ຈີນຂະຫຍາຍການຮ່ວມມືດ້ານເສດຖະກິດ ກັບອີກ 16 ປະເທດໃນເອີຣົບ

ລັດຖະມົນຕີຄົມມະນາຄົມຈີນກ່າວວ່າ ຈີນຕ້ອງການເພິ່ມການຮ່ວມມື ກັບກຸ່ມປະເທດໃນເອີຣົບຕອນກາງ ແລະ ຕາເວັນອອກ ເຊິ່ງເປັນພື້ນທີ່ ທີ່ຈີນໄດ້ໃຊ້ງົບປະມານສະໜັບສະໜຸນຫຼາຍໂຄງການ ສ່ວນໜຶ່ງຂອງຄວາມພະຍາຍາມຂະຫຍາຍອິດທິພົນໄປທົ່ວໂລກໃຫ້ຫຼາຍຂຶ້ນ.

ສຳນັກຂ່າວຕ່າງປະເທດລາຍງານນະນະຄອນຫຼວງເບວເກຣດ ສາທາລະນະລັດເຊີເບຍ ເມື່ອວັນອັງຄານ ທີ 16 ຕຸລາ ວ່າ ທ່ານລີ ສ່ຽວເຜິງ ລັດຖະມົນຕີກະຊວງຄົມມະນາຄົມຈີນ ກ່າວຕໍ່ໜ້າເຈົ້າໜ້າທີ່ ຂອງ 16 ປະເທດເອີຣົບ ທີ່ປະຊຸມໃນນະຄອນຫຼວງເບວເກຣດ ເມື່ອວັນອັງຄານວ່າ ການປັບປຸງຄວາມສຳພັນທາງເສດຖະກິດ ແລະດ້ານອື່ນໆ ຈະຢູ່ບົນພື້ນຖານ ຕ່າງຝ່າຍຕ່າງໄດ້ຮັບຜົນປະໂຫຍດ ທ່ານລີ່ ກ່າວເປັນພາສາຈີນ ໂດຍມີລ່າມແປເປັນພາສາອັງກິດ “ຈີນມີຈຸດປະສົງ ແລະ ມີຄວາມພ້ອມ ເຊັ່ນດຽວກັບ 16 ປະເທດໃນເອີຣົບ ທີ່ຈະເພິ່ມຄວາມຮ່ວມມືຕໍ່ກັນໃຫ້ແໜ້ນແຟ້ນ”.

ในภาพอาจจะมี 2 คน, ชุดสูท

ຜົນປະໂຫຍດຂອງຈີນໃນເອີຣົບຕອນກາງ ແລະ ຕາເວັນອອກ ເຊື່ອມໂຍງກັບແຜນ “ເສັ້ນທາງສາຍໄໝ” ທີ່ຈະເພິ່ມອິດທິພົນຂອງຈີນໃນຕ່າງແດນ ໂດຍຜ່ານການລົງທຶນ ແລະ ຄວາມສຳພັນທາງເສດຖະກິດໃຫ້ໃກ້ຊິດກັນຍິ່ງຂຶ້ນ ເຊິ່ງແຜນຂອງຈີນເປັນການສ້າງຄວາມວິຕົກກັງວົນໃນສະຫະພາບເອີຣົບ ວ່າ ການລົງທຶນຈະເຮັດໃຫ້ບໍລິສັດຂອງເອີຣົບເສຍປຽບບໍລິສັດຈີນ.

ໃນເຊີເບຍ ຫຼາຍໂຄງການທີ່ຈີນສະໜັບສະໜຸນລວມເຖິງ ການກໍ່ສ້າງທາງທົດໄຟຄວາມໄວສູງ ເຊື່ອມຕໍ່ລະຫວ່າງ ນະຄອນຫຼວງເບວເກຣດ ກັບ ນະຄອນບູດາເປສ ເມືອງຫຼວງຂອງປະເທດຮັງກາຣີ ປະທານາທິບໍດີອາເລັກຊານເດີ ວູວິຊ ຂອງເຊີເບຍ ສະແດງຄວາມຊົມເຊີຍບົດບາດຂອງຈີນ ໂດຍກ່າວວ່າ ທີ່ຜ່ານມາ “ມີຜົນປະໂຫຍດຫຼວງຫຼາຍ” ສຳລັບປະເທດທີ່ທຸກຍາກ.

ในภาพอาจจะมี 1 คน

ในภาพอาจจะมี สถานที่ในร่ม

%d bloggers like this: