ຕໍາຫຼວດເລສເຕີ ຖະແຫຼງຜົນພິສູດເອກະລັກບຸກຄົນ ສາເຫດເຮລີຄັອບເຕີຕົກ ທີ່ຄິງພາວເວີແລ້ວ

ຕໍາຫຼວດເລສເຕີເຊຍ ຖະແຫຼງຜົນພິສູດເອກະລັກບຸກຄົນຜູ້ເສຍຊີວິດຈາກເຫດຍົນເຮລິຄັອບເຕີຕົກທີ່ເດີ່ນຈອດລົດສະໜາມາມບານເຕະຄິງພາວເວີ ເມື່ອຄືນວັນເສົາຢ່າງເປັນທາງການຄົບທັງ 5 ສົບແລ້ວ ເລີ່ມຈາກ ທ່ານ ວິໄຊ ສຣີວັດນະປຣະພາ ເຈົ້າຂອງສະໂມສອນເລສເຕີ ຊິຕີ້ ແລະ ປະທານກຸ່ມບໍລິສັດຄິງພາວເວີ ຕາມລາຍງານຈາກເມືອງເລສເຕີ ໃນວັນພຸດ.

ເມື່ອໄລຍະຕອນແລງ ເຖິງຕອນເດິກ ຂອງວັນພຸດ ຕາມເວລາທ້ອງຖິ່ນ ຕໍາຫຼວດເລສເຕີເຊຍ ໄດ້ຖະແຫຼງການວ່າ ຫຼັງຈາກການສືບສວນທາງນິຕິວິທະຍາສາດ ແລະ ລາຍະລະອຽດອື່ນໆຂອງເຈົ້າໜ້າທີ່ຕໍາຫຼວດສຳເລັດແລ້ວ ຕໍາຫຼວດໄດ້ສົ່ງມອບຫຼັກຖານຕໍ່ ທ່ານນາງ ເມສັນ ເຈົ້າໜ້າທີ່ພິສູດສົບອາວຸໂສ ແຫ່ງຄະນະກໍາມະການລະບຸ ເອກະລັກບຸກຄົນຢ່າງເປັນທາງການເປັນທີ່ຮຽບຮ້ອຍ ໂດຍເຈົ້າໜ້າທີ່ພິສູດຫຼັກຖານ ໄດ້ຢືນຢັນລາຍຊື່ຜູ້ເສຍຊີວິດຈາກເຫດຍົກເຮລີຄັອບເຕີຕົກ ທີ່ນອກສະໜາມຄິງພາວເວີ ເມື່ອຄືນວັນເສົາ ໃນເວລາປະມານ 20,30 ໂມງ ຕາມເວລາທ້ອງຖິ່ນ ຄົນທໍາອິດວ່າເປັນ ທ່ານ ວິໄຊ ສຣີວັດນະປຣະພາ ອາຍຸ 60 ປີ.

ສ່ວນຜູ້ເສຍຊີວິດອີກ 4 ຄົນ ແລະ ຜ່ານການພິສູດເອກະລັກບຸກຄົນສຳເລັດແລ້ວ ມີ ທ່ານນາງ ນຸສະຣາ ສຸກໜ້າໄມ້, ສອງນັກບິນ ທ່ານ ເອຣິກ ສະວາຟເຟີ ກັບ ທ່ານ ອິຊາເບລ່າ ໂຣຊາ ເລໂຄວິຊ ແລະ ທ່ານ ກະວີພອນ ພັນແພ ຕາມລໍາດັບ ເຊິ່ງຫຼັງຈາກນີ້ ເຈົ້າໜ້າທີ່ຈະໄດ້ອອກເອກະສານເພື່ອໃຫ້ພີ່ນ້ອງມາຮັບສົບ ແລະ ນໍາໄປປະກອບພິທີທາງສາສະໜາຕໍ່ໄປ.

%d bloggers like this: