ນັກດໍານ້ຳອິນໂດ ເສຍຊີວິດໃນພາລະກິດກູ້ຊາກຍົນ “ໄລອ້ອນ ແອຣ໌”

ອາສາສະໝັກນັກດໍານ້ຳຊາວອິນໂດເນເຊຍ ເສຍຊີວິດລະຫວ່າງຮ່ວມປະຕິບັດພາລະກິດຄົ້ນຫາເບາະແສຍົນໂດຍສານຂອງສາຍການບິນໄລອ້ອນ ແອຣ໌ ເຊິ່ງຕົກໃນທະເລຊະວາ ເມື່ອທ້າຍເດືອນ ທີ່ຜ່ານມາ ຂະນະທີ່ເຈົ້າໜ້າທີ່ດຳເນີນຄົ້ນຫາກ່ອງດໍາກ່ອງທີ 2.

ສໍານັກຂ່າວຕ່າງປະເທດລາຍງານຈາກນະຄອນຫຼວງຈາກາຕ້າ ປະເທດອິນໂດເນເຊຍ ເມື່ອວັນທີ 4 ພະຈິກ ກ່ຽວກັບຄວາມຄືບໜ້າຂອງປະຕິບັດການຄົ້ນຫາສາເຫດຂອງຖ້ຽວບິນ ເຈທີ 610 ຂອງສາຍການບິນໄລອ້ອນ ແອຣ໌ ເຊິ່ງປະສົບອຸບັດຕິເຫດຕົກໃນທະເລນອກຊາຍຝັ່ງ ທາງພາກເຫນືອຂອງເກາະຊະວາ ລະຫວ່າງເດີນທາງຈາກນະຄອນຫຼວງຈາກາຕ້າ ສູ່ໝູ່ເກາະບັງກາເບີລີຕຸງ ທາງພາກຕະວັນອອກສຽງໃຕ້ຂອງເກາະສຸມາຕຣາ ເມື່ອວັນຈັນທີ 29 ຕຸລາ ທີ່ຜ່ານມາ.

ในภาพอาจจะมี ท้องฟ้า, สถานที่กลางแจ้ง และน้ำ

ในภาพอาจจะมี 8 คน, ผู้คนกำลังยืน

ສໍານັກງານຄົ້ນຫາ ແລະ ກູ້ໄພຂອງກອງທັບເຮືອອິນໂດເນເຊຍ ເຊິ່ງເປັນຜູ້ນໍາໃນພາລະກິດຄັ້ງນີ້ລາຍງານເມື່ອວັນເສົາ ວ່າ ທ້າວ ສະຍາດຣຸນ ອັນໂຕ ອາຍຸ 48 ປີ ນັກດໍານ້ຳຈິດອາສາເຊິ່ງໄດ້ຮັບມອບໝາຍໃຫ້ຢູ່ໃນທີມຄົ້ນຫາ ແລະ ເກັບກູ້ສົບລວມເຖິງຊິ້ນສ່ວນຂອງຍົນໄດ້ເສຍຊີວິດລະຫວ່າງປະຕິບັດໜ້າທີ່ເບື້ອງຕົ້ນເຈົ້າໜ້າທີ່ຕັ້ງຂໍ້ສົມມຸດຖານເຖິງການການເສຍຊີວິດວ່າເປັນຜົນຈາກການເມົາຄວາມກົດອາກາດ ຢ່າງໃດກໍ່ຕາມ ຄອບຄົວຂອງ ອັນໂຕ ບໍ່ປະສົງໃຫ້ມີການພິສູດສົບອີກ ແລະ ນຳສົບໄປປະກອບພິທີຝັງຕາມຫຼັກສາສະໜາທັນທີ.

ໃນສ່ວນຂອງຄວາມຄືບໜ້າຂອງການຄົ້ນຫາ ແລະ ເກັບກູ້ຊິ້ນສ່ວນຍົນ ແລະ ຜູ້ເສຍຊີວິດນັ້ນ ຂໍ້ມູນຈາກສໍານັກງານບໍລິຫານຈັດການໄພພິບັດແຫ່ງຊາດ (BNPB) ລະບຸຈໍານວນຖົງບັນຈຸຊິ້ນສ່ວນຂອງສົບຢ່າງໜ້ອຍ 73 ຖົງ ແຕ່ເຈົ້າໜ້າທີ່ສາມາດພິສູດເອກະລັກບຸກຄົນໄດ້ພຽງ 4 ສົບເທົ່ານັ້ນ ເນື່ອງຈາກຊິ້ນສ່ວນຂອງສົບທີ່ພົບສ່ວນຫຼາຍແມ່ນຢູ່ໃນສະພາບທີ່ບໍ່ສົມບູນ ໂດຍຈໍານວນຜູ້ທີ່ຢູ່ເທິງຖ້ຽວບິນເຈທີ 610 ລໍານີ້ ມີທັງໝົດ 189 ຄົນ ແບ່ງເປັນຜູ້ໂດຍສານ 181 ຄົນ ແລະ ພະນັກງານສາຍການບິນ 8 ຄົນ.

ในภาพอาจจะมี 1 คน

ในภาพอาจจะมี 2 คน, กลางคืน, รองเท้า และสถานที่กลางแจ้ง

ຂະນະດຽວກັນ ກ່ອງບັນທຶກຂໍ້ມູນການບິນ ຫຼື ກ່ອງດໍາ ກ່ອງທີ 2 ຍັງຈົມຢູ່ໃນທະເລ ສ່ວນກ່ອງດໍາກ່ອງທໍາອິດທີ່ມີການເກັບກູ້ໄດ້ແລ້ວຍັງບໍ່ສາມາດດາວໂຫຼດຂໍ້ມູນໄດ້ ເພາະເຈົ້າໜ້າທີ່ຕ້ອງເອົາເກືອທີ່ຕິດຢູ່ເຕັມກ່ອງບັນທຶກອອກໃຫ້ໝົດກ່ອນ.

ນອກຈາກນີ້ ກະຊວງຄົມນາຄົມຂອງອິນໂດເນເຊຍ ລາຍງານຜົນການກວດສອບຍົນໂດຍສານໂບອິ້ງ 737 ແມັກ 8 ຢ່າງໜ້ອຍ 10 ລໍາ ເຊິ່ງເປັນຂອງກາຣູດ້າ ທີ່ເປັນສາຍການບິນແຫ່ງຊາດ ແລະ ຂອງໄລອ້ອນ ແອຣ໌ ດ້ວຍ ເຊິ່ງພົບ “ຄວາມຜິດປົກກະຕິທາງເທັກນິກ” ກັບຍົນຢ່າງໜ້ອຍ 2 ລໍາ ໂດຍເປັນຂໍ້ບົກຜ່ອງທີ່ລ້ວນກ່ຽວກັບມາດຕະການວັດແທກຄວາມໄວລົມ, ລະດັບຄວາມສູງ ແລະ ການສະແດງຜົນຂໍ້ມູນຢູ່ເທິງໜ້າຈໍ ເຊິ່ງມັນຂ້ອນຂ້າງສອດຄ່ອງກັບການວິເຄາະຂອງຫຼາຍຝ່າຍກ່ອນໜ້ານີ້ວ່າ ສາເຫດການຕົກຂອງຖ້ຽວບິນ ເຈທີ 610 ໜ້າຈະກ່ຽວຂ້ອງກັບເລື່ອງນີ້.

ในภาพอาจจะมี 2 คน

ในภาพอาจจะมี หนึ่งคนขึ้นไป, ผู้คนกำลังยืน และสถานที่กลางแจ้ง

%d bloggers like this: