ເດັກປະເທດຍີ່ປຸ່ນ ມີສະຖິຕິຂ້າຕົວຕາຍສູງທີ່ສຸດ ໃນຮອບ 32 ປີ

ລັດຖະບານຍີ່ປຸ່ນເຜີຍວ່າ ສະຖິຕິການຂ້າຕົວຕາຍຂອງເດັກ ແລະ ເຍົາວະຊົນໃນປັດຈຸບັນຢູ່ໃນລະດັບສູງທີ່ສຸດນັບຕັ້ງແຕ່ປີ 1986.

ສໍານັກຂ່າວຕ່າງປະເທດລາຍງານຈາກນະຄອນຫຼວງໂຕກຽວ ປະເທດຍີ່ປຸ່ນ ເມື່ອວັນອັງຄານ ທີ 6 ພະຈິກ ວ່າ ກະຊວງສຶກສາທິການຂອງຍີ່ປຸ່ນໄດ້ອອກຖະແຫຼງການເມື່ອວັນຈັນ ວ່າ ສະຖິຕິການຂ້າຕົວຕາຍຂອງເດັກ ແລະ ເຍົາວະຊົນ ໃນປະເທດທັງໃນລະດັບປະຖົມສຶກສາ, ມັດຍົມສຶກສາຕອນຕົ້ນ ແລະ ມັດຍົມສຶກສາຕອນປາຍ ລວມກັນປະມານ 250 ຄົນ ລະຫວ່າງສົກຮຽນແລ້ວນີ້ມາເຖິງເມື່ອເດືອນມີນາ ທີ່ຜ່ານມາ ເພີ່ມຂຶ້ນ 5 ຄົນ ຈາກສະຖິຕິຂອງປີກ່ອນໜ້ານີ້ ເຊິ່ງບັນທຶກໄວ້ 245 ຄົນແລະ ຖືເປັນສະຖິຕິສູງທີ່ສຸດນັບຕັ້ງແຕ່ປີ 1986 ເຊິ່ງມີການຢືນຍັນຂໍ້ມູນວ່າ ເຍົາວະຊົນ 268 ຄົນຕັດສິນໃຈຈົບຊີວິດຕົວເອງດ້ວຍວິທີແບບນີ້.

ในภาพอาจจะมี 3 คน, ผู้คนกำลังเดิน, ผู้คนกำลังยืน และสถานที่กลางแจ้ง

ຢ່າງໃດກໍ່ຕາມ ລັດຖະບານຍີ່ປຸ່ນຍອມຮັບວ່າ ຍັງເປັນເລື່ອງຍາກໃນການວິເຄາະ “ປັດໄຈທີ່ແທ້ຈິງ” ທີ່ກໍ່ໃຫ້ເກີດການຕັດສິນໃຈຂ້າຕົວຕາຍ ໃນກຸ່ມເດັກ ແລະ ເຍົາວະຊົນ ເນື່ອງຈາກຜົນການກວດສອບການເສຍຊີວິດທັງ 250 ກໍລະນີ ໂດຍຜູ້ຊ່ຽວຊານປະກົດວ່າ ເຈົ້າໜ້າທີ່ບໍ່ສາມາດລະບຸສາເຫດການຂ້າຕົວຕາຍຂອງເດັກ ແລະ ເຍົາວະຊົນ ຫຼາຍເຖິງ 140 ຄົນ ຂະນະທີ່ ກໍລະນີທີ່ເຫຼືອນັ້ນມີລາຍງານວ່າ 33 ຄົນ ມີຄວາມວິຕົກກັງວົນກ່ຽວກັບອະນາຄົດຂອງຕົນເອງ, 31 ຄົນມີບັນຫາພາຍໃນຄອບຄົບ ແລະ 10 ຄົນມີປະຫວັດການຖືກຂົ່ມເຫັງໃນໂຮງຮຽນ.

ในภาพอาจจะมี ผู้คนกำลังเดิน และสถานที่กลางแจ้ง

ນອກຈາກນີ້ ລາຍງານຂອງກະຊວງສຶກສາທິການຍັງເຕືອນວ່າ ສະຖິຕິດັ່ງກ່າວເປັນວາລະທີ່ຄວນເລັ່ງດ່ວນທີ່ທຸກຝ່າຍຕ້ອງຮ່ວມກັນໃຫ້ຄວາມສໍາຄັນຫຼາຍກວ່ານີ້ ເນື່ອງຈາກການຂ້າຕົວຕາຍໃນກຸ່ມເດັກ ແລະ ເຍົາວະຊົນ ມີແນວໂນ້ມເພີ່ມຂຶ້ນ ໂດຍສະຖິຕິການຂ້າຕົວຕາຍຂອງຄົນຍີ່ປຸ່ນໃນທຸກກຸ່ມຄົນແມ່ນ 21.321 ຄົນ ເມື່ອປີທີ່ຜ່ານມາ ຫຼຸດລົງມາຈາກທີ່ເຄີຍສູງເຖິງ 34.427 ຄົນ ເມື່ອປີ 2003 ຕາມການເປີດເຜີຍຂອງສໍານັກງານຕໍາຫຼວດແຫ່ງຊາດ.

%d bloggers like this: