ຍີ່ປຸ່ນ ກຽມຂຶ້ນພາສີຜູ້ບໍລິໂພກ ເປັນ 10%

ພາສີຜູ້ບໍລິໂພກຂອງປະເທດຍີ່ປຸ່ນ ໃນອັດຕາໃໝ່ 10% ຈະມີຜົນບັງຄັບໃຊ້ໃນເດືອນຕຸລາປີໜ້າ ໂດຍລັດຖະບານຫວັງຈະຊ່ວຍຫຼຸດພາລະໜີ້ສິນສາທາລະນະ ແຕ່ປະຊາຊົນເຫັນວ່າຍິ່ງເພິ່ມຄວາມສັບສົນ ເພາະອັດຕາໃໝ່ບໍ່ໄດ້ຄວບຄຸມສິນຄ້າທຸກປະເພດ.

ในภาพอาจจะมี 3 คน, ผู้คนกำลังเดิน, ผู้คนกำลังยืน, ฝูงชน และสถานที่กลางแจ้ง

ສຳນັກຂ່າວຕ່າງປະເທດລາຍງານຈາກນະຄອນຫຼວງໂຕກຽວ ປະເທດຍີ່ປຸ່ນ ເມື່ອວັນອັງຄານ ທີ 16 ຕຸລາ ວ່າ ທ່ານໂຢຊິຮິເດະ ຊຶກະ ເລຂາທິການຄະນະລັດຖະມົນຕີຍີ່ປຸ່ນ ກ່າວເມື່ອວັນຈັນ ເລື່ອງການກຽມປັບຂຶ້ນພາສີຜູ້ບໍລິໂພດ ຫຼື ພາສີມູນຄ່າເພິ່ມ ຈາກອັດຕາປັດຈຸບັນ 8% ເປັນ 10% ເລິ່ມມີຜົນບັງຄັບໃຊ້ ຕັ້ງແຕ່ວັນທີ 1 ຕຸລາ 2019 ຖືເປັນການປັບເພິ່ມອັດຕາພາສີດັ່ງກ່າວເປັນຄັ້ງທຳອິດ ນັບຕັ້ງແຕ່ເດືອນເມສາ 2014 ຂະນະທີ່ ທ່ານນາຍົກລັດຖະມົນຕີ ຊິນໂຊະ ອາເບະ ຕ້ອງການປະກາດອັດຕາພາສີໃໝ່ຕັ້ງແຕ່ເດືອນຕຸລາປີຜ່ານມາ ແຕ່ຖືກເລື່ອນ 2 ຄັ້ງ ດ້ວຍຄວາມກັງວົນຕໍ່ສະຖານະການທາງເສດຖະກິດທີ່ຍັງອ່ອນຕົວຢູ່.

ເຖິງວ່າ ທ່ານ ຊຶກະ ກ່າວວ່າລັດຖະບານອາດຈະເລື່ອນ ຫຼື ຍົກເລີກການບັງຄັບໃຊ້ພາສີຜູ້ບໍລິໂພກອັດຕາໃໝ່ 10% ຖ້າເສດຖະກິດໂລກມີທ່າອ່ຽງປະສົບກັບພາວະທົດຖອຍຄັ້ງໃຫຍ່ດັ່ງສະຖານະການ ເມື່ອປີ 2008 ເຊິ່ງນຳໄປສູ່ການປິດກິດຈະການຂອງເລແມນ ບຣາເທີ ໜຶ່ງໃນສະຖາບັນການເງິນລາຍໃຫຍ່ລະດັບໂລກຂອງອາເມຣິກາ ທີ່ສ້າງຜົນກະທົບໄປທົ່ວໂລກ ຢ່າງໃດກໍ່ຕາມຄວາມປ່ຽນແປງທີ່ກຳລັງເກີດຂຶ້ນອາດຈະສ້າງຄວາມສັບສົນບໍ່ໜ້ອຍໃຫ້ແກ່ຜູ້ບໍລິໂພກ ແລະ ຜູ້ປະກອບການເນື່ອງຈາກອັດຕາພາສີສຳລັບສິນຄ້າອາຫານສົດຈະຍັງຢູ່ທີ່ 8% ຄືເກົ່າ ແຕ່ອາຫານທີ່ຮັບປະທານພາຍໃນຮ້ານອາຫານ ແະ ເຄື່ອງດື່ມທີ່ມີທາດເຫຼົ້າ ຖືວ່າຢູ່ໃນກຸ່ມທີ່ຕ້ອງໃຊ້ອັດຕາພາສີໃໝ່.

ในภาพอาจจะมี สถานที่กลางแจ้ง

ດ້ວຍເຫດນີ້ ຈຶ່ງໝາຍຄວາມວ່າບັນດາຫ້າງຮ້ານຕ້ອງກຽມມາດຕະການຮັບມືຕັ້ງແຕ່ຕອນນີ້ ດ້ວຍການຈັດປ້າຍພາສີແຈ້ງລາຄາ 2 ແບບ ເຊິ່ງຜູ້ປະກອບການມີຄວາມຄິດເຫັນໃນທາງດຽວກັນ ວ່າຈຳນວນຄົນໄປກິນອາຫານໃນຮ້ານຈະຫຼຸດລົງ ເພາະວ່າມີລາຄາແພງກວ່າຊື້ກັບເມືອປຸງແຕ່ງເອງ ໃນຂະນະທີ່ຜູ້ປະກອບການຕ້ອງແບກຮັບພາລະຕົ້ນທຶນທີ່ເພິ່ມຂຶ້ນ ແຕ່ລັດຖະບານຍັງເຊື່ອໝັ້ນວ່າຈະເປັນການເພິ່ມການໃຊ້ຈ່າຍຂອງຜູ້ບໍລິໂພກ ເພື່ອນຳລາຍໄດ້ສ່ວນນີ້ໄປແບ່ງເບົາພາລະໜີ້ສິນສາທາລະນະ ແລະ ຈັດລະບົບສະຫວັດດີການດ້ານສຸຂະພາບສຳລັບກຸ່ມຜູ້ສູງອາຍຸໃນປະເທດທີ່ເພິ່ມຂຶ້ນຕໍ່ເນື່ອງ.

%d bloggers like this: