປະເທດລາຍງານຈາກນະຄອນຫຼວງເບີລິນ ປະເທດເຢຍລະມັນ ເມື່ອວັນສຸກ ທີ 30 ພະຈິກ ວ່າ ທ່ານນາຍົກລັດຖະມົນຕີອັງເກລາ ແມຮ໌ເຄິລ ກ່າວເມື່ອວັນພະຫັດ ຜ່ານມາ ກ່ອນອອກເດີນທາງໄປຢ້ຽມຢາມນະຄອນຫຼວງບົວໂນສໄອເຣສ ປະເທດອາເຈນຕິນາ ເພື່ອເຂົ້າຮ່ວມປະຊຸມສຸດຍອດຜູ້ນຳກຸ່ມປະເທດເສດຖະກິດຂະໜາດໃຫຍ່ “G-20” ວ່າ ແນ່ນອນຄວາມຂັດແຍ່ງລະຫວ່າງຣັສເຊຍ ກັບ ຢູເຄຣນ ຈາກເຫດການທີ່ທະເລອາຊອຟ ເມື່ອໄລຍະຕົ້ນອາທິດ ຜ່ານມານີ້ “ເປັນກໍລະນີທີ່ເຄັ່ງຄຽດ” ແຕ່ລັດຖະບານຢູເຄຣນ ຕ້ອງມີເຫດຜົນຫຼາຍກວ່ານີ້.

ທ່ານນາຍົກລັດຖະມົນຕີອັງເກລາ ແມຮ໌ເຄິລ

ໂດຍ ທ່ານ ແມຣ໌ເຄິລ ກ່າວວ່າ ມາດຕະການທາງທະຫານ “ບໍ່ແມ່ນທາງອອກທີ່ເໝາະສົມ” ແຕ່ຕ້ອງເປັນການເຈລະຈາກັນຕາມຫຼັກການທາງການທູດ ແລະ ຕົນຢືນຢັນວ່າເອີຣົບຍັງຄົງຫາລືເປັນການພາຍໃນກ່ຽວກັບມາດຕະການກົດດັນທາງເສດຖະກິດຕໍ່ລັດຖະບານຣັສເຊຍ ທີ່ໃຊ້ມາຕັ້ງແຕ່ວິກິດການໄຄຣເມຍ ເມື່ອປີ 2014.

ທ່າທີດັງກ່າວຂອງ ທ່ານ ແມຣ໌ເຄິລ ເຊິ່ງຖືເປັນ “ຜູ້ນໍາເອີຣົບໂດຍຕາມຄວາມເປັນຈິງແລ້ວ ” ເກີດຂຶ້ນຫຼັງສະພານິຕິບັນຍັດແຫ່ງຊາດ ໃນນະຄອນຫຼວງຄຽບ ອະນຸມັດຄໍາຮຽກຮ້ອງຂອງປະທານາທິບໍດີເປໂຕຣ ໂປໂຣເຊນໂກ ໃນການປະກາດກົດໄອຍະການເສິກ “ຢ່າງໜ້ອຍ 30 ວັນ” ຕັ້ງແຕ່ວັນທີ 28 ພະຈິກ ທີ່ຜ່ານມາ ຄວບຄຸມພື້ນທີ່ທັງໝົດຕາມແນວເຂດຊາຍແດນທາງຕາວັນອອກຂອງປະເທດທີ່ຕິດກັບຣັສເຊຍ ແລະ ຮຽກຮ້ອງ “ການສະໜັບສະໜຸນທາງທະຫານ” ຈາກອົງການສົນທິສັນຍາແອັດແລນຕິກ ເໜືອ (ນາໂຕ) ເຖິງວ່າລັດຖະບານຢູເຄຣນບໍ່ໄດ້ເປັນສະມາຊິກ ໃນການສົ່ງເຮືອຮົບເຂົ້າ ສູ່ທະເລອາຊອຟທີ່ຢູ່ລະຫວ່າງຄາບສະຫມຸດໄຄຣເມຍກັບແຜ່ນດິນໃຫຍ່ຣັສເຊຍ.

ในภาพอาจจะมี หนึ่งคนขึ้นไป, ท้องฟ้า และสถานที่กลางแจ้ง

ในภาพอาจจะมี 1 คน

ດ້ານ ທ່ານ ເຢນສ໌ ສະໂຕນເທນເບີກ ເລຂາທິການນາໂຕ ບໍ່ສະແດງທ່າທີໃດຫຼັງຄໍາກ່າວຂອງຜູ້ນໍາເຢຍລະມັນ ເຊັ່ນດຽວກັບບັນດາຜູ້ນໍາຫຼາຍປະເທດໃນເອີຣົບລວມເຖິງປະທານາທິບໍດີເອັມມານູເອລ ມາຄຣົງ ຜູ້ນໍາຝຣັ່ງ ແລະ ສະຫະພາບເອີຣົບ (ອີຢູ) ພຽງອອກຖະແຫຼງການປະນາມສະຖານະການທີ່ເກີດຂຶ້ນ ຂະນະທີ່ທຳນຽບເຄຣມລິນ (ທຳນຽບລັດຖະບານຣັສເຊຍ) ກ່າວວ່າ ການເຄື່ອນໄຫວຂອງໂປໂຣເຊນໂກ ຕໍ່ສະຖານະການໃນທະເລອາຊອຟເປັນພຽງ “ການຫາສຽງ” ກ່ອນການເລືອກຜູ້ນຳຢູເຄຣນຄັ້ງຕໍ່ໄປທີ່ຈະມີຂຶ້ນໃນເດືອນມີນາ ປີໜ້າ ທີ່ຣັສເຊຍ ເບິ່ງເຫັນວ່າມີແນວໂນ້ມສູງທີ່ໂປໂຣເຊນໂກ “ຈະເປັນຝ່າຍເສຍ” ໃຫ້ແກ່ ທ່ານນາງ ຢູເລຍ ທິໂມເຊນໂກ ອະດີດນາຍົກລັດຖະມົນຕີ.

ในภาพอาจจะมี ท้องฟ้า และธรรมชาติ

ในภาพอาจจะมี 1 คน, กำลังยิ้ม, ท้องฟ้า และสถานที่กลางแจ้ง

%d bloggers like this: