5 ເຫດຜົນທີ່ທ່ານຕ້ອງຮູ້ກ່ຽວກັບ…ນິສສັນເທີລ້າອໍນີວໃໝ່

ບໍລິສັດຕັນຈອງ ມໍເຕີ (ລາວ)​ ຈໍາກັດພຽງຜູ້ດຽວ (“TCML”), ຜູ້ຈໍາໜ່າຍສະເພາະ ພຽງຜູ້ດຽວ ຂອງລົດຍີ່ຫໍ້ນິສສັນ ແລະ ເປັນບໍລິສັດໃນເຄືອຂອງບໍລິສັດຕັນຈອງ ມໍເຕີ ໂຮນດິ້ງ ເບີຫາດ (ມາເລເຊຍ) ຈະເປັນຜູ້ດໍາເນີນການເປີດຕົວລົດນິສສັນເທີລ້າໃໝ່ໃນງານເປີດຕົວ ເດືອນທັນວາທີ່ຈະມາເຖິງນີ້. ກ່ອນອື່ນ, ເຮົາມາເບິ່ງ “5 ເຫດຜົນ ທີ່ທ່ານຄວນຮູ້ໄວ້ກ່ອນ”.

ປະຈຸບັນ, ສໍາລັບການເປີດຕົວລົດນິສສັນເທີລ້າໃໝ່ ລົດຈະປະກອບມີຕາໄຟເດທາມ ຣັນນີ້ງໄຣ ( DRL) ຮູບຊົງບູມເບີແລງ ທີ່ຈະເຮັດໃຫ້ລົດຖືກເບິ່ງເຫັນໄດ້ງ່າຍໃນເວລາກາງເວັນ ແລະ ໃນສະພາບທີ່ມີເມກໝອກໜາ ດ້ວຍຕາໄຟໜ້າ LED ອັດຕະໂນມັດ ເພື່ອການຂັບຂີ່ໃນເວລາກາງຄືນ.

1) ບໍ່ແມ່ນແບບລົດ ເອັສຢູວີ ທົ່ວໄປຂອງທ່ານ: ຫຼາຍທ່ານອາດຈະໄດ້ເຫັນປະເພດລົດ ເອັສຢູວີ ທີ່ແຕກຕ່າງກັນ ເທິງທ້ອງຖະໜົນ; ບາງລຸ້ນແມ່ນລຸ້ນຄອສໂອເວີ ແລະ ບາງລຸ້ນແມ່ນກຸ່ມເອັສຢູວີ ຂະໜາດກາງຂ້ອນຂ້າງໃຫຍ່ ແລະ ໜັກກວ່າ. ໃນທາງເລືອກເຫຼົ່ານີ້, ພວກເຮົາຮູ້ວ່າ ຜູ້ຜະລິດລົດສ່ວນໃຫຍ່ແມ່ນມີສ່ວນກ່ຽວຂ້ອງໂດຍກົງກັບການອອກແບບທີ່ທັນສະໄໝ ເພື່ອເຮັດໃຫ້ລົດຂອງເຂົາເຈົ້າ ມີຈຸດເດັ່ນຢ່າງແທ້ຈິງ.

ກະຈັງໜ້າສັນຍາລັກ “V-Motion” ມີເອກະລັກ ທີ່ໃຫ້ຮູບຫຼັກທີ່ຄ່ອງຕົວຈາກດ້ານໜ້າ ແລະ ຕາໄຟດ້ານໜ້າ LED ບູມເບີແລງ ທີ່ເປັນຮູບແບບລ່ຽມຄົມ ແລະ ເບິ່ງມີອໍານາດເໜືອລະດັບ. ບໍ່ພຽງແຕ່ເທົ່ານັ້ນ, ຫລັງທີ່ມີນໍ້າໜັກເບົາທີ່ມາຈາກສ່ວນກັນຊົນດ້ານໜ້າໄປຫາດ້ານຫລັງ ດ້ວຍໄຟທ້າຍທີ່ຈະເພີ່ມຮູບຫຼັກທີ່ທັນສະໄໝ. ແມ່ນແຕ່ລໍ້ອັນລອຍຂະໜາດ 18 ນີ້ວ ຍັງເປັນການຕົບແຕ່ງທີ່ຈະເຮັດໃຫ້ເກີດຄວາມໜ້າສົນໃຈ ສ້າງຄວາມປະທັບໃຈເທິງທ້ອງຖະໜົນ!

2) ອະເນກປະສົງ ບໍ່ມີຂີດຈໍາກັດ: ດ້ວຍຄວາມຢືດຢຸ່ນ ຄວາມໄວບໍ່ມີຂີດຈໍາກັດ, ນິສສັນເທຍລ້າແມ່ນສາມາດສະແດງປະສິດທິພາບຂອງຕົນໄດ້ຢ່າງສົມບູນແບບ. ເຄື່ອງຈັກ 2,5 ລິດ 4 ສູບແຖວລຽງ ເທີໂບແປຜັນ DOHC (VGS) ພ້ອມດ້ວຍລະບົບອິນເຕີຄູນເລີ, ລະບົບເກຍອັດຕະໂນມັດ 7 ສະປີດ ພ້ອມໂໝດເກຍທໍາມະດາ (+ / -) ທີ່ຈະໃຫ້ປະສິດທິພາບອັດຕາເລັ່ງຄວາມໄວດີທີ່ສຸດໃນລຸ້ນ. ພາລະກໍາລັງທີ່ບໍ່ເຄີຍຂາດຫາຍ ບໍ່ວ່າຈະຢູ່ເທິງທາງຫລວງ ຫລື ທາງວິບາກ, ຍ້ອນມີເຄື່ອງຈັກແຮງມ້າຂະໜາດ 190 ແລະ ແຮງບິດ 450 ນີວຕັນແມັດ! ດ້ວຍເຫດນີ້ “ຈິ່ງສາມາດໄປໄດ້ທຸກຫົນທຸກແຫ່ງ”

3) ລະບົບກັນສະເທືອນທີ່ລື່ນໄຫຼ ແລະ ລະບົບລັອກ 4WD-DIFF. ທ່ານບໍ່ເຄີຍຜິດຫວັງກັບໂຄງລົດແບບຂັ້ນໄດທີ່ສົມບູນແບບ ອະເນກປະສົງ  ຂອງນິສສັນເທຍລ້າ ລະບົບກັນສະເທືອນດ້ານຫລັງ 5 ຂໍ້ ຄອຍສະປີງ ແລະ ແກນລໍ້ຫລັງທີ່ແຂງແກ່ນ ທີ່ຈະເຮັດວຽກຮ່ວມກັນ ເພື່ອຮັບປະກັນຄວາມແຂງແກ່ນ, ຄວາມທົນທານ, ແລະ ຄວາມສະດວກສະບາຍ.​

ແມ່ນຫຍັງທີ່ເຮັດໃຫ້ລົດນິສສັນເທຍລ້າມີເອກະລັກສະເພາະ ຈາກຄູ່ແຂ່ງຂອງຕົນ ເຊິ່ງລົດແມ່ນລົດເອັສຢູວີຂະໜາດກາງ ໃນລຸ້ນ ທີ່ມາພ້ອມກັບລະບົບປ້ອງກັນການລື່ນໄຫລ ຂະນະທາງມື່ນ 4 ລໍ້ (ABLS) ແລະ ລະບົບລັອກເຟື້ອງທ້າຍໄຟຟ້າ (ELRD)  ເມື່ອລົດມີການໝູນປິ່ນຂອງກົງໃດໜຶ່ງ ມັນຈະສົ່ງກໍາລັງອັດຕະໂນມັດໄປຫາກົງອື່ນໆ ດ້ວຍການຢຶດເກາະທີ່ຫລາກຫລາຍ ເພື່ອຊ່ວຍໃນການຮັບມືກັບເສັ້ນທາງວິບາກທີ່ສຸດ. ໃນຂະນະທີ່ ລະບົບຊ່ວຍອອກຕົວເທິງທາງລາດຊັນ (HSA) ປ້ອງກັນຍານພາຫະນະຈາກການໄຫຼກັບ ຊ່ວຍໃຫ້ນັກຂັບຂີ່ ມີເວລາພໍໃນການປ່ຽນຈາກແປ້ນເບຣກໄປຫາຄັນເລັ່ງ ແລະ ລະບົບຊ່ວຍລົງທາງລາດຊັນ (HDC) ຈະຊ່ວຍຄວບຄຸມຄວາມໄວໃນການຂັບຂີ່ລົງທາງສູງຊັນ ສະນັັ້ນ ທ່ານພຽງແຕ່ຕ້ອງເອົາໃຈໃສ່ໃນການຄວບຄຸມພວງມະໄລເທົ່ານັ້ນ. ທ່ານຄິດວ່າ ຄັກບໍ່??!!!

4) ຄວາມສະດວກສະບາຍທີ່ເໜືອກວ່າ ສໍາລັບຄອບຄົວ. ດ້ວຍຂະໜາດທີ່ພໍເໝາະ, ນິສສັນເທຍລ້າສາມາດຮອງຮັບຜູ້ໂດຍສານໄດ້ເຖິງເຈັດທີ່ນັ່ງ ແລະ ມີຄວາມຍາວຂອງໂຕລົດ 4.855 ມມ ແລະ ຄວາມກວ້າງ 1.865 ມມ – ນິສສັນເທຍລ້າແມ່ນມີຄວາມຍາວ ແລະ ກວ້າງກວ່າລົດເອັສຢູວີຍີ່ຫໍ້ອື່ນເລັກນ້ອຍ. ແນວໃດກໍ່ຕາມ, ບັນຫາທົ່ວໄປສ່ວນໃຫຍ່ຂອງລົດເອັສຢູວີທັງໝົດໃນຕະຫລາດແມ່ນເກີດຂຶ້ນໃນເວລາທີ່ ພວກເຮົາພະຍາຍາມເຂົ້າໄປຂ້າງໃນທີ່ນັ່ງແຖວສາມ. ແມ່ນແລ້ວ, ນິສສັນມາພ້ອມກັບທາງເລືອກທີ່ສາມາດເຮັດໃຫ້ຜູ້ໂດຍສານສາມາດເຂົ້າອອກລົດໄດ້ສະດວກສະບາຍຫລາຍ. ພຽງແຕ່ໃຊ້ປຸ່ມ “1-Touch Remote Fold and Tumble Seat”  ຢູ່ທີ່ຄອນໂຊນກາງຂອງຜູ້ຂັບຂີ່; ທີ່ນັ່ງແຖວສອງຈະພັບຂຶ້ນ ແລະ ດຶງກັບໄປມາອັດຕະໂນມັດ.

ຜູ້ຂັບຂີ່ ແລະ ຜູ້ໂດຍສານດ້ານໜ້າຈະມີທີ່ນັ່ງດ້ານໜ້າແບບບໍ່ມີແຮງໂນ້ມຖ່ວງ, ລະບົບຄວບຄຸມອາກາດອັດຕະໂນມັດແບບແຍກສ່ວນ, ຂະນະທີ່ຜູ້ໂດຍສານດ້ານຫລັງຈະມີຊ່ອງແອດ້ານຫລັງສະເພາະ ແລະ ລະບົບຄວບຄຸມອາກາດທີ່ນັ່ງດ້ານຫລັງ ທີ່ຈະເຮັດໃຫ້ອຸນຫະພູມເຢັນສະດວກສະບາຍ ສໍາລັບຜູ້ໂດຍສານດ້ານຫລັງ. ນອກຈາກນີ້, ຜູ້ໂດຍສານດ້ານຫລັງຍັງຈະມີລະບົບຄວາມບັນເທີງແຍກສອງລະບົບ (ໜ້າຈໍຕິດເບາະນັ່ງດ້ານຫລັງ ຂະໜາດ 10,25 ນີ້ວ) ແລະ ບ່ອນວາງຂວດນໍ້າ ທີ່ຈະເຮັດໃຫ້ການເດີນທາງຄອບຄົວຂອງທ່ານ ກາຍເປັນຄວາມຊົງຈໍາທີ່ຍາວນານຂຶ້ນ.

ไม่มีข้อความกำกับภาพอัตโนมัติ

5) ເຕັກໂນໂລຊີຂັບເຄື່ອນອັດສະລິຍະ: ເຕັກໂນໂລຊີຂັບເຄື່ອນອັດສະລິຍະຂອງນິສສັນແມ່ນໜຶ່ງໃນສິ່ງທີ່ລໍຄອຍມາຍາວນານຂອງບໍລິສັດ ທີ່ຖືກອອກແບບ ເພື່ອນໍາເອົາຄວາມປອດໄພ ແລະ ຄວາມສະດວກສະບາຍມາໃຫ້ຜູ້ຂັບຂີ່ ແລະ ຜູ້ໂດຍສານ. ນິສສັນເທຍລ້າຍັງມີຈຸດເດັ່ນດ້ານຄວາມປອດໄພເຕັກໂນໂລຊີສູງ ທີ່ຈະຊ່ວຍໃຫ້ຜູ້ຂັບຂີ່ ສາມາດຂັບເຄື່ອນໄປໃນທາງຂອງຕົນ ຜ່ານເສັ້ນທາງໃນເມືອງ ແລະ ເຂດປ່າຊົນນະບົດ! ນິສສັນເທຍລ້າ ມາພ້ອມກັບກຸນແຈອັດສະລິຍະ (i-Key) ພ້ອມດ້ວຍປຸ່ມກົດສະຕາດລົດ, ລະບົບແຈ້ງເຕືອນການອອກຈາກເລນ (LDW), ລະບົບກວດວັດຖຸເຄື່ອນທີ່ (MOD) ແລະ ລະບົບກ້ອງເບິ່ງຮອບດ້ານອັດສະລິຍະ (i-AVM) ທີ່ຈະໃຫ້ທ່ານເຫັນພາບດ້ານເທິງ 360 ອົງສາ ຢູ່ອ້ອມຮອບລົດ ເພື່ອການຫລົບຫລີກທີ່ງ່າຍຂຶ້ນ.

ອຸປະກອນຄວາມປອດໄພອື່ນໆ ລວມມີຖົງລົມນິລະໄພ  SRS 6 ຖົງ (ຜູ້ຂັບຂີ່ ແລະ ຜູ້ໂດຍສານ, ດ້ານຂ້າງ ແລະ ປະຕູແວ່ນຂ້າງ), ເຊັນເຊີການຈອດຕາຫລັງ, ກ້ອງຖອຍຫລັງ, ລະບົບ immobilizer ປ້ອງກັນການໂຈລະກໍາ ພ້ອມດ້ວຍລະບົບແຈ້ງເຕືອນ VSS, ລະບົບຟັງຊັນ Follow-Me-Home, ລະບົບເບຣກກັນລໍ້ລັອກ ABS, ລະບົບກະຈາຍແຮງ-ເບຣກໄຟຟ້າ (EBD) ແລະ ລະບົບຊ່ວຍເບຣກ (BA), ລະບົບຄວບຄຸມການຊົງຕົວອັດຕະໂນມັດ (VDC), ລະບົບລັອກປ້ອງກັນຄວາມປອດໄພເດັກນ້ອຍ ແລະ ການປະກອບສ້າງຂອງໂຄງລົດທີ່ເປັນໂຊນ.

ເພື່ອຄົ້ນຫາຂໍ້ມູນເພີ່ມເຕີມ, ບັນດາທ່ານ ລູກຄ້າອາດຈະເຂົ້າຢ້ຽມຊົມຫ້ອງວາງສະແດງ ແລະ ສະເໜີໃຫ້ລົງທະບຽນ ເພື່ອຮັບບັດເຊີນເຂົ້າເບິ່ງງານເປີດຕົວລົດນິສສັນເທຍລ້າ ອໍນີວໃໝ່.

ການຈັບຈອງລົດໃໝ່ ຢູ່ໃນຫ້ອງວາງສະແດງລົດນິສສັນ ກ່ອນງານເປີດຕົວ ແມ່ນຈະໄດ້ຮັບໂປຣໂມຊັນພິເສດເພີ່ມເຕີມ ແລະ ຍັງສາມາດເລືອກໄດ້ຫລາຍສີ – ສີນໍ້າຕານດິນ, ສີເທົາລູນາ ເມທາລິກ, ສີຄໍາແຟ ເມທາລິກ ໂກ, ສີແດງຟີຣີເຣັດ, ສີດໍາກະເລັກຊີ, ສີຟ້າເຂັ້ມ, ສີເງິນບີວລ້ຽນຊິວເວີ້ ແລະ ສີຂາວມຸກ ແອັສເປັນ.

ບໍລິສັດ TCML ແມ່ນຈະນໍາສະເໜີຍານພາຫະນະຕ່າງໆຢ່າງຕໍ່ເນື່ອງ ແລະ ສໍາລັບຜູ້ອ່ານທີ່ສົນໃຈ ທີ່ຕ້ອງການເຂົ້າຮ່ວມງານເປີດຕົວ.

ກະລຸນາ ຕອບກັບການເຊີນຂອງທ່ານ 

—>ໂດຍການກົດລິ້ງ<—

(ລິ້ງຕົວຢ່າງ) ຫລື ສະແກນລະຫັດ QR-code (ລະຫັດຕົວຢ່າງ)

*ເປັນໄປຕາມຂໍ້ກໍານົດ ແລະ ເງື່ອນໄຂ

ສໍາລັບຂໍ້ມູນເພີ່ມເຕີມຂອງລົດນິສສັນທັງໝົດໃນປະເທດລາວ, ກະລຸນາເຂົ້າຢ້ຽມຊົມເວັບໄຊນິສສັນລາວຢູ່ທີ່ເວັບໄຊ www.nissan-lao.la ຫລື ຕິດຕາມໜ້າເຟສບຸກຂອງນິສສັນລາວຢູ່ທີ່ www.facebook.com/NissanLaos/

 

%d bloggers like this: