ເຄັດລັບການຮັກສາສຸຂະພາບຂອງໝໍ ແນ່ງ

ຜູ້ຍິງເຮົາການຮັກສາສຸຂະພາບ ຫຼື ຮັກສາຫຸ່ນຖືວ່າເປັນເລື່ອງສຳຄັນ ນອກຈາກສຸຂະພາບຮ່າງກາຍດີແລ້ວສຸຂະພາບຜິວກໍ່ຕ້ອງໄປພ້ອມໆກັນ ເຊິ່ງມື້ນີ້ຄໍລຳ ສຸຂະພາບ ເຮົາຈະພາທ່ານມາຄົ້ນຫາເຄັດລັບໃນການຮັກສາສຸຂະພາບຂອງ ສາວ ແນ່ງ ທີ່ເປັນທັງທ່ານໝໍ ລວມທັງພີເຊັນເຕີ ແລະ ເປັນເຈົ້າຂອງຍີ່ຫໍ້ຄຣີມອາບນໍ້າ ເມລ້ອນ.

ທ່ານ ດຣ. ນາງ ຈັນດາລີ ສິດພະໄຊ ຫຼື ໝໍ ແນ່ງ ໄດ້ໃຫ້ສຳພາດກັບນັກຂ່າວ ເສດຖະກິດ – ການຄ້າ ວ່າ: ເຄັດລັບໃນການຮັກສາສຸຂະພາບແມ່ນນັ່ງສະມາທິ, ກິນອາຫານທີ່ມີປະໂຫຍດ, ອອກກຳລັງກາຍໃນເວລາວ່າງ ແລະ ຫຼີກລຽງການນອນເດິກ. ນອກຈາກນີ້, ວິທີໃນກິນອາຫານກໍ່ມີສ່ວນສໍາຄັນ ເຊິ່ງຕອນແລງຈະກິນໜ້ອຍກວ່າທຸກຄາບ, ຈະບໍ່ກິນແປ້ງ ແລະ ຂອງຫວານຫຼາຍໃນອາຫານແລງ ແຕ່ຈະເນັ້ນກິນປະເພດນໍ້າດື່ມ ຫຼື ນໍ້າໝາກນາວ.

ສ່ວນການຮັກສາຫຸ່ນແມ່ນພະຍາຍາມຫຼຸດທາດແປ້ງ, ບໍ່ໃຫ້ຂາດອາຫານເຊົ້າ ແລະ ການອອກກຳລັງກາຍ ໂດຍການຫຼິ້ນໂຢຄະ, ແລ່ນ ຫຼື ຖີບລົດຖີບ. ນອກຈາກເຄັດລັບໃນການຮັກສາຫຸ່ນແລ້ວ, ຍັງມີເຄັດລັບໃນການຮັກສາຜິວດ້ວຍຜະລິດຕະພັນຄຣີມອາບນໍ້າເມລ້ອນ ໂດຍມີສ່ວນປະສົມຂອງໝາກໄມ້ຫຼາຍກວ່າ 10 ຊະນິດ ເປັນຄຣີມອາບນໍ້າທີ່ຊ່ວຍເພີ່ມວິຕາມິນໃຫ້ຜິວພັນ ແລະ ຊ່ວຍບຳລຸງຜິວໃຫ້ໄດ້ຮັບສານອາຫານທີ່ດີ.

ໃນນາມທີ່ເປັນທ່ານໝໍ ແລະ ກຳລັງສຶກສາຕໍ່ປະລິນຍາໂທທີ່ປະເທດອັງກິດ ກໍ່ໄດ້ມີສ່ວນຮ່ວມຊ່ວຍເຫຼືອປະຊາຊົນແຂວງອັດຕະປື ທີ່ໄດ້ຮັບຜົນກະທົບໃນເດືອນສິງຫາຜ່ານມາ.

ປັດຈຸບັນມີຜົນງານຮູບເງົາຖ້າສາຍເລື່ອງ “ ສາຍສຳພັນ ລາວ – ຈີນ ດອກຈຳປາບານ ” ແລະ ຈະກຳລັງຖ່າຍທຳຮູບເງົາ “ ສະບາຍດີປະເທດລາວ ” ທີ່ເປັນຮູບເງົາລະ ຫວ່າງພະເອກຈີນ ແລະ ນາງເອກລາວ ຮູບເງົານີ້ຍິ່ງໃຫຍ່ ໂດຍໃຊ້ທຶນ, ອຸປະກອນຖ່າຍທຳ ແລະ ທີມນັກສະແດງຫຼາຍກວ່າທີມເກົ່າອີກສອງເທົ່າ ເນື່ອງຈາກກຽມໃສ່ປີ 2019 ເຊິ່ງເປັນປີສົ່ງເສີມສາຍພົວພັນ ແລະ ການທ່ອງທ່ຽວ ລາວ – ຈີນ ພ້ອມທັງມີຮູບເງົາໃນເດືອນທັນວາ ລະຫວ່າງສອງປະເທດອ້າຍນ້ອງ ລາວ – ໄທ ສາມາດຕິດຕາມຜົນງານໄດ້ທາງເຟສບຸ໊ກ chandaly ningnang Sitpraxay ແລະ ໄອຈີ ningnang_chandaly.

( ຂ່າວ: ນຸ້ມນິ້ມ )

%d bloggers like this: