ທຣຳ ເຕືອນ! ທະຫານຈະຕອບໂຕ້ຜູ້ອົບພະຍົບທີ່ໃຊ້ຄວາມຮຸນແຮງ

ປະທານາທິບໍດີໂດນັລ ທຣຳ ເຕືອນວ່າ ທະຫານເຊິ່ງປະຕິບັດການຢູ່ຕາມເຂດຊາຍແດນຕິດກັບປະເທດເເມັກຊິໂກ “ສາມາດຕອບໂຕ້” ກັບຜູ້ອົບພະຍົບ ທີ່ເປັນຝ່າຍໃຊ້ຄວາມຮຸນແຮງກ່ອນ ແລະ ປະກາດວ່າ ການຂໍສະຖານະຂອງຜູ້ລິ້ໄພຕ້ອງໄປຕາມ “ຂັ້ນຕອນທາງກົດໝາຍ “ເທົ່ານັ້ນ.

ในภาพอาจจะมี หนึ่งคนขึ้นไป, ฝูงชน, ท้องฟ้า, ต้นไม้ และสถานที่กลางแจ้ง

ສໍານັກຂ່າວຕ່າງປະເທດລາຍງານຈາກນະຄອນຫຼວງວໍຊິງຕັນ ປະເທດອາເມຣິກາ ເມື່ອວັນພະຫັດ ທີ 1 ພະຈິກ ວ່າ ປະທານາທິບໍດີໂດນັລ ທຣຳ ກ່າວເມື່ອວັນພະຫັດກ່ຽວກັບຄາລາວານຜູ້ອົບພະຍົບຈາກອາເມຣິກາກາງຫຼາຍກວ່າ 7.000 ຄົນ ເຊິ່ງຕອນນີ້ອາໄສຢູ່ທີ່ປະເທດເເມັກຊິໂກ ແລະ ມີຈຸດໝາຍສຸດທ້າຍແມ່ນເດີນທາງໄປປະເທດອາເມຣິກາ ວ່າ ຈາກຂ່າວທີ່ອອກມາມີຜູ້ອົບພະຍົບຈໍານວນຫຼາຍທີ່ໃຊ້ຄວາມຮຸນແຮງກັບເຈົ້າໜ້າທີ່ຂອງເເມັກຊິໂກ ເຊິ່ງເປັນການກະທຳທີ່ຮ້າຍແຮງຫຼາຍ ແຕ່ເຫດການລັກສະນະນີ້ຈະບໍ່ມີທາງເກີດຂຶ້ນບໍລິເວນເຂດແດນຂອງອາເມຣິກາ ເນື່ອງຈາກວ່າ ຖ້າຜູ້ອົບພະຍົບເປັນຝ່າຍໃຊ້ຄວາມຮຸນແຮງກ່ອນ ທະຫານອາເມຣິກາ ກໍ່ພ້ອມຕອບໂຕ້ ໂດຍມີການສັ່ງການໄວ້ແລ້ວວ່າ ການຂວ່າງກ້ອນຫິນໃສ່ເຈົ້າໜ້າທີ່ຖືວ່າເປັນການໂຈມຕີໃນລະດັບດຽວກັບ “ການໃຊ້ອາວຸດປືນ”.

ຂະນະດຽວກັນ ທຣຳ ຍັງລະບຸອີກວ່າ: ຕົນເອງຈະລົງນາມຄໍາສັ່ງຝ່າຍບໍລິຫານ “ໃນອາທິດຫນ້າ” ເພື່ອຢຸດຕິການອະນຸຍາດໃຫ້ຜູ້ອົບພະຍົບ ຍື່ນຄໍາຮ້ອງຂໍຮັບການພິຈາລະນາສະຖານະຜູ້ລີ້ໄພໃນອາເມຣິກາ ຖ້າບໍ່ແມ່ນການເຂົ້າເມືອງຜ່ານ “ຂັ້ນຕອນຖືກກົດໝາຍ” ບໍ່ວ່າຈະເປັນສະໜາມບິນ, ທ່າເຮືອ ຫຼື ສະຖານີລົດໄຟ.

ในภาพอาจจะมี 3 คน, ผู้คนกำลังนั่ง, สถานที่กลางแจ้ง และน้ำ

ຢ່າງໃດກໍຕາມ ໃນສ່ວນຂອງການຈັດການກັບຜູ້ອົບພະຍົບທີ່ລັກເຂົ້າເມືອງນັ້ນຈະມີການຄວບຄຸມຕົວໄປໄວ້ທີ່ສູນພັກຊົ່ວຄາວໃກ້ກັບຊາຍແດນ ເພື່ອລໍຖ້າການເນລະເທດ ຫຼື ຈົນກວ່າຄຳຮ້ອງຂອງຜູ້ອົບພະຍົບຈະໄດ້ຮັບການອະນຸມັດ ເຊິ່ງຈະມີການພິຈາລະນາເປັນແຕ່ລະກໍລະນີໄປ.

ในภาพอาจจะมี 3 คน, ผู้คนกำลังนั่ง, รองเท้า, เด็ก, ต้นไม้, ตาราง และสถานที่กลางแจ้ง

ในภาพอาจจะมี หนึ่งคนขึ้นไป, ฝูงชน, ต้นไม้ และสถานที่กลางแจ้ง

ທັງນີ້ ຜູ້ນໍາອາເມຣິກາ ຢືນຢັນວ່າ ມາດຕະການເພີ່ມຄວາມເຂັ້ມງວດຕາມເຂດຊາຍແດນທີ່ຕິດກັບເເມັກຊິໂກ “ເປັນໄປຕາມກົດຫມາຍ” ທຸກປະການເພື່ອ ຄວບຄຸມການຫຼັ່ງໄຫຼຂອງຄາລາວານຜູ້ອົບພະຍົບທີ່ມີຄວາມຫຍຸ້ງຍາກຫຼາຍແກ່ການຄວບຄຸມ ແລະ ໂດຍສ່ວນຕົວ ຖືວ່າເປັນ “ການຮຸກຮານ” ເຊິ່ງການເພີ່ມຄວາມເຂັ້ມງວດຕາມຄໍາສັ່ງຂອງ ທຣຳ ລວມເຖິງການສົມທົບກໍາລັງທະຫານສູງສຸດ 15.000 ຄົນ ພາຍໃນທ້າຍປີນີ້ ເຊິ່ງເປັນຈໍານວນເທົ່າກັບກອງກໍາລັງຂອງອາເມຮິກາ ທີ່ກຳລັງສູ້ຮົບໃນປະເທດອັຟການິສຖານ ແລະ ຫຼາຍກວ່າຈຳນວນທະຫານອາເມຣິກາໃນປະເທດຊີເຣຍອີກ.

ในภาพอาจจะมี 3 คน, ท้องฟ้า และสถานที่กลางแจ้ง

ໃນຂະນະທີ່ທຸກຝ່າຍຕິດຕາມການເຄື່ອນຍ້າຍຂອງຄາລາວານຜູ້ອົບພະຍົບກຸ່ມດັ່ງກ່າວໃນການເດີນທາງສູ່ອາເມຣິກາ ລາຍງານຂອງກະຊວງຄວາມໝັ້ນຄົງແຫ່ງມາຕູພູມເຜີຍສະຖິຕິຜູ້ອົບພະຍົບພະຍາຍາມລັກລອບຂ້າມເຂດແດນ ແລະ ຖືກຈັບໄດ້ຕັ້ງແຕ່ຕົ້ນປີນີ້ຢູ່ທີ່ປະມານ 400.000 ຄົນ.

%d bloggers like this: