ເປີດສູນຄວາມງາມຄົບວົງຈອນ ຕຸລີ່ ບິວຕີ້

ວັນທີ 25 ພະຈິກ 2018 ທ່ານ ນາງ ຕຸລີ່ ວິໄລວົງ ເຈົ້າຂອງ ຕຸລີ່ ສູນຄວາມງາມຄົບວົງຈອນ ພ້ອມດ້ວຍຄອບຄົວຮ່ວມກັນຕັດແຖບຜ້າເປີດສູນບໍລິການດ້ານເສີມຄວາມງາມຢ່າງເປັນທາງການ.

ທ່ານ ນາງ ຕຸລີ່ ວິໄລວົງ ໄດ້ກ່າວໃນງານວ່າ: ຕົນເອງໄດ້ເຮັດຫຼາຍທຸລະກິດແຕ່ດ້ວຍຄວາມມັກຂອງການຮັກສາຄວາມງາມ ແລະ ເຂົ້າໃຈດີວ່າໃນຍຸກປັດຈຸບັນແມ່ຍິງຫຼາຍທ່ານບໍ່ໄດ້ມີເວລາເບິ່ງແຍງຕົນເອງຈຶ່ງເປີດສູນ ຄວາມງາມຄົບວົງຈອນຂຶ້ນ ເພື່ອເປັນການສ້າງຄວາມສະດວກສະບາຍໃຫ້ກັບແມ່ຍິງທຸກທ່ານ ໂດຍເນັ້ນຕັ້ງແຕ່ອຸປະກອນຈົນຮອດຜະລິດຕະພັນທີ່ໃຊ້ທຸກຢ່າງຕ້ອງຄັດເລືອກໃຫ້ໄດ້ມາດຕະຖານ ແລະ ໄດ້ຄຸນນະພາບເທົ່ານັ້ນ ແນ່ນອນຖ້າໄດ້ຄຸນນະພາບຜົນຕອບຮັບຈາກລູກຄ້າກໍ່ຈະຕາມມາເລື້ອຍໆ.

ກວ່າຈະເປັນ ຕຸລີ່ ສູນຄວາມງາມຄົບວົງຈອນໃນມື້ນີ້ຕ້ອງໄດ້ກະກຽມເປັນເວລາກວ່າ 2 ປີ ທັງອຸປະກອນທີ່ນຳເຂົ້າຈາກຕ່າງປະເທດ, ຜະລິດຕະພັນທີ່ໄດ້ຄຸນນະພາບ ແລະ ພະນັກງານທີ່ເປັນຊ່ຽວຊານດ້ານຄວາມງາມໂດຍສະເພາະ.

ນອກຈາກນີ້, ພາຍໃນງານຍັງມີກິດຈະກຳແຈກໂຊກໃຫ້ແກ່ລູກຄ້າ ແລະ ແຂກທີ່ມາຮ່ວມງານລວມມູນຄ່າກວ່າ 25 ລ້ານກີບ. ຕຸລີ່ ສູນຄວາມງາມຄົບວົງຈອນ ຈະມີຫຼາກຫຼາຍດ້ານໃນການເສີມຄວາມງາມ ນັບຕັ້ງແຕ່ຜິວໜ້າ, ຜິວກາຍ ແລະ ອື່ນໆ ລວມທັງມີບໍລິການແຕ່ງໜ້າເຮັດຜົມສຳລັບອອກງານນຳອີກ.

ຕຸລີ່ ສູນຄວາມງາມຄົບວົງຈອນ ຕັ້ງຢູ່ບ້ານຫັດສະດີ ( ຕໍ່ໜ້າສູນ ETL ), ເມືອງຈັນທະບູລີ ນະຄອນຫຼວງວຽງຈັນ ເປີດໃຫ້ບໍລິການທຸກມື້ແຕ່ເວລາ 9:00 ຫາ 19:00 ໂມງ.

[ ຂ່າວ: ທິບອຸສາ, ຮູບ: ສອນໄຊ ]

%d bloggers like this: