ເລສເຕີ ຊິຕີ້ ຖະແຫຼງການ ທ່ານ ວິໄຊ ເຈົ້າຂອງສະໂມສອນເສຍຊີວິດ

ເລສເຕີ ຊິຕີ້ ຢືນຍັນ ທ່ານ ວິໄຊສີ ສຣີວັດນະປຣະພາ ເຈົ້າຂອງສະໂມສອນ ແລະ ທີມງານອີກ 4 ຄົນ ເສຍຊີວິດແລ້ວ ຈາກເຫດການຍົນເຮລິຄອບເຕີຕົກ ເມື່ອວັນເສົາ ທີ່ຜ່ານມາ ໂດຍສະໂມສອນຈະເປີດໃຫ້ມີການລົງນາມໃນຫນັງສືລົງນາມໄວ້ອາໄລ ຕັ້ງແຕ່ເວລາ 08:00 ໂມງ ຂອງວັນອັງຄານທີ່ 30 ຕຸລານີ້ (ຕາມເວລາທ້ອງຖິ່ນ).

ຖະແຫຼງການຮ່ວມອອກໃນນາມຂອງກຸ່ມບໍລິສັດຄິງ ພາວເວີ, ສະໂມສອນບານເຕະ ເລສເຕີ ຊິຕີ້ ແລະ ສະໂມສອນບານເຕະໂອເອຊ ລູເວີນ ທີ່ກ່ຽວກັບປະທານກໍາມະການ ທ່ານ ວິໄຊ ສຣີວັດນະປຣະພາ.

ในภาพอาจจะมี 1 คน, กำลังยิ้ม

ດ້ວຍຄວາມເສຍໃຈ ແລະ ຄວາມອາໄລຢ່າງສຸດຊຶ້ງທີ່ທາງສະໂມສອນໄດ້ຮັບການຢືນຢັນວ່າ ທ່ານ ວິໄຊ ສຣີວັດນະປຣະພາ ເປັນຫນຶ່ງໃນຜູ້ເສຍຊີວິດ ເມື່ອຄືນວັນເສົາ ທີ່ຜ່ານມາ ເຊິ່ງເກີດຂຶ້ນໃນຂະນະທີ່ຍົນເຮລິຄອບເຕີສ່ວນຕົວໄດ້ພາຕົວທ່ານ ແລະ ອີກ 4 ຄົນ ອອກໄປບໍລິເວນນອກສະໜາມຄິງພາວເວີ ສະເຕດ້ຽມ ໃນເມືອງເລສເຕີ ຊິຕີ້ ເຊິ່ງທັງ 5 ຄົນ ບໍ່ມີໃຜທີ່ລອດຊີວິດ ໃນເຫດການນີ້.

ໃນນາມຂອງກຸ່ມບໍລິສັດ ຄິງພາວເວີ ສະໂມສອນບານເຕະເລສເຕີ ຊິຕີ້ ແລະ ສະໂມສອນບານເຕະໂອເອຊ ລູເວີນ ຂໍສົ່ງກໍາລັງໃຈໄປຍັງຄອບຄົວສຣີວັດນະປຣະພາ ແລະ ຄອບຄົວຂອງບັນດາຜູ້ທີ່ໂດຍສານຢູ່ເທິງຍົນເຮລິກເຕີລໍາດັງກ່າວດ້ວຍເຊັ່ນກັນ.

ในภาพอาจจะมี หนึ่งคนขึ้นไป, รองเท้า, ดอกไม้ และสถานที่กลางแจ้ง

ແກ່ ທ່ານ ວິໄຊ ໂລກໄດ້ສູນເສຍອີກໜຶ່ງບຸກຄົນທີ່ສູງສົ່ງ, ບຸກຄົນທີ່ເປັນຜູ້ທີ່ມີຈິດໃຈດີ, ມີຄວາມເອື້ອອາທອນຕໍ່ຜູ້ອື່ນ, ບຸກຄົນທີ່ຊີວິດນີ້ໄດ້ອຸທິດໃຫ້ກັບສິ່ງທີ່ຮັກໃຫ້ກັບຄອບຄົວຂອງທ່ານ ລວມໄປເຖິງ ຄວາມສໍາເລັດຕ່າງໆ ພາຍໃຕ້ການນໍາຂອງທ່ານ ວິໄຊ ເຊິ່ງພວກເຮົາທຸກຄົນຕ່າງກໍ່ເປັນສະມາຊິກຄອບຄົວພາຍໃຕ້ການນໍາຂອງຫົວໜ້າຄອບຄົວຂອງທ່ານວິໄຊ ເຊິ່ງພວກເຮົາຈະເປັນສະມາຊິກຄອບຄົວທີ່ເສຍໃຈກັບຈາກໄປຂອງທ່ານ ແຕ່ພວກເຮົາຍັງຮັກສາໄວ້ດ້ວຍເຈດຈຳນົງ ແລະ ວິໄສທັດອັນກວ້າງໃຫຍ່ທີ່ຕົວທ່ານໄດ້ໃຫ້ໄວ້ເປັນມໍລິດົກສືບທອດໄປໃນອະນາຄົດ.

ໃນວັນທີ່ 30 ຕຸລານີ້ ຈະມີການເປີດໃຫ້ລົງນາມສະແດງຄວາມອາໄລຕໍ່ການຈາກໄປຂອງທ່ານວິໄຊ ສຣີວັດນະປຣະພາ ທີ່ຄິງພາວເວີ ສະເຕດ້ຽມ ຕັ້ງແຕ່ເວລາ 08:00 ໂມງເປັນຕົ້ນໄປ ນອກຈາກນີ້ ຍັງໄດ້ເປີດໃຫ້ລົງນາມສະແດງຄວາມອາໄລທີ່ສະໜາມຄິງພາວເວີ ແອັດ ເດນດຣີຟ ໃນເມືອງລູເວີນປະເທດເບລຢ້ຽມ ອີກດ້ວຍ.

ในภาพอาจจะมี หนึ่งคนขึ้นไป, ฝูงชน และสถานที่กลางแจ้ง

%d bloggers like this: