ສານສັ່ງບໍລິສັດຍີ່ປຸ່ນຈ່າຍຊົດເຊີຍຄ່າແຮງງານທາດເກົາຫຼີ

ສານເກົາຫຼີໃຕ້ມີຄຳພິພາກສາ ເມື່ອວັນພະຫັດ ຜ່ານມາ ໃຫ້ບໍລິສັດອຸດສາຫະກຳລາຍໃຫຍ່ຂອງຍີ່ປຸ່ນ ຈ່າຍຄ່າຊົດເຊີຍໃຫ້ແກ່ຄົນເກົາຫຼີ 10 ຄົນ ທີ່ຖືກບັງຄັບໃຊ້ແຮງງານ ຂະນະທີ່ຍີ່ປຸ່ນຢຶດຄອງຄາບມະຫາສະໝຸດເກົາຫຼີເປັນພື້ນທີ່ບໍລິຫານຈັດການ ລະຫວ່າງປີ 1910-1945.

ສໍານັກຂ່າວເອພີ ແລະ ເອເອັຟພີລາຍງານຈາກນະຄອນຫຼວງໂຊ ປະເທດເກົາຫຼີໃຕ້ ເມື່ອວັນພະຫັດ ທີ 29 ພະຈິກ ວ່າ ຄໍາພິພາກສາສານຫຼ້າສຸດທີ່ມີຕໍ່ບໍລິສັດມິດຊູບິຊິ ເຮຟວີ່ ອິນດັສຕຣີ ເປັນໄປຕາມ ຄາດໝາຍຂອງບຸກຄົນທົ່ວໄປ ເນື່ອງຈາກສານດຽວກັນມີຄໍາພິພາກສາ ເມື່ອວັນສຸກ ທີ 30 ຕຸລາ ຫຼັງການພິຈາລະນາໃນສານ ດົນ 5 ປີ ໃຫ້ບໍລິສັດນິບປອນ ສຕິລ ແອນ ຊູມິໂຕໂມ ເມທັລ ຂອງຍີ່ປຸ່ນ ຈ່າຍເງິນຊົດເຊີຍລວມ 100 ລ້ານວອນ (ປະມານ 760 ລ້ານກີບ) ໃຫ້ແກ່ຊາວເກົາຫຼີ 4 ຄົນ ທີ່ຖືກບັງຄັບໃຊ້ແຮງງານໃນໄລຍະເວລາດຽວກັນກັບຄະດີນີ້.

ในภาพอาจจะมี 6 คน, เครา

ຄໍາພິພາກສາຂອງສານ ເມື່ອວັນພະຫັດ ສັ່ງໃຫ້ບໍລິສັດມິດຊູບິຊິຈ່າຍເງິນຊົດເຊີຍຄ່າແຮງຄ້າງຈ່າຍ ແກ່ໂຈດຄົນລະ 80 ລ້ານວອນ (ປະມານ 600 ລ້ານກີບ).

ຈາກຂໍ້ມູນຂອງທາງການເກົາຫຼີໃຕ້ມີຊາວເກົາຫຼີ ປະມານ 780.000 ຄົນ ຖືກເກນໄປເປັນແຮງງານບັງຄັບ ໂດຍທະຫານກອງທັບຍີ່ປຸ່ນ ໃນໄລຍະ 35 ປີ ຂອງການຢຶດຄອງຄາບສະໝຸດເກົາຫຼີ ເຊິ່ງຍັງບໍ່ລວມຜູ້ຍິງທີ່ຖືກບັງຄັບໃຫ້ເປັນທາດທາງຕັນຫາໃຫ້ທະຫານກອງທັບຍີ່ປຸ່ນ.

ในภาพอาจจะมี 13 คน, ผู้คนกำลังยืน

%d bloggers like this: